 |
 |
Azərbaycan xalqı tarixi ədaləti özü bərpa etdi.
Aparıcı Tarix Əliyev ötən gün dünyasını dəyişən Baloğlan Əşrəfovla bağlı paylaşım edib.
Tolik sosial media hesabında əməkdar artistin gülsüz məzarını paylaşaraq onun məzarından utandığını qeyd edib:
“Baloğlan müəllimin məzarına baxıb çox utandım. Dəfn olunma mərasiminə baxım bir çələng görmədim. Dostlarının 200 azn pulu olmadı ki, bir çələng göndərsin?Ayıb olsun Baloğlana dostum, qardaşım deyənlərə. Məzarının üstünü çüçəklərə qərq edə bilməzdilər?Baloğlan müəllimin xətrini çox istədiyim üçün pis təsir etdi mənə. Fani dünya”.
Müstəqil.Az bildirir ki, Baloğlan Əşrəfovun yaxın dostu, şair Şərafəddin İlkin onun paylaşımına cavab verib.
Həmin cavabı olduğu kimi təqdim edirik:
“Ustadım, dostum Baloğlanın vaxtsız ölümü təkcə mənim deyil, milyonlarla pərəstişkarının kədərinə səbəb oldu. Vəziyyətinin ağırlaşdığını eşidib yaxın dostları – Yusif Mustafayev, Elşad Qarayev, Əflatun Qubadov, Əlikram Bayramov, Raqil İbadullazadə və yuzlərlə insan artıq onunn həyətində idik.
Çox təəssüflər olsun ki, 26 aprel, saat 23 radələrində əziz dostumuz gözlərini əbədi yumdu. Onu “Göy məscid”ə aparıb yuyub kəfənləyəndən sonra dəfn olunmaq üçün doğulduğu Masallı rayonun Bədəlan kənd qəbirstanlığına aparmışıq. Mövcüd vəziyyətlə bağlı qanun çərçivəsində səhər tezdən torpağa tapşırılıb. Bəzi saytlar, televiziya kanalları da dəfndən dərhal sonra xəbərlərlə yanaşı şəkillər paylaşıblar.
Əvvəla, səhər tezdən heç bir xidmət obyekti açıq olmur. İkincisi də dəfn vaxtı heç kəsin yadına əklil düşmür.
Baloğlanın ən yaxın dostlarından biri də mənəm. Onun ölümü mənim üçün nə qədər ağrılı olduğunu yaxınları, məni tanıyanlar yaxşı bilir. O cümlədən Yusif Mustafayev, Elşad Qarayev, Əflatun Qubadov, Əlikram Bayramov, Raqil İbadullazadə üçün də.
Heyfislənirəm ki, bəziləri mövcüd vəziyyəti bilmədən dostları qınayırlar ki, 200 manat tapıb qəbrin üstünə əklil qoymayıblar. Əlbəttə, əl-ayaq yığışandan sonra məzarın üstündə abadlıq işləri aparılmış, əziz dostumuzun adına layiq əklillər qoyulmuşdur.
Bir də dostluq əklillə ölçülmür. Baloğlan Əşrəfovun qınadığınız dostları əvvəldən-axıra kimi onun yanında olublar. Gecəni səhərə qədər heç kim yatmayıb. Bunu ARB televiziyasının axıra kimi yanımızda olan əməkdaşları da təsdiq edərlər.
Qınamaq asandı. Amma reallıq başqadı. Biz dünya boyda şöhrəti olan dostumuzu itirmişik. Ona olan sevgimizin yanında əklil dediyiniz çox ucuz, çox balacadı.
Bakı Şəhər Məktəbəqədər Təhsil Müəssisələri İdarəsi 2 milyonluq yeyinti iddiası ilə bağlı məlumat yayıb.
İdarədən “Qafqazinfo”ya verilən məlumatı təqdim edirik:
“Son günlər bir sıra Kütləvi İnformasiya Vasitələrində uşaq bağçalarında 2 milyonluq yeyinti haqqında qərəzli məqalələr yer almaqdadır. Bununla əlaqədar bildiririk ki, söhbət 8 ay bundan əvvəl Hesablama Palatası tərəfindən aparılmış auditin nəticələrindən gedir. Hesablama Palatasının audit hesabatında söhbət yeyintidən və ya mənimsənilmə faktından deyil, görülən işlərin mal-material uçotunda düzgün əks etdirilməməsindən gedir.
Belə ki, Hesablama Palatasının hesabatında da qeyd edildiyi kimi söhbət qeyd edilən ərzaq və geyimlərin alınmaması faktından deyil, menyuda nəzərdə tutulandan fərqli ərzaq növlərinin (sümüksüz mal əti və s.), həmçinin müəssisə daxili uniformaların alışından gedir. Bu məsələləri 2 milyonluq yeyinti kimi təqdim etmək görünür kiməsə lazımdır. Aktda qeyd olunan digər məsələlərlə bağlı təsdiqini tapmış bəzi məbləğlərin icraçı şirkətlər tərəfindən dövlət büdcəsinə bərpası tam təmin edilib.
Bəzi mətbuat orqanlarında məlumatların yoxlanılmadan tirajlanması əvəzinə dəqiqləşdirilərək verilməsi fikrimizcə peşəkarlıq baxımından daha məqsədəuyğun olardı. Böhtan xarakterli informasiyaların yer alacağı təqdirdə müvafiq qaydada məhkəmə orqanlarına müraciət olunacaq”.
Yaşat Fondu cəmiyyət və dövlət birliyinin təcəssümüdür
Vətən müharibəsində qazanılmış Qələbədən sonra dövlətimizin qarşısında duran əsas məsələlərdən biri də şəhid ailələri və qazilərin qayğılarının diqqət mərkəzində saxlanmasıdır. Hazırda Vətən müharibəsi şəhidlərinin ailə üzvlərinin problemlərinin dərhal həll edilməsi, onların məişət şəraitinin daha da yaxşılaşdırılması üçün lazımi tədbirlər görülür. Şəhid ailələri və qazilərin qayğıları daim Prezident cənab İlham Əliyevin diqqət mərkəzində olmuşdur.
Bu sahədə görülən işlərdən danışarkən Azərbaycan Respublikası Prezidentinin 2020-ci il 8 dekabr tarixli Fərmanına əsasən şəhid ailələrinin və qazilərin qayğıları ilə bağlı işlərin daha səmərəli və çevik aparılması məqsədilə yaradılmış “YAŞAT” Fondunu xüsusi qeyd etmək lazımdır. Fond Azərbaycan Respublikasının ərazi bütövlüyünün müdafiəsi ilə əlaqədar əlilliyi müəyyən olunmuş hərbi qulluqçulara və şəhid olmuş şəxslərin ailələrinin üzvlərinə işğaldan azad edilmiş ərazilərdə xidməti vəzifələrini yerinə yetirərkən, habelə hərbi əməliyyatlar bitdikdən sonra onun nəticələrinin aradan qaldırılmasında iştirak etməsi nəticəsində əlilliyi müəyyən olunmuş dövlət orqanlarının əməkdaşlarına və ya həlak olmuş əməkdaşların ailə üzvlərinə, həmçinin sosial müdafiəsahəsində dövlət tərəfindən həyata keçirilən tədbirlərə əlavə dəstək verilməsi üçün yaradılmışdır.
“YAŞAT” Fondunun işinin təşkili “ASAN xidmət”də çalışan şəhid ailələrinin üzvləri və qazilərə həvalə olunub.
Böyük humanitar missiyanı özündə ehtiva edən “YAŞAT” Fonduna könüllü ödəmələr dayanmadan davam edir. Sözügedən hal cəmiyyətimizdə yaşanan milli birliyin və həmrəyliyin göstəricisidir. Fondun vəsaiti Azərbaycan Respublikası vətəndaşlarının, xarici ölkələrdə yaşayan soydaşlarımızın, digər fiziki və hüquqi şəxslərin könüllü olaraq maliyyə vəsaiti şəklində verdiyi yardımlar, habelə qanunla qadağan olunmayan digər mənbələr hesabına formalaşdırılır.
Fonda daxil olan vəsait ilə əlaqədar məlumatlar mütəmadi qaydada ictimaiyyətə təqdim olunur. İndiyədək fondda 24 804 936 manat toplanmışdır. Həmin vəsaitdən 15 036 831,70 manat fiziki şəxslər, 9 768 105,16 manat isə hüquqi şəxslər tərəfindən ödənilmişdir.
Fondun təşəbbüsü ilə şəhid ailələri və qazilərlə görüşlər keçirilir, onların ehtiyacları müəyyən edilir və mövcud problemlərin həlli istiqamətində müvafiq addımlar atılır. Fondun vəsaiti hesabına bu kateqoriyadan olan ailələrə istehlak kreditlərinin və digər borc öhdəliklərinin qarşılanması, müalicə və psixoloji dəstək xərclərinin ödənilməsi, təhsil alınmasına, habelə əlavə təhsilə, peşə hazırlığının artırılmasına, eləcə də yaradıcı potensialın inkişafına kömək edilməsi ilə bağlı xərclərin ödənilməsi, məişət şəraitinin yaxşılaşdırılması və digər məsələlərin həllində yaxından köməklik göstərilir.
Qısa müddət ərzində 2795 şəhidin 14 min ailə üzvü və 10 minədək yaralanan şəxslə görüşlər keçirilmiş, onların birinci dərəcəli ehtiyacları müəyyənləşdirilmişdir. Hazırda öhdəliyə götürülmüş şəxslərin sayı 5275 nəfərdir. Reallaşdırılmış ödənişlərin sayı 4141-dir. Fond tərəfindən həyata keçirilmiş ödənişlərin əsas istiqamətləri məişət şəraitinin yaxşılaşdırılması, tibbi xərclərin ödənilməsi, borc öhdəliklərinin qarşılanması, təhsil xərclərinin ödənilməsi və s. məsələlər olmuşdur.
Həmçinin, Fondun dəstəyi ilə qazilərimizin xarici ölkələrdə müalicələri təşkil edilmişdir. Eyni zamanda “YAŞAT” Fondu tərəfindən Vətən müharibəsindən sonra dünyaya gələn şəhid övladları üçün humanist layihə həyata keçirilir. Layihə çərçivəsində şəhidlərimizin yeni doğulacaq körpələrinin analarına zəruri xərclərin qarşılanması məqsədilə 1000 AZN pul müavinəti təqdim olunacaqdır. Şəhidimizin yeni doğulacaq övladının adına isə bankda depozit hesabı açılır və həmin hesaba Fonda edilən ianələr hesabına toplanmış məbləğdən 5000 manat köçürülür.
Əslində, “Yaşat” Fondu dövlət tərəfindən həyata keçirilən tədbirlərə əlavə dəstək verilməsi istiqamətində vətəndaş cəmiyyəti təşəbbüslərinin reallaşdırılması üçün şəffaf, effektiv və əlçatan platformadır. Bütövlükdə, Fondun yaradılması Prezident İlham Əliyevin vətəndaşların sosial müdafiəsinin gücləndirilməsi, Azərbaycanın ərazi bütövlüyünün qorunması üçün canlarını qurban vermiş hərbçilərimizin ailələrinə, vərəsələrinə diqqət və qayğısının bariz nümunəsidir.
Rəşad Zeynalov,
Salyan rayon Yuxarı Xalac-2 saylı kənd tam orta məktəbin direktoru
Qarabağ Dirçəliş Fondunun yaradılması və fəaliyyəti dövlətin
Qarabağ siyasətinin təzahürüdür
Azərbaycan xalqının müqəddəs ənənələri, milli-mənəvi dəyərləri var. Bu dəyərlər yaşından, tutduğu mövqeyindən asılı olmayaraq, hər kəsin vətən qarşısındakı məsuliyyətini, vətəndaşlıq mövqeyini formalaşdırıb. 44 günlük Vətən müharibəsində birlik, vətənpəvərlik, torpaq sevgisi kimi ali dəyərlərə şahid olduq. Prezident İlham Əliyevin vurğuladığı kimi “Müharibə bizim gücümüzü göstərdi, əyilməz iradəmizi göstərdi, birliyimizi göstərdi, müharibə rəmzinə, qələbə rəmzinə çevrilən dəmir yumruq öz gücünü göstərdi. Bu, həm birlikdir, həm gücdür. Cəmiyyətimizdə birlik də var, ölkəmizin gücü də var və həmişə olacaq”.
44 günlük müharibədən xalqımız qələbə ilə cıxdı. Tariximizə Qələbə yazildi. Bu gün artıq işgaldan azad olunan məkanlarımızda abadlıq, quruculuq işlərinə başlanılıb. İşğaldan azad edilmiş ərazilərdə quruculuq işlərinin aparılması istiqamətində hər bir şəxsin iştirakı milli birliyimizi bir daha nümayiş etdirəcəkdir. Biz Qarabağda quruculuq işlərini elə həyata keçirməliyik ki, ermənilər bir daha doğma Qarabağımıza əl uzada bilməsin. Görülən işlərin əsas hədəflərindən biri də məhz bundan ibarətdir.
Əlbəttə ki, bu quruculuq işlərinə dəstək vermək hər bir azərbaycanlının arzusu və şərəf borcudur. Çünki bu dəstək həm də bizim hər birimizin qələbəmizə, qüdrətli və güclü Azərbaycan naminə milli birlik ideyasına, suveren və təhlükəsiz yaşamaq məqsədimizə mühüm töhfəsi olacaq. Məhz elə bütün bu vacib məqamları nəzərə alaraq Ölkə Prezidenti cənab İlham Əliyev 2021-ci il yanvar ayının 4-də “Qarabağ Dirçəliş Fondu” publik hüquqi şəxsin yaradılması haqqında Fərman imzalayıb. Yeni yaradılan bu Fond Azərbaycanın işğaldan azad edilmiş ərazilərinin bərpası və yenidən qurulması, habelə dayanıqlı iqtisadiyyata və yüksək rifaha malik regiona çevrilməsi istiqamətində həyata keçirilən tədbirlərə maliyyə dəstəyi göstərilməsini və sərmayələrin cəlb edilməsini, bu sahədə dövlət-özəl tərəfdaşlığının inkişafını təmin edən, eləcə də ölkə daxilində və xaricdə zəruri təşviqat işlərini həyata keçirən publik hüquqi şəxsdir. Fondun vəsaitləri fiziki və hüquqi şəxslərin ianələri, qrantlar və qanunla qadağan olunmayan digər mənbələr hesabına formalaşır.
Birmənalı olaraq qeyd edilməlidir ki, “Qarabağ Dirçəliş Fondu”nun yaradılması Azərbaycan xalqının Qarabağa möhtəşəm qayıdışı istiqamətində dövlətimiz tərəfindən atılan ən əhəmiyyətli addımlardan biridir. 30 il ərzində işğal altında olan Vətən torpaqlarında erməni qəsbkarlarının törətmədikləri vandalizm aktının qalmadığını hamımız gözəl bilirik. Şəhərlərimiz, qəsəbə və kəndlərimiz viran edilib, təbii sərvətlərimiz talan olunub, tarixi-mədəni irsimiz tamamilə yox edilmək məqsədilə olmazın dağıntılara məruz qoyulub. Düşmən bu torpaqların əsl sahiblərini dünyadan gizlətmək üçün əlindən gələni edib. Lakin bütün bunların bir nəticəsi olmadı. Vətən torpağı düşmən tapdağı altında əbədi qala bilməzdi və qalmadı. Ali Baş Komandan cənab İlham Əliyevin dediyi kimi, biz öz torpaqlarımızı şəhidlərimizin qanı bahasına azad etdik. Bu gün isə həmin torpaqları alnımızın təri ilə yenidən dirçəltməyə başlayırıq. Qarşıda bizi irimiqyaslı quruculuq-bərpa işləri gözləyir və bu işlərdə də öz payı olduğunu görmək hər kəsin arzusudur. Lakin belə məsələlərdə pərakəndəlik də qətiyyən yolverilməz bir haldır. Bəhz elə bu baxımdan da “Qarabağ Dirçəliş Fondu”nun yaradılması müstəsna əhəmiyyət kəsb edən bir hadisədir.
Ümumilikdə, bu Fondun yaradılması və fəaliyyəti dövlətin Qarabağ siyasətinin təzahürüdür. Hazırda dövlətimizin Qarabağ siyasətinin konkret təzahürü olan bu Fondun xətti ilə mərkəzləşdirilmiş qaydada görüləcək işlər nəticəsində ərazilərimiz tamamilə yenidən qurulacaq, orada infrastruktur yaradılacaq, müasir şəhər, qəsəbə və kəndlər tikiləcək, bölgəyə dinc, təhlükəsiz, rahat həyat gələcək, məcburi köçkünlərimiz daimi yaşayış yerlərinə qayıdacaqlar. Dirçəliş prosesində yeni iş yerləri açılacaq, ölkə həyatının bütün digər sahələrində də sürətli inkişafa nail olunacaq. Bütün bunlar insanların həyat şəraitinin daha da yaxşılaşdırılmasına da töhfə verəcək.
Coşğun Eyvazov,
Salyan şəhər 2 saylı tam orta məktəbin müəllimi
Torpağın üzərində gəzərkən torpağın altında uyuyan
şəhidlərimizi unutmamalıyıq
2020-ci il 8 dekabr tarixində Azərbaycan Respublikası Prezidentinin fərmanı ilə şəhid ailələrinin və hərbi əməliyyatlar nəticəsində əlilliyi müəyyən olunmuş şəxslərin sosial müdafiəsi məqsədilə “Yaşat” fondu yaradılmışdır. Fondun vəsaiti əsasən şəhid statusu alınana və əlillik müəyyən olunanadək götürülən istehlak kreditlərin və digər borc öhdəliklərinin qarşılanması, müalicə və psixoloji dəstək xərclərinin ödənilməsi, təhsil alınmasına, habelə əlavə təhsilə, peşə hazırlığının artırılmasına dair xərclərin ödənilməsi və məişət şəraitinin yaxşılaşdırılmasına istifadə olunur.
“Yaşat” fondu tərəfindən Türkiyədən ölkəmizə gətirilən, həmçinin yerli həkimlərin rəyi nəzərə alınaraq qazilərimizin müvafiq müayinə, müalicə və reabilitasiya prosesi Türkiyədə davam etdiriləcəkdir. Xatırladaq ki, Fond tərəfindən bundan öncə 24 qazimiz müalicə üçün Türkiyəyə gönərilmişdi. Onlardan 4-nün müalicə proseduru artıq uğurla yekunlaşıb və vətənə qayıdıblar. Qazilərimizin qarşıdakı aylarda nəzərdə tutulan dərman vasitələri də Fond tərəfindən təmin edilib. Bundan əlavə Fondun təşəbbüsü ilə ölkəmizə gələn israilli həkimlər tərəfindən qazilərimizin müayinə və müalicəsi başa çatıb. 8 gün ərzində israilli həkimlər 141 qazimizi müayinə ediblər. Onlardan 31-i əməliyyat edilib, 58-nə protez göz taxılıb.
“Yaşat” Fondunun Vətən müharibəsindən sonra dünyaya gələn şəhid övladları üçün layihəsi davam edir. Daha bir şəhidimizin yeni doğulan övladının zəruri xərcləri Fond tərəfindən ödənilib və bu məqsədlə anaya 1000 AZN təqdim olunub. Əlavə olaraq dünyaya gələn körpənin adına 5000 AZN-lik hesab açılacaqdır. Həmin hesaba vəsait Fonda edilən ianələr hesabına toplanmış məbləğdən köçürülür. Həmin məbləğin üzərinə mütəmadi olaraq faiz toplanılacaq və həmin şəhid övladı 16 yaşına çatdıqdan sonra toplanan məbləği özü hesabından çıxara biləcəkdir.
Fond cəmiyyət və dövlət birliyinin təcəssümüdür. Böyük humanitar missiyanı özündə ehtiva edən “Yaşat” Fonduna könüllü ödəmələr dayanmadan davam edir. Sözü gedən hal cəmiyyətimizdə yaşanan milli birliyin və həmrəyliyin göstəricisidir. Fondun vəsaiti Azərbaycan Respublikası vətəndaşlarının, xarici ölkələrdə yaşayan soydaşlarımızın, digər fiziki və hüquqi şəxslərin könüllü olaraq maliyyə vəsaiti şəklində verdiyi yardımlar, habelə qanunla qadağan olunmayan digər mənbələr hesabına formalaşdırılır.
“Yaşat” Fondunun işinin təşkili “Asan xidmət”də çalışan şəhid ailələrinin üzvləri və qazilərə həvalə olunub. Vətən müharibəsində şəhid olmuş və yaralanmış şəxslərin ailələrinə baş çəkmək üçün “Asan xidmət” əməkdaşlarından və könüllülərdən ibarət bütün rayonları əhatə edən 69 qrup formalaşdırılıb və onlar müvafiq təlimlərə cəlb edilərək ünvanlara baş çəkməyə başlayıblar. Qısa müddət ərzində 2795 şəhidin 14 min ailə üzvü və 10 minədək yaralanan şəxslə görüşlər keçirilib. Öhdəliyə götürülmüş şəxslərin sayı 5275 nəfərdir. Reallaşdırılmış ödənişlərin sayı 4141-dir. Fondun şəffaf fəaliyyəti dövlətə ictimai etibarı artırır. Fonda daxil olan vəsait ilə əlaqədar məlumatlar mütəmadi qaydada ictimaiyyətə təqdim olunur. İndiyədək fondda 24804936 manat toplanıb. Həmin vəsaitdən 15036831,70 manat fiziki şəxslər, 9768105,16 manat isə hüquqi şəxslər tərəfindən ödənilib.
“Yaşat” Fondu şəhidlərimizin ailə üzvlərinin və qazilərimizin müraciətlərini daim diqqətdə saxlayır, onların müxtəlif ehtiyaclarının qarşılanması üzrə işləri davam etdirir.
Sadıqova Dürdanə,
Salyan Peşə Liseyi, böyük kitabxanaçı
Hərbçilərin sosial statusunun dəstəklənməsi
dövlətin önəmli vəzifələrindəndir
Tarixi qələbə unudulmaz şəhidlərimizin, qazilərimizin qanı, canı, mərdliyi ilə savaş meydanında qazanılmışdır. Bu gün Azərbaycanda şəhid ailələrinə və Vətən müharibəsi iştirakçılarına qayğı göstərilməsində dövlətin institusional təşəbbüsləri müstəsna rol oynayır. Dövlətimiz tərəfindən məxsusi olaraq postmüharibə dövrü üçün işlənib hazırlanmış əhatəli sosial dəstək paketi, ilk növbədə, Vətən müharibəsi şəhidlərinin ailə üzvlərinin, müharibə iştirakçılarının, müharibə əlillərinin, erməni terrorundan zərər çəkmiş vətəndaşların ən müxtəlif istiqamətlərdə sosial problemlərinin həllini nəzərdə tutur.
Sosial dəstək proqramlarının reallaşdırılmasında və dövlət siyasətinin sosialyönümlülüyünün qorunmasında dövlətin institusional təşəbbüsləri vacib rol oynayır. Bu gün əminliklə deyə bilərik ki, Vətən müharibəsində şəhid olmuş döyüşçülərimizin ailə üzvlərinə, qazi və hərbçilərimizə dövlət tərəfindən göstərilən diqqət və qayğı ən yüksək səviyyədədir. Möhtərəm Prezident cənab İlham Əliyevin tapşırığına uyğun olaraq Mərkəzi Bank və Azərbaycan Banklar Assosiasiyası tərəfindən Müdafiə Nazirliyinin rəsmi siyahısında yer almış şəhidlərdən banklar qarşısında kredit öhdəliyi olan 830 şəhidə aid 1 503 kredit üzrə həm əsas borcun, həm də faizlərin silinməsini təmin edilmişdir. Həmçinin şəhidlərimizin ailə üzvlərinə aid olan 286 sayda, xəsarət almış hərbçilər üzrə 1 323 sayda kreditin, şəhid olmuş 15 nəfər və ciddi zərər çəkmiş 9 nəfər mülki şəxsin borc öhdəliklərinin tamamilə silinməsi təmin olunmuşdur.
O cümlədən şəhid, əlillik, digər ağır və yüngül xəsarətlərə görə sığorta ödənişlərinin alınması üçün hərbi qulluqçuların və onların vərəsələrinin müraciətlərinin xeyli artacağı nəzərə alınaraq AzSığorta şirkətinin daxili idarəetmə potensialı artırılmışdır. Şirkətin daxili prosesləri müraciətlərin yeni miqyasına uyğunlaşdırılmış, insan resursları artırılmış, təkrarlanan əməliyyatlar avtomatlaşdırılmışdır. Vətəndaşların fiziki qəbulu üçün müasir standardlara uyğun xidmətlər təşkil edilmiş, zənglərin qəbulu üçün telefoniya sistemi qurulmuşdur. Ödənişlərin operativ əldə edilməsi üçün geniş filial şəbəkəsinə malik olan banklarla hesablaşma əməliyyatlarının aparılması təmin edilmişdir. AzSığorta tərəfindən bu günə qədər 1 053 şəhidimizin vərəsələrinə və hərbi əməliyyatlar zamanı xəsarət almış 4 119 nəfər hərbçimizə 18 109 850 manat ödəniş edilməsi təmin edilmişdir.
Vətəndaşların müraciətlərinə baxılmasında obyektivliyin təmin edilməsi üçün dövlətin irəli sürdüyü institusional təşəbbüslər artıq öz müsbət nəticələrini verməkdədir. Azərbaycan dövləti Vətən müharibəsində iştirak etmiş hər bir hərbçinin müraciətinə həssaslıqla yanaşır. Bu məqsədlə Müdafiə Nazirliyində səfərbərlikdən tərxis olunan şəxslərin müraciətlərinə baxılması üzrə xüsusi komissiya yaradılmışdır. Silahlı Qüvvələrin Təlim və Tədris Mərkəzində fəaliyyət göstərən komissiya tərəfindən cəmi bir neçə gün ərzində 800-ə yaxın müraciətə baxılıb və həll olunması üzrə müvafiq tədbirlər görülmüşdür. Həmçinin komissiyanın bölgələrdə fəaliyyət göstərən səyyar qruplarının da işi təqdirəlayiqdir. Təkcə Füzuli rayonu ərazisində fəaliyyət göstərən belə bir səyyar qrup tərəfindən qısa zamanda 100-dən artıq müraciətə baxılmış, onların böyük hissəsi yerində həll olunmuş, digər müraciətlərin həll olunması üzrə müvafiq tədbirlər görülmüşdür.
Ümumiyyətlə, Azərbaycanda hərbi qulluqçuların və şəhid ailələrinin sosial müdafiəsi və onların rifahının yaxşılaşdırılması daim dövlət siyasətinin əsas tərkib hissəsi olmuşdur. Bu istiqamətdə geniş dövlət dəstəyi mexanizmləri formalaşdırılmış, onlar hərtərəfli dövlət qayğısı ilə əhatə olunmuşlar.
Arzu Daşpoladova,
Salyan şəhər 7 saylı məktəb-liseyin direktoru
DOĞUM GÜNÜN MÜBARƏK
Hüquqşünas dostum Faiq Həbibovun ad gününə.
Hamımızın əzizisən, dostusan,
Faiq, sənin doğum günün mübarək.
Candan əziz tutdun hər an dostu sən,
Faiq, sənin doğum günün mübarək.
Qoy talehin ömrün boyu gün saçsın,
Kədər səndən uzaq qaçsın, gen qaçsın,
Arzuların çiçək açsın, gül açsın-
Faiq, sənin doğum günün mübarək.
Bu dünyanın yaşı çoxdu, köhnədi,
Hər addımı bir maraqlı səhnədi.
Bilməyəsən qüssə nədi, qəm nədi-
Faiq, sənin doğum günün mübarək.
Fateh nəvən gözlərinin nurudu,
Fərhad nəvən su tək safdı, durudu,
Hər ikisi qəlbinin qürurudu-
Faiq, sənin doğum günün mübarək!
Balalara bir sevimli atasan
O gün olsun nəvəyə baş qatasan
Sağlam canla yüz yaşına çatasan
Faiq, sənin doğum günün mübarək.
Şərafəddin İlkin.
Əmək və Əhalinin Sosial Müdafiəsi Nazirinin(ƏƏSMN) Sahil Babayevin sifarişi ilə həbs olunduğu deyilən Sahibkar Alışanlı Tural Asif oğlunun növbəti məhkəmə prosesi keçirilib. Tural Alişanlının vəkili Fuad Ağayev mediyaya açıqlama verərək, bildirib ki, istənilən halda Tural Alişanlı azad edilməli idi. Hətta məhkəmə qərarının müddəti bitməsəydi belə, o azadlığa buraxılmalı idi deyə vəkil qeyd edib. Turalın ailəsi onun məhkəmə prosesinin təxirə salınmasını, Turalın həbsinin uzadılmasına xidmət etdiyini bildiriblər. Hətta Vəkil Fuad Ağayev Məhkəmənin prossesinin təxirə salınmasına gətirilən bəhanənidə açıqladı. Açıqlamada isə guya Tural Alışanlının məhkəmədən öncə iş matiryalları ilə tanış olmamasına şərait yaradılmaması, iş materyallarını görməməsi, onun ibtidai istintaqdakı, hüquqlarının pozulması ilə bağlı məlumat verilməsi ilə sorğu göndərilib Bakı İstintaq Təcizxanasına.Və aydan çox vaxt keçməsinə baxmayaraq bu sorğuya cavab ala bilməyiblər.
Ana Vətən Partiyası erməni daşnakların bolşeviklərlə birgə azərbaycanlılara qarşı həyata keçirdiyi soyqırımın 103-cü ildönümü ilə əlaqədar bəyanat yayıb.