Ağsu rayon İcra Hakimiyyətinin başçısı Vahid Tağıyev 15 oktyabr 2019-cu il tarixdə hüquq-mühafizə orqanlarının və idarə, təşkilat və müəssisə rəhbərlərinin iştirakı ilə Qaraməmmədli kənd sakinləri ilə görüşüb, 59 nəfər sakin fərdi qaydada dinlənilib, qaldırılan məsələlər barədə aidiyyəti təşkilat rəhbərlərinə göstərişlər verilib. Səyyar görüş-qəbulda Azərbaycan Respublikası Prezidenti Administrasiyasının sektor müdiri Nəsir Muxtarlı iştirak edib.
  Ölkədə həyata keçirilən uğurlu isahatlardan danışan RİH başçısı qarşıya qoyulmuş məqsədlər və görüləcək işlərə nəzərə çatdırıb.  Bildirib ki, ən vacib məsələ olan əhalinin sosial rifah halının yaxşılaşdırılması istiqamətində islahatlarda xidmət təşkilatları yaxından iştirak etməli, səy və bacarıqlarını artırmalıdırlar.
  Administrasiyanın sektor müdiri Nəsir Muxtarlı ölkə başçısının zələzələnin nəticələrinin aradan qaldırılması istiqamətində rayon əhalisinə göstərdiyi diqqət və qayğıdan danışıb. Qeyd edib ki, qaldırılan məsələlərin hər biri rayon rəhbərliyinin nəzarətindədir və müəyyən olunmuş müddətlərdə həllini tapacaqdır.
  Səyyar qəbulda müraciətlərin əksər hissəsi zəlzələ nəticəsində ziyan dəymiş fərdi yaşayış evləri ilə bağlı olub. Vətəndaşlara izah olunub ki, zəlzələninin nəticələrinin aradan qaldırılması ilə bağlı ölkə başçısı cənab İlham Əliyevin tapşırığı ilə Azərbaycan Respublikasının Fövqəladə Hallar Nazirliyinin mütəxəssislərindən ibarət komissiya tərəfindən rayon ərazisində evlərə baxış keçirilmiş, verilmiş rəylərə müvafiq olaraq işlər icra olunacaqdır. Bundan əlavə sakinlər tərəfindən kəndin əkin sahələrini suvarma suyu ilə təmin edən Ağsu çayından kəndə gələn su kanalının yeni layihə əsasında çəkilməsi, həyətyanı torpaq sahəsinin verilməsi, kənd kənarında olan zibil tullantılarının təmizlənməsi, məktəbin həyətyanı sahəsinin abadlaşdırılması, fərdi yaşayış evinə kommunikasiya xətlərinin çəkilməsi, örüş sahəsinin ayrılması, kəndin adını bildirən lövhənin yerləşdirilməsi, kənd yolunun təmir edilməsi  və sair məsələrlə bağlı təkliflər səsləndirilib, aidiyyəti üzrə müvafiq tapşırıqlar verilib. Məktəbin həyətinin abadlaşdırılması, tullantıların götürülməsi və kəndin adını bildirən lövhənin yerləşdirilməsi ilə bağlı məsələlər yerində həll edilib.
  Görüş səmimi və diskusiya şəraitində keçib, sakinlər tərəfindən rəğbətlə qarşılanıb.

Azərbaycanda süni qaydada yetişdirilən kiçik balıqlar dənizə çatmadan qanunsuz balıq ovu edənlər tərəfindən məhv edilir.

Ekologiya və Təbii Sərvətlər Nazirliyi cəmiyyəti bu kimi təbiət düşmənlərinə qarşı birgə mübarizə aparmağa səsləyir. Qanunsuz balıq edənləri isə böyük məbləğdə pul cəriməsi və hətta həbs cəzası gözləyir.

Ekologiya və Təbii Sərvətlər Nazirliyi həyacan təbili çalır.

Sintetik torlar və elektrik cərayanı ilə balıq ovu edilyindən nəyinki balıqlar hətta sudaki bütün canlılar məhv edilir. Proses kütləvi hal aldığından onun təbiyyətə vurduğu ziyan hesaba gəlməyəcək qədər böyükdür.

Nazirliyin Mətbuat xidmətinin rəhbəri İradə İbrahimovanın sözlərinə görə bu hal cinayət əməli sayılır və onun edənlər qanunvericiliyə uyğun olaraq ən sərt formada cəzalandırılacaq. Çünki həmin sintetik torlar kəsici və deşiklərinin ölçüsü kiçik olduğundan hətta ən kiçik balıqlarda ordan keçərkən yaralanır və tələf olurlar.

Nazirlik tərəfindən bu kimi hallara qarşı mübarizə gücləndirilib və su hövzələrinə və sahilyanı zonalara nəzarət gücləndirilib…

Qanunsuz balıq ovu ilə məşğul olanları isə 5 min manata kimi cərimə və 7 ilə qədər həbs cəzası da gözləyir.

Məlum olub ki, çoxsaylı vətəndaşlara siyahıyaalınma ilə bağlı heç bir rəsmi müraciət edilməyib

Bu il oktyabrın 1-dən 10-dək həyata keçirilən siyahıyaalmada xeyli insanın prosesdən kənarda qaldığı müəyyənləşib. Məlum olub ki, çoxsaylı vətəndaşlara siyahıyaalınma ilə bağlı heç bir rəsmi müraciət edilməyib.

Azərbaycanda əhalinin siyahıya alınması 10 ildən bir həyata keçirilir. Hazırkı siyahıya alma ölkə müstəqil olandan sonra üçüncüdür. Proses 2019-cu il oktyabrın 1-dən başlayıb.

Bu iş üçün büdcədən 21 milyon manat vəsait ayrılıb. Yaş, təhsil, milli mənsubiyyət və bir çox digər təfərrüatlarla bağlı 52 sual hazırlanıb. 34 min nəfərə yaxın sorğu həyata keçirən könüllü işə cəlb olunub ki, bütün Azərbaycanda evləri gəzib, sakinləri danışdırsınlar və məlumatları qeyd etsinlər.

Siyahıyaalma oktyabrın 10-na qədər davam etməli idi. Amma sonra müddət oktyabrın 15-nə qədər uzadıldı.

Sosial şəbəkədə keçirilən sorğular, aparılan müşahidələr isə onu göstərir ki, çox adam bu prosesdən tam kənar qalıb. Məsələ ilə bağlı həyəcan təbili çalanlardan biri də “Yeni Müsavat” Media Qrupunun rəhbəri Rauf Arifoğlu olub. “Yeni Müsavat” xəbər verir ki, R.Arifoğlu bu mövzu ilə bağlı yazdığı statusla 5000 nəfərə yaxın dost qrupuna belə müraciət edib: “Biz bu xalqdan deyilikmi? Dövlət Statistika Komitəsinin siyahıyaalması başa çatdı. Çevrəmdəki bütün insanlara, qohum-qardaşa, qəzet çalışanlarına, redaktorlara – qarşıma kim çıxırsa, soruşdum: ”Sizi siyahıya aldılarmı?”

Cavab 90 % “yox” oldu! Məni də almadılar! 5 nəfər ailə üzvlərimlə birlikdə. Lütfən, buraya yazın, sizləri və yaxın ətrafınızı siyahıya aldılarmı?”

Bu statusa yazılan bəzi cavabları sizlərə təqdim edirik: 

Astroloq Səbuhi Rəhimli: “Bizə blank verdilər ki, doldurun, sabah gəlib götürəcəyik. 2 həftə keçib, gələn yoxdur”.

Aparıcı-jurnalist Vüsalə Məmmədova: “Votsapla şəxsiyyət vəsiqəmin nömrəsini istədilər. Bundansa DSK bir post yazardı, like edərdik, sayımız bilinərdi”.

Redaktor Zülfüqar Hüseynzadə: “Görünür, Statistika Komitəsinin də ”qara siyahısı” var. Bizi də itirib axtaran olmadı”.

Media eksperti, yazar-ekspert Azər Həsrət: “Bizim evdə daim adam olsa da qapımızı döyən olmadı. 4 nəfər ailə üzvümüzlə birlikdə siyahıdan kənarda qaldıq”.

Jurnalist Ülkər Abdullayeva: “Vallah, bizi də sülaləcə   qeydə almayıblar. Ölkənin az qala 1/100-i bizim ailənin qohum-əqrəbasıdır, hansından soruşuruq, deyirlər gəlib soruşan olmayıb. İşdə də 40 nəfərlik kollektivdən yalnız biri deyir ki, onları siyahıya alıblar…”

Redaktor Tapdıq Abbas: “Tam doğrudur, redaksiyada çalışan 21 nəfər əməkdaşın yalnız 4-nün evinə gəliblər. Bundan əlavə, əlaqədə olduğumuz insanların 10/8-i siyahıya alınmayıb! Ölkədə siyahıyaalma normal keçməyib və növbəti böyük bir saxtakarlıq baş verib!”

Dövlət Statistika Komitəsinin sədri Tahir Budaqov hələ siyahıyaalmanın ilk günü, oktyabrın 1-də Yeni Azərbaycan Partiyasının İcra Katibliyində keçirilən mətbuat konfransında demişdi ki, bütün ölkə üzrə əhalinin siyahıyaalınması aparılır. Siyahıyaalma zamanı həm mənzil fondu, həm də əhali siyahıya alınır. O, əlavə etmişdi ki, ölkə başçısı tərəfindən 2016-cı il sentyabrın 7-də “2019-cu ildə Azərbaycan Respublikasında əhalinin siyahıyaalınmasının keçirilməsi haqqında” Fərman imzalanıb. Sözügedən fərmanın icrasını təmin etmək məqsədilə “2019-cu ildə Azərbaycan Respublikasında əhalinin siyahıyaalınmasına hazırlıq və onun keçirilməsi ilə bağlı tədbirlər planı haqqında” Azərbaycan Respublikası Nazirlər Kabinetinin 2016-cı il 16 dekabr tarixli Qərarı ilə həm Dövlət Statistika Komitəsinin, həm də digər dövlət qurumlarının üzərinə düşən vəzifələr müəyyən olunub və həmin qərara uyğun olaraq aidiyyəti dövlət qurumları tərəfindən müvafiq hazırlıq işləri görülüb.

Ekspertlər isə hesab edir ki, siyahıyaalınma zamanı heç bir ev təsərrüfatı, vətəndaş ondan kənarda qalmamalıdır. Onların fikrincə, Dövlət Statistika Komitəsi ilin 365 günü hansı peşəkarlıqla işləyirsə, son 25 ildə fəaliyyətini hansı keyfiyyətdə qura bilibsə, 10 ildən bir keçirilən ölkəmiqyaslı tədbiri də eyni keyfiyyətdə alınır. Aşağı bilikli və zəif peşəkarlıqlı birisindən işdə, həyatda, hər halda, yüksək performans gözləmək yersizdir.

Hər 10 ildən bir Azərbaycanda əhalinin siyahıya alınması keçirilir. Bu il oktyabrın 1-dən etibarən əhalinin siyahıya alınmasına başlanılıb və ötən gün bu prosesin ilkin mərhələsi yekunlaşıb. Siyahıyaalınma ilə bağlı son vəziyyət haqda Dövlət Statistika Komitəsinin məlumatında qeyd olunur ki, sayıcılar vətəndaşların ünvanlarına getmələrinə baxmayaraq, ev təsərrüfatının başçısı və ya üzvləri ilə görüşə bilmirlər.

Bildirilir ki, belə olan halda siyahıyaalmanın aparılması qaydalarına uyğun olaraq, əvvəlcədən müəyyənləşdirildiyi kimi, sayıcılar tərəfindən həmin şəxslər üçün “Evdə çətin tapılan şəxslərə məktub” adlı sənəd tərtib edilir və ev təsərrüfatının yaşadığı ünvan üzrə giriş qapısına bərkidilir. Həmin bildirişdə qeyd olunan ünvanda sorğunun keçirilməsi üçün münasib vaxtın təyin edilməsi və sayıcı ilə əlaqə saxlanılıb bu barədə məlumat verilməsi xahiş edilir.

“Yeni Müsavat” qəzetinin iqtisadiyyat yazarı Dünya Sakit  açıqlamasında bildirdi ki, bu, təkcə quru statistik siyahıya alma deyil. Onun sözlərinə görə, burada söhbət həm fərdlərin qeydə alınmasından, həm də ailə təsərrüfatlarının müayinəsindən gedir: “Sorğu blankında qoyulan çoxsaylı suallar var ki, onları hansısa bir müəllimin öz şagirdlərinin valideynləri haqda topladığı məlumatlarla doldurmaq mümkün deyil. Bu siyahıyaalmanın nəticələri çox geniş şəkildə təhlil olunacaq. Çoxsaylı istiqamətlər üzrə buraxılışlar hazırlanacaq. Belə çıxır ki, bu qədər insan ki, siyahıya alınmayıb, heç bir sorğu aparılmayıb, onların hamısı haqqında doğru olmayan məlumatlar həmin buraxılışlara daxil ediləcək”.

Müsahibimiz hesab edir ki, 10 milyon əhalisi olan ölkə üçün 10 günlük müddət çox az idi: “Xüsusilə Bakı şəhərində əhalinin sıx şəkildə məskunlaşdığını nəzərə alanda bu müddəti çox götürmək, mümkün qədər daha çox insanı əhatə etməsinə çalışmaq lazım idi. Əlbəttə, 100 faizlik nəticə heç bir ölkədə əldə olunmur. Amma düşünmürəm ki, Azərbaycandakı qədər də aşağı nəticə haradasa olsun. Təəssüf ki, Statistika Komitəsi bu siyahıyaalmanın nəticələrini bəri başdan şübhə altına aldı”.

Əmək və Əhalinin Sosial Müdafiəsi Nazirliyi (ƏƏSMN) yanında Dövlət Əmək Müfəttişliyi Xidməti (DƏMX) 2019-cu ilin 9 ayı ərzində vətəndaş müraciətlərinin araşdırılması zamanı 82 işçinin əmək müqavilələrinə qanunvericiliyin tələbləri pozulmaqla xitam verildiyini müəyyən edib.

Nazirlikdən “Report”a bildirilib ki, görülən tədbirlər nəticəsində həmin şəxslər əvvəlki işlərinə bərpa ediliblər.

Vətəndaş müraciətləri ilə əlaqədar xidmətin yanvar-sentyabr aylarında apardığı araşdırmalar zamanı, həmçinin işəgötürənlər tərəfindən 108 513 manat sosial xarakterli ödənişlərin işçilərə ödənilməsinin gecikdirildiyi müəyyən edilib.

Görülən tədbirlər nəticəsində 93 faizi əməkhaqlarından, qalan hissəsi isə kompensasiyalardan, zərərə görə ödənclərdən və s. ibarət olan həmin vəsaitin işəgötürənlər tərəfindən işçilərə ödənilməsi təmin olunub.

“Azəriqaz” İB-dən "Ölkə.Az"a verilən məlumata görə, bu zaman orta təzyiqli qaz xətti üzərində quraşdırma, əvəzlənmə və qaz sızmalarının ləğvi işləri aparılacaq.

Eyni saatlarda, Goranboy rayonu, Dəliməmmədli şəhərinin Səməd Vurğun küçəsində yeni çəkilmiş qaz xəttinin mənbəyə birləşdirilməsi ilə bağlı rayonun bir neçə kənd və qəsəbəsində qaz təchizatı müvəqqəti olaraq dayandırılacaq.

Saat 10:00-dan etibarən isə Suraxanı rayonu, Yeni Suraxanı və Bülbülə qəsəbələrində aşkar olunmuş qaz sızmalarının aradan qaldırılması üçün qeyd edilən ərazilərdə qaz təminatında fasilələr olacaq.

""Ölkə.Az" xəbər verir ki, bunu jurnalistlərə açıqlamasında Əmək və Əhalinin Sosial Müdafiəsi naziri Sahil Babayev deyib.

O qeyd edib ki, qısaldılmış iş günləri kompleks məsələdir: "Bu, ölkənin məşğulluq və əmək bazarında ciddi təsir edə bilər. Azərbaycanda əmək haqqı aylıq əsasla müəyyən edilir. 4 günlük iş həftəsi müzakirə edilən ölkələrdə isə saatbaşı əsas götürülür. Bizdə iş gününün azaldılması əmək haqqına təsir edə bilər. Bu, əmək haqqından, əmək bazarından irəli gələrək əmək resurslarının yaratdığı əlavə dəyərədən asılı olaraq müəyyən edilə bilər".

Nazirin sözlərinə görə, gələcəkdə istənilən məsələ kimi bu da müzakirə oluna bilər.

Bu barədə "Ölkə.Az"a Dövlət Neft Şirkətinin (SOCAR) “Azəriqaz” İstehsalat Birliyindən məlumat verilib.

Bildirilib ki, bu zaman “Puta” qaz paylayıcı stansiyası ərazisində qaz kəmərində aşkar olunmuş qaz sızmalarının ləğv edilməsi və yararsız vəziyyətdə olan siyirtmənin yenisi ilə əvəz olunması işləri icra olunacaq.

Kənd Təsərrüfatı naziri İnam Kərimov Ucarda pambıq yığımında iştirak edib.

“Qafqazinfo” xəbər verir ki, nazir qadın mexanizator Gülsurə İbadova ilə kombaynla pambıq yığımında iştirak edib.

"Ölkə.Az" xəbər verir ki, "Azəriqaz" İstehsalat Birliyi məlumat yayıb. Bu zaman rayonun Ş.Məmmədov küçəsində orta təzyiqli qaz xəttində aşkar olunmuş qaz sızmasının ləğvi, M.Rüstəmov küçəsi 2 ünvanında quraşdırma işləri icra olunacaq.

Bundan başqa, saat 10:00-dan 18:00-dək “Kür qəsəbəsi” ölçü qovşağından qidalanan orta təzyiqli qaz xətti üzərində aparılacaq quraşdırma işlərinə görə Şəmkir rayonunun bir neçə yaşayış məntəqəsində də qaz təchizatı müvəqqəti olaraq dayandırılacaq.