 |
 |
Marketlərdə hansı adda istəsən, mənşəyi bilinməyən duru yağlar satışdadır. Qiyməti də 1 litri 2-3 manat. Bu yağın ucuzluğu sözsüz ki, müştəriləri cəlb etməyə bilməz. Ancaq sual yaranır ki, keyfiyyəti necədir?
"Ölkə.Az" xəbər verir ki, mələsə ilə bağlı ARB TV-nin "Günə Doğru" proqramında geniş süjet yayımlanıb.
Eyyub Hüseynov - AİB sədri: "Adətən əmtəə bazarına çox yaxşı bir brend kimi girirlər. İstehlakçının necə deyərlər simpatiyasını qazanırlar. Sonra onun saxta variantlarını distribütorlar özləri gətirirlər. Neçə illərdir biz bunu müşahidə edirik. Azad istehlakçılar birliyinin təsiri ilə bəzi yağlar hətta satışdan çıxarılıb artıq. Ərəb əmirliklərindən gətirilən".
Sakin: "1 kq günəbaxanı əkmək üçün xeyli miqdarda əkin sahəsi lazımdır. Bəs onun bazarda kilosu neçəyədir? Neçə kiloqramdan 1 litr yağ almaq olar? Şübhəlidir ki, o günə baxan yağı deyil".
İsa Əliyev - Qida mühəndisi: "Çox ucuz qiymətə yağlar satılır ki, onların mənşəyi heç bir şəkildə bəlli deyil. Adını qoyurlar günəbaxan yağı və yaxud da qarğıdalı yağı, amma içində soya yağı var, palma yağı var və yaxud da pambıq yağı var. Bu bitkisəl yağlar günəbaxan, qarğıdalı yağından daha az qida dəyəri olan yağlardır".
Mövzu ilə bağlı sözügedən yağların satışını həyata keçirən supermarketlərin nümayəndələri danışmaq istəmədilər. Ona görə də, əsasən Rusiya və Türkiyə istehsalı olan bu yağların idxalçı şirkətlərini axtarmaq qərarına gəldik.
Eyyub Hüseynov - AİB sədri: "2 il öncə Rusiyadan idxal olunan yağın ekspertizasını keçirtdik. Məlum oldu ki, o heç də üzərində yazıldığı kimi qarğıdalı yağı deyil. Digər yağların qarışığıdır. Bir sözlə yağ bazarı həddindən artıq çirklənmiş bir bazardır. İstehlakçının əlbəttə hüquqları pozulur".
İsa Əliyev - Qida mühəndisi: "Ekonomik seqmentə necə hakim olma müharibələri gedir. Yəni daha ucuz malı mən bazara daxil edəcəm, o məhsula günəbaxan yağının aromasını vuracam, qarğıdalı yağının aromasını vuracam. Biraz rəngləndirəcəm, orijinalına yaxın gösərəcəm və insanlara daha ucuz yağ satacam".
Ucuz ətin şorbası olmadığı kimi, ucuz yağın da keyfiyyətinə əsaslı şübhələr var. Amma yenə də seçim alıcılarındır...
Azərbaycan xalqı dünyanın ən xoşbəxt insanlarındandır ki, Allah-Təala ona yeraltı və yerüstü sərvətlərlə dolu məkan nəsib edib. Lakin belə bir deyim də var ki, “Allah hər xoşbəxtliyi bir yerdə vermir”. Bunca əlverişli iqlimi, zəngin sərvətləri olan dövlətimizin sərvətinə göz dikən nankor övladlar isə yəqin ki, millətin xoşbəxtliyinin kəffarəsidir. Biz bu yazımızla kimlərin bu millət üçün kim olduqlarını birbaşa ictimaiyyətə çatdırmaq istəyirik.Yaxın tarixlərdə bütün ölkə ictimaiyyəti,Dövlət Neft Şirkətinin Prezidenti Rövnəq Abdullayevin “qoçularının” Qarabağ qazilərini vəhşicəsinə döyüb, əl-ayaqlarını sındırdığını ürək ağrısı ilə izlədi. Qaziləri döydürən Rövnəq Abdullayevin hesaba gəlməyən var-dövlətləri yəqin ki, valideynlərinin müəllimlik məvacibi ilə əldə edilməyib. Deyilənlərə inansaq, iki milyonluq saatın da sahibi məhz “SOCAR” prezidentinin oğluna məxsus olduğu deyilirdi.
Ölkəmizin bərəkətli torpaqları tarixin hər mərhələsində əkinçilik sahəsi ilə məşğul olan insanları təəccübləndirir. İlin dörd fəsli üçün məhsul yetişdirmək imkanlarına sahib olan Azərbaycan coğrafiyasında,ildə bir dəfədə olsun lazımınca yararlanmaq mümkün deyil. Nəticəsi də ölkədə kənd təsərrüfatının düzgün idarə olunmaması ağılasığmaz bahalığa yol açır. Əlbəttə ki, bütün bunlar bizlərin deyil, Müasir Müsavat Partiyasının sədri cənab Hafiz Hacıyevin fikirləridir.
Hafiz Hacıyev bu gün Azərbaycan Respublikası Kənd Təsərrüfatı naziri İnam Kərimovu bacarıqsızlıqda və eyş-işrət düşkünlüyündə təqsirləndirir. Mövsümündə belə kənd təsərrüfatı məhsullarının olduqca baha olması nazirin səriştəsizliyinin acı nəticəsidir.Bütün bunlar işin bir tərəfi.
Acınacaqlısı odur ki, adı gedən nazirlikdə İstehsal Müəssisələri ilə İş şöbəsinin müdiri vəzifəsində oturan Aydəm İsmayılov dövlət əleyhinə qruplaşmanın başında dayanan Eldar Mahmudovun kadrlarındandır. Bu haqda “azfakt”.com və digər xəbər portallarında geniş məlumatlar dərc olunmuşdur.
Aydəm İsmayılov nazirlikdə şöbə müdiri vəzifəsinə təyin olunmazdan əvvəl “Azəraqrar” Dövlət İstehsalat Birliyi MMC-nin direktoru vəzifəsində çalışıb. Eyni zamanda Eldar Mahmudovun sağ əli olan və sahibkarlara “divan tutan” Akul Akif”lə şərik olub. Əminik ki,bu haqda müxtəlif mətbuat orqanlarında kifayət qədər yayılan məlumatlar oxucunun yaddaşından silinməyib. Hətta “EuroTikinti” MTK-nın sədri Nəsimi Sadiqov mətbuata verdiyi müsahibələrinin birində bildirir ki: Aydəm İsmayılovun şəriki “Akul Akif” onu çağırıb 3000.000 dollardan baha olan əmlakının qarşılıqsız A.İsmayılovun adına keçirməsini hədə-qorxu ilə tələb edib və nail olublar.
Göründüyü kimi istər müxalifət lideri Hafiz Hacıyevin, istərsə də mətbuatın yayımladığı məlumatlarda bu gün Kənd Təsərrüfatı nazirliyində kimlərin vəzifə tutduğu göz önündədir.
Ölkə Prezidentinə və dövlətə qarşı ayaqlanan qrupun başında dayanmış Eldar Mahmudovun “məktəbini oxumuş” bir məmurdan xalqa nə xeyir gələ bilər? Məgər nazir İnam Kərimov A.İsmayılova belə bir vəzifə həvalə edəndə onun kim olduğunu bilmirdi?. Əlbəttə ki, gözəl bilirdi. Bəs elə isə maraqlarının arxasında dayanan nədir ki, bu qədər çirkab içərisində olan birisini gətirib millətin “ruzi” ağacına çıxardıb? Halbuki, Hafiz Hacıyevin söylədiyi kimi ”Green park” MMC kimi böyük bizneslərə sahib olan A.İsmayılov kifayət qədər təmtəraqlı həyat tərzi yaşayır.
Azərbaycan Respublikasının qanunvericiliyi ilə dövlət qulluğu statusu daşıyan şəxs bizneslə məşğul ola bilməz. Görünür ki, Azərbaycan Respublikasının qanunları A.İsmayılova aid deyil. Əks halda oturduğu kürsüsündə törətdiyi, əməllərlə xalqı dövlətə qarşı narazı salmağın məsuliyyətini dərk etmiş olardı. Çox təəssüf ki, nazir işçisi haqqında söylənilən bu qədər faktlara etinasız yanaşır. Bir sözlə, məmurun mövqeyini, xalqın mənafeyindən üstün tutur. Necə deyərlər:-”Dəyirman öz işində,çax-çax baş ağrıdır”
Adları qeyd olunan şəxslərin mövqeyini dərc etməyə hazırıq:
“DogruXeber.az”
Dekabrın 9-da Bakıda keçirilən iqtisadi əməkdaşlıq üzrə Azərbaycan-Rusiya Hökumətlərarası Komissiyasının XVIII iclasının yekunlarına əsasən protokol imzalanıb.
Hökumətlərarası Komissiyanın iclası çərçivəsində həmçinin 2020-2022-ci illər üzrə aqrar sənaye kompleksi sahəsində Əməkdaşlıq Proqramı və 2020-2022-ci illər üzrə turizm sahəsində Əməkdaşlıq Proqramı imzalanıb.
Sənədləri Azərbaycan tərəfindən Baş Nazirinin müavini, komissiyanın həmsədri Şahin Mustafayev və İqtisadi İnkişaf naziri, komissiyanın həmsədri Maksim Oreşkin imzalayıblar.
Bu günə qədər iki ölkə arasında müxtəlif sahələri əhatə edən 200-dən çox sənəd imzalanıb.
Abşeron rayonu Qobu və Masazır qəsəbələri, At-yalı yaşayış sahəsi, Xırdalan şəhəri Quşçuluq yaşayış massivi və Binəqədi rayonu 28 May qəsəbəsində dayanıqlı və keyfiyyətli elektrik enerjisi təchizatı ilə əlaqədar olaraq 10/6/0.4 kv-luq EVX-ləri, TM, KTM-lərdə yenidənqurma işləri davam etdirilir.
“Qafqazinfo” xəbər verir ki, bununla əlaqədar olaraq dekabrın 10-da adıçəkilən ərazilərdə elektrik enerjisi təchizatında qısamüddətli növbəli fasilələr yaranacaq.
Sabiq Müsavat başqanı, Milli Strateji Düşüncə Mərkəzinin sədri İsa Qəmbər Milli Şuranın üzvü, keçmiş deputat Gültəkin Hacıbəyliyini aralarında keçən şəxsi söhbəti ictimailəşdirməsinə görə qınayıb. “Qafqazinfo” xəbər verir ki, İ. Qəmbərin sözlərinə görə, Azərbaycan ictimai-siyasi arenasında ən çox tənqid olunan- haqlı ya haqsız, səmimi ya qərəzli şəxslərdən biri Gültəkin Hacıbəylidir:
“İradlar demokratik düşərgədən gələndə Gültəkin xanımın cavab üçün istifadə etdiyi əsas arqumentlərdən biri də təxminən belə olur. "Müsavat başqanı Isa Qəmbər mənə təkidlə partiyanın beynəlxalq siyasət üzrə başqan müavini postunu təklif edib 2013-cü ilin payızında, mən imtina etmişəm". Gültəkin xanım məram və niyyətlərin dəqiqləşdirilməsi üçün edilən söhbəti "təkidli təklif" kimi dəyərləndirirsə, mübahisə etməyəcəm. İki nəfər arasında söhbətin elə yalnız iki də şahidi var. Məncə aydın məsələdir ki, kiməsə vəzifə təklif etmək onu toxunulmaz etmir, tənqiddən təminat vermir. Bu mövzuda diskussiyalıq bir şey yoxdur. Başqa bir məqamı vurğulamaq istəyirəm. Hörmətli Gültəkin xanım, mən sizə xarici siyasət üzrə müavin vəzifəsini təklif etmişəmsə də, hər halda daxili siyasət üzrə müavin vəzifəsi təklif etməmişəm. İndi də düşünürəm ki, siz özünüzün bilavasitə funksiyalarınızı həyata keçirməklə yanaşı, daha toparlayıcı mövqe tutsanız, təmsil etdiyiniz quruma və bütövlükdə demokratik düşərgəyə daha çox fayda gətirmiş olarsınız."
Milli Şuranın üzvü G. Hacıbəyli isə İ. Qəmbərin iradına şəxsi feysbuk səhifəsində münasibət bildirib:
“Hörmətli İsa Qəmbər bildirib ki, gərək mən onunla ikilikdə aramızda olan söhbəti ictimailəşdirməyəydim. Söhbət onun mənə 2013-cü ilin payızında Müsavat partiyasının Beynəlxalq məsələlər üzrə başqan müavini vəzifəsini təklif etməsindən gedir. Birincisi, mən bu təklifə görə İsə bəyə bir daha təşəkkür edirəm, onu yüksək dəyərləndirirəm, çünki Müsavat Azərbaycan tarixinin ən şərəfli səhifəsini yazmış partiyanın adıdır.
İmtina etmişəm və hesab edirəm ki, düz etmişəm, lakin bu təklifdən imtina etməyim nə məni böyütməyib, nə İsa bəyi kiçiltməyib. Siyasətdə belə təkliflər də, imtinalar da çox olur və bu normal haldır. İkincisi, hər şeyə rəğmən İsa bəyin bu faktı etiraf etməsi onun səviyyəsinin göstəricisidir, çünki, təəssüf ki, Azərbaycan siyasətində heç də hamı bu keyfiyyətilə fərqlənmir, əksinə, vaxtilə məni öz təşkilatlarına dəvət edən bəziləri indi bunun əksini iddia edərək üzümə dururlar ki, guya mən hətta heç bir strukturu olmayan, ikinci kurs tələbələrinin belə qoşulmaqdan imtina etdiyi və 5-6 nəfər üzvü olan təşkilatda "sobesedovaniyadan" keçməmişəm. Heyf ki, çox şeyləri demək olmur...
İsa bəy onda da haqlıdır ki, iki nəfər arasında olan söhbət ictimailəşməməlidir və mən həyatım boyu belə davranmışam. Düzdür, İsa bəyin təklifi şəxsi söhbət deyildi, ən böyük müxalifət partiyalarından birinin idarəetməsiylə bağlı idi, amma mən yenə də bu söhbəti açmadım, ən doğma bildiyim insanlardan, məsələn, Cəmil müəllimdən başqa illərlə heç kimlə bölüşmədim. Hörmətli İsa bəy, mən bunu istəmirdim və etməzdim də, məni bu söhbəti ictimailəşdirməyə müsavatçılar məcbur etdi. Hər addımda məni keçmişimlə vuran, mənə qarşı ardıcıl kampaniyalar aparan, on ildir etdiyim fədakarlıqları, verdiyim qurbanları görməzdən gələn və bütün həyatı boyu etdiyim imtinaların bir faizini etməyəcək bəzi partiyadaşlarınız. Və mən məcburiyyət qarşısında, sadəcə, onların yadına salmalı oldum ki, mənim Milli Məclisin deputatı olduğum 2000-2010-cu illər təqvimdə başqan müavini vəzifəsi üçün təklif aldığım, həm də müsavatçıların yekdil səsiylə Milli Şuranın komitə sədri seçildiyim 2013-cü ildən əvvəl gəlir”-deyə Hacıbəyli vurğulayıb.
“Sürücülük imtahanlarının keçirilməsi DİM-ə verilərsə, təbii ki, icra mexanizmləri də müəyyən olunacaq”.
Turkustan.info bildirir ki. bu sözləri Dövlət İmtahan Mərkəzinin mətbuat katibi Xanlar Xanlarzadə sürücülük imtahanlarının DİM-ə verilməsi ilə bağlı deyilənlərə aydın gətirən zaman Lent.az -a söyləyib. Qurum rəsmisi bu kimi məsələlərin qanunvericiliklə tənzimləndiyini qeyd edib:
“Bu məsələlər qanunvericiliklə tənzimlənir. Sürücülük vəsiqəsi ilə bağlı imtahanların keçirilməsi də qanunvericilikdə qeyd olunduğu kimi aparılır. Yenidən hansı qərar qəbul ediləcəksə imtahanları da o qurum keçirəcək. Sürücülük vəsiqələrinin əldə olunması üçün təşkil olunan imtahanların DİM-ə verilməsi hələ ki, gündəmdə deyil”.
Xanlar Xanlarzadə deputat Çingiz Qənizadənin sürücülük imtahanlarının DİM tərəfindən keçirilməsinin böyük xərc tələb etməsi ilə bağlı fikrinə də aydınlıq gətirib: “Təbii ki, qanunvericilikdə bu təsdiqini taparsa ona uyğun işlər də həyata keçirilə bilər. İstənilən halda dövlət belə bir qərar verəcəksə, onun icra mexanizmləri də olacaq”.
Məsələ ilə bağlı Baş Dövlət Yol Polisi İdarəsinin ictimaiyyətlə əlaqələr şöbəsinin rəisi, polis polkovnik-leytnantı Rüfət Quliyev Lent.az -a münasibət bildirib. O, hazırda belə bir məsələnin gündəmdə olmadığını vurğulayıb:
“Bu barədə bir ildən çoxdur ki, əsassız fikirlər dolaşır. Hələ ki, imtahanların yol polisindən alınıb Dövlət İmtahan Mərkəzinə verilməsi istiqamətində hər hansı işlər görülmür. Sözügedən məsələ hazırda gündəmdə deyil”.
Qeyd edək ki, bir müddət öncə hüquqşünas Ərşad Hüseynov sürücülük imtanlarının DYP-dən alınıb DİM-ə verilməsi məsələsinə dövlət proqramı çərçivəsində baxılmasının daha məqsədəuyğun olduğunu bildirib. Deputat Çingiz Qənizadə isə sürücülük imtahanlarının DİM-ə verilməsinin əhali arasında narazılıq yaradacağını deyib:
“Bildiyiniz kimi, Dövlət İmtahan Mərkəzi bir neçə aydan bir 200-300 nəfərin iştirakı ilə dövlət qurumlarının, nazirliklərin imtahanını keçirir. Məhz bu səbəbdən də Dövlət İmtahan Mərkəzi bu imtahanları keçirtmək üçün çox ciddi hazırlıqlar prosesi aparır. Xüsusi mühafizə, xeyli sayda əməkdaş, eyni zamanda böyük zalların kirayəyə götürülməsi, kompüterləşdirilmə və s. bu kimi məsələləri həll etməkdən ötrü müəyyən vəsait xərcləyir. Ancaq sürücülük vəsiqəsinin alınması üçün verilən imtahan elədir ki, həftədə bir-iki dəfə keçirilir. İnsanlar da 5-10 nəfər gedib imtahanlarını verirlər. Belə olan halda əgər bu imtahan Dövlət İmtahan Mərkəzinə verilsə, gərək onda vətəndaş sürücülük vəsiqəsi almaq üçün 6 ay imtahanın keçiriləcəyini gözləsin. Bu proses isə uzun bir vaxt tələb edir”.
İş ərazisi müvafiq havalandırma qurğuları ilə təmin olunmalıdır. Həmin havalandırma sistemləri duman, qoxu, his və buxarlanmanı aradan qaldırmalı, temperaturu mühafizə etməli, toz, çirk və zərərvericilərin girişinin qarşısını almalıdır.
"Ölkə.Az"ın Qida Təhlükəsizliyi Agentliyinin apardığı araşdırmalara istinadən verdiyi məlumata görə, havalandırma qurğularının hissələrinin (filtrlər və digər hissələrin) mütəmadi təmizləmək və ya dəyişdirmək imkanının olması vacibdir.
Müəssisələr təbii və ya süni işıqlanma ilə işıqlanmalı, süni işıqlanma vasitələri xüsusi qoruyucu ilə qorunmalıdır. İstifadə olunacaq işığın şiddəti və rəngi qida istehsalı və qidanın xüsusiyyətlərinə mənfi təsir etməməli və iş yerlərini kifayət qədər işıqlandırmalıdır.
İş yeri daimi isti və soyuq içməli su ilə də təchiz edilməli və qida məhsulunun qızdırılma və ya soyudulması üçün istifadə olunan buxar və buz "içməli su" standartına cavab verməlidir. İstifadə edilən su çənlərinin yuyulub dizenfeksiya edilməsi və qeydiyyata alınması da mühimdir.
Qida məhsullarının istehsal və ya emal olunduğu ərazilər (ofislər və s. istisna olmaqla) qida məhsulları istehsalına uyğun gigiyenik tələblərə cavab verəcək formada quraşdırılmalıdır. Belə ki, döşəmə örtükləri möhkəm, dayanıqlı olmalı, su keçirməməli, sürüşkən olmamalı, təmizlənməsi sadə və dezinfeksiyaya uyğun olmalıdır. Örtüklər, həmçinin aşınmaya qarşı dayanıqlı və yuyula bilən olmalıdır. İstehsal sahəsində, həmçinin müvafiq say və ölçüdə tullantı su kanalı olmalıdır və kanallar qoxu yayılmasına və tullantıların geri qayıtmasına qarşı etibarlı, təmizləmə və dezinfeksiya edilə bilən olmalıdır.
Sabah ölkə ərazisində gözlənilən hava şəraiti ilə bağlı məlumat açıqlanıb.
Ekologiya və Təbii Sərvətlər Nazirliyinin Milli Hidrometeorologiya Departamentindən Axar.az-a verilən məlumata görə, sabah Bakıda və Abşeron yarımadasında buludlu hava şəraitinin üstünlük təşkil edəcəyi, arabir yağış yağacağı gözlənilir. Gecə və səhər yarımadanın bəzi yerlərdə intensivləşəcəyi ehtimalı var, axşama doğru əsasən yağmursuz olacaq. Mülayim şimal-qərb küləyi arabir güclənəcək.
Havanın temperaturu gecə 5-7° isti, gündüz 8-10° isti, Bakıda gecə 5-7°, gündüz 8-10° isti olacaq.
Atmosfer təzyiqi 760 mm civə sütunundan 765 mm civə sütununa yüksələcək. Nisbi rütubət 85-95 % olacaq.
Azərbaycanın rayonlarında bəzi yerlərdə yağış, dağlıq və dağətəyi rayonlarda qar yağacağı gözlənilir, ayrı-ayrı şərq rayonlarında intensiv olacağı ehtimalı var. Gündüz əksər rayonlarda əsasən yağmursuz keçəcək.
Ayrı-ayrı yerlərdə duman olacaq. Qərb küləyi ayrı-ayrı yerlərdə arabir güclənəcək.
Havanın temperaturu gecə 1-6° isti, gündüz 7-12° isti, dağlarda gecə 2-7° şaxta, gündüz 0-5° isti olacaq.
Bu gün Milli Məclisin deputatı Yevda Abramov dünyasını dəyişib.Yevda Abramov parlamentdə bir çox maraqlı çıxışları ilə yadda qalıb.
Bir müsahibəsində isə Yevda Abramov bildirirdi ki, öləndə əzrayıldan möhlət istəyəcək:
“Ömrümü tapşıranda Əzrayıla deyəcəm ki, mənə imkan ver “Can Azərbaycan” deyib ömrümü tapşırım”.
Həmin videonu (verilişin 31-ci dəqiqəsi – red.) təqdim edirik:
Prezident İlham Əliyev və birinci xanım Mehriban Əliyeva dekabrın 6-da Şamaxı rayonunda Şahxəndan türbəsinin ətrafında aparılan abadlıq işləri ilə tanış olublar.
“Qafqazinfo” xəbər verir ki, Şamaxı Rayon İcra Hakimiyyətinin başçısı Tahir Məmmədov görülən işlər barədə dövlət başçısına və birinci xanıma məlumat verib.
Yaxın vaxtlarda Şahxəndan türbəsinin konservasiyasına başlanacaq.
Heydər Əliyev Fondu tərəfindən “Nəsimi ili” çərçivəsində dahi şairin qardaşı Şahi Xəndanın dəfn olunduğu Şamaxı rayonundakı Şahxəndan qəbiristanlığındakı türbənin ətrafında aparılan geniş abadlaşdırma işləri zamanı böyük hissəsi torpağın altında qalan türbənin ətrafı qazılaraq torpaq başqa əraziyə daşınıb, abidədə olduğu kimi səkkizguşəli döşəmə salınıb, türbəni ziyarət edənlərin rahatlığı üçün hərtərəfli şərait yaradılıb. Türbənin ətrafında təmizlik və abadlıq işləri avstriyalı bərpaçı-memar Erik Pumerin rəhbərliyi ilə aparılıb.
