 |
 |
Məşhur MəmmədovMilli Məclisin deputatı
Azərbaycan, son illərdə təkcə Avropanın enerji xəritəsində mühüm rol oynamağa başlamayıb, həm də beynəlxalq siyasi arenada mühüm sülh təşəbbüsləri ilə diqqət çəkib. Prezident İlham Əliyevin ADA Universitetində keçirilən “Yeni dünya nizamına doğru” adlı beynəlxalq forumda çıxışı, Azərbaycanın yalnız enerji təchizatında deyil, həm də regionda sülhün təmin edilməsi və sabitliyin qorunmasında necə fəal iştirak etdiyini nümayiş etdirir. Azərbaycanın qaz siyasəti, xüsusən də Avropa İttifaqı ilə əlaqələrini möhkəmləndirərək, bu gün regionun enerji təhlükəsizliyinin təmin olunmasında müstəsna əhəmiyyət kəsb edir.
Hazırda Azərbaycanın qaz təchizatı 12 ölkəni əhatə edir, onlardan 10-u Avropa ölkəsidir, 8-i isə Avropa İttifaqının üzvüdür. Bu, Azərbaycanın Avropanın enerji təhlükəsizliyində necə mühüm rol oynadığını və bu əlaqələrin daha da gücləndiriləcəyini göstərir. Prezident İlham Əliyevin çıxışında qeyd etdiyi kimi, Azərbaycanın qaz təchizatını təmin etdiyi ölkələr arasında müxtəlif qazlaşdırma layihələri həyata keçirilir və yeni investisiya sahələri açılır.
Məsələn, Albaniyanın Korça şəhərində həyata keçiriləcək qazlaşdırma layihəsi, Azərbaycan sərmayələri ilə reallaşdırılacaq və bu layihənin icrasına başlanması planlaşdırılır. Bu, Azərbaycanın qaz sahəsindəki müvəffəqiyyətli siyasətinin bir nümunəsidir. Gürcüstanın qazlaşdırılmasına qoyulan sərmayələr nəticəsində bu ölkədə qazlaşdırma səviyyəsi 30 faizdən 80 faizə yüksəlib. Hal-hazırda Bolqarıstanda da qazlaşdırma layihələrinin müzakirə edildiyini görürük və bu ölkə artıq qaz istehlakının təxminən 50 faizini Azərbaycandan alır.
Qarabağ məsələsi də Azərbaycanın enerji siyasətinə böyük təsir göstərən bir faktordur. Ölkə rəhbəri Azərbaycanın 30 illik işğala son qoyması və öz ərazilərini azad etməsi, regionda sülhün və təhlükəsizliyin təmin edilməsinə olan ehtiyacı daha vurğulayaraq qeyd etdi ki, Azərbaycanın işğaldan azad edilmiş əraziləri yenidən qurmaq və burada sabitliyi təmin etmək istiqamətindəki səyləri, yalnız hərbi münaqişənin bitməsini deyil, həm də iqtisadi və sosial inkişafı əhatə edir.
Azərbaycan, Qarabağ münaqişəsinin ədalətli və davamlı bir həllini tapmaq üçün sülhə böyük önəm verir. Prezident İlham Əliyevin müharibə dövründəki liderliyi və sülh danışıqlarına verdiyi önəm, Azərbaycanın regionda uzunmüddətli sülhün təminatçısı olmaq arzusunu ortaya qoyur. Bu gün Azərbaycanın xarici siyasətinin əsas prioritetlərindən biri, Avropadakı və dünyadakı tərəfdaşlarla əməkdaşlıq edərək, beynəlxalq sülh və sabitliyin qorunmasına yönəlmiş təşəbbüsləridir.
Azərbaycan, həm də Avropa İttifaqı ilə sıx əməkdaşlıq çərçivəsində, regiondakı enerji ehtiyatlarını daha effektiv istifadə etməyi və regional əlaqələri inkişaf etdirməyi məqsəd qoyur. Bu, Azərbaycanın yalnız öz enerji təhlükəsizliyini deyil, həm də Avropa və qonşu regionların enerji ehtiyaclarını qarşılamaq məqsədini güdür.
Azərbaycanın qaz siyasəti, Avropa İttifaqı və digər ölkələrlə enerji sahəsində güclü əməkdaşlığa əsaslanır və bu, yalnız ticarət əlaqələri ilə məhdudlaşmır. Azərbaycanın qaz təchizatı və investisiya layihələri, həmçinin regionda enerji təhlükəsizliyinin təmin edilməsinə böyük töhfə verir. Azərbaycanın Qarabağ məsələsindəki zəfəri və sülh təşəbbüsləri, bu ölkənin yalnız enerji təminatçısı deyil, həm də regional sabitlik və beynəlxalq sülhün təminatçısı olduğunu göstərir.
Bu gün Azərbaycan, hər iki sahədə, yəni enerji və sülh məsələlərində, daha böyük beynəlxalq rol oynamağa hazırdır. Azərbaycanın strateji mövqeyi, təbii ehtiyatları, və beynəlxalq səviyyədəki fəaliyyəti, ölkəni Avropanın enerji xəritəsində önəmli bir oyunçu və beynəlxalq sülhün müdafiəçisi kimi göstərir.
Azərbaycan, həm coğrafi, həm də mədəni baxımdan qlobal miqyasda mühüm bir strateji mövqeyə malikdir. Son illərdə ölkə, öz beynəlxalq mövqeyini daha da möhkəmləndirmək və regionda daha fəal iştirak etmək məqsədilə çox sayda təşəbbüs irəli sürüb. Bu təşəbbüslər yalnız Azərbaycanın xarici siyasətini gücləndirmək deyil, həm də regional sabitliyi təmin etmək məqsədini güdür. Türk Dünyası ilə əməkdaşlıq, Gürcüstanla strateji əlaqələr və Cənubi Qafqazda vasitəçilərin rolunun azaldılması bu məqsədlərin başlıca istiqamətləridir.
Azərbaycan, Türk Dövlətləri Təşkilatının inkişafında mühüm rol oynayır. Ölkənin Türk dünyası ilə əlaqələri yalnız tarixi və mədəni köklərlə məhdudlaşmır, eyni zamanda müasir dövrdə qlobal məsələlərdə daha aktiv iştirak etməyə yönəlmişdir. Azərbaycanın təşəbbüsü ilə başlanan Zirvə toplantıları artıq ənənə halını almış və Türk dövlətləri arasında daha sıx əməkdaşlığın qurulmasına yol açmışdır.
Prezident İlham Əliyev qeyd etdi ki, Türk dövlətləri arasında əməkdaşlıq, tarix, dil, mədəniyyət və etnik yaxınlıq kimi ümumi dəyərlərlə möhkəmlənir. Azərbaycan, bu əməkdaşlığın yalnız siyasi deyil, həm də iqtisadi və hərbi sahələrdə inkişaf etdirilməsi tərəfdarıdır. Beləliklə, Azərbaycan özünü Türk dünyasında lider mövqeyində görür və bu cür əməkdaşlığın qlobal güc mərkəzinə çevrilməsi üçün bütün imkanları nəzərə alır.
Türk Dövlətləri Təşkilatının unikal xüsusiyyəti, üzv ölkələrin ortaq etnik və mədəni dəyərlərə malik olmasıdır. Bu, digər beynəlxalq təşkilatlardan fərqli olaraq, üzv dövlətlər arasında ciddi narazılıqlara səbəb olmur. Lakin, Azərbaycan Prezidentinin sözlərinə görə, bu təşkilat daha da fəallaşmalı və beynəlxalq müstəvidə öz yerini tutmalıdır. Azərbaycanın böyük təbii ehtiyatları, coğrafi mövqeyi və hərbi gücü, təşkilatın qlobal səviyyədə daha güclü iştirakçıya çevrilməsinə imkan verir.
Cənubi Qafqazın sabitliyinin vacibliyinə toxunan ölkə rəhbəri qeyd etdi ki, Azərbaycan və Gürcüstan arasında əlaqələr, sadəcə iki qonşu ölkə arasında deyil, bütövlükdə Cənubi Qafqaz regionunda sabitliyin və inkişafın təməlini qoyur. İki ölkə arasındakı dostluq və tərəfdaşlıq münasibətləri, həm regional, həm də beynəlxalq miqyasda çox önəmlidir. Azərbaycan, Gürcüstanla birgə həyata keçirdiyi nəqliyyat layihələri ilə yalnız regionda deyil, həm də qlobal səviyyədə mühüm rol oynayır. Xəzər dənizi ilə Qara dəniz arasında strateji keçid nöqtəsi olan bu iki ölkə, nəqliyyat dəhlizləri və yaşıl gündəliklərlə yeni imkanlar yaradır.
Gürcüstanın baş nazirinin Azərbaycana etdiyi səfər və yaxın zamanda Prezidentin də analoji bir səfər etməsi, iki ölkə arasındakı əlaqələrin möhkəmliyini bir daha göstərir. Bu səfərlər, sadəcə siyasi və diplomatik əlaqələri gücləndirməklə qalmır, həm də iki ölkənin daha geniş coğrafiyada böyük layihələrə imza atmalarına zəmin yaradır.
Azərbaycanın beynəlxalq siyasətdəki mövqeyi, Cənubi Qafqazda müstəqil və öz gücünə əsaslanan diplomatiyanın inkişafını təmin edir. Azərbaycan Prezidenti, uzun illər ərzində regionda vasitəçi rolunu oynayan beynəlxalq təşkilatları, xüsusilə də Minsk Qrupunu tənqid etdi. Ən çox diqqət çəkən məsələ, bu vasitəçilərin 28 il ərzində heç bir irəliləyiş əldə etməməsi və Azərbaycanın suverenliyini təmin etməyə çalışan fəaliyyətlərinin əksinə, yalnız status-kvonun qorunmasına çalışmaları idi.
Azərbaycan, bu vəziyyətdə artıq xarici vasitəçilərə ehtiyac olmadığını bir daha bəyan edir və bütün Cənubi Qafqaz ölkələrinin məsuliyyət daşıması gərəkdiyini vurğulayır. Ermənistanın ərazi iddiaları və Azərbaycanın müstəqil xarici siyasəti, bu regionun gələcəyi üçün əsas şərtlərdir. Azərbaycan və Gürcüstanın regionda qarşılıqlı əməkdaşlıq etməsi, Cənubi Qafqazda daha sabit və proqnozlaşdırıla bilən bir gələcək yaratmaq üçün vacibdir.
Azərbaycanın beynəlxalq siyasəti, yalnız öz müstəqilliyini və suverenliyini təmin etmək deyil, həm də regiondakı sabitliyi qorumağa və daha geniş beynəlxalq əməkdaşlıq imkanları yaratmağa yönəlmişdir. Türk Dünyası ilə əlaqələrin gücləndirilməsi, Gürcüstanla strateji tərəfdaşlığın inkişafı və Cənubi Qafqazda vasitəçilərə ehtiyacın olmaması kimi məsələlər, Azərbaycanın regionda və dünyada daha fəal rol oynamasına zəmin yaradır. Azərbaycanın rəhbərliyi altında bu məqsədlərin reallaşdırılması, yalnız ölkənin deyil, bütövlükdə Avrasiyanın sabitliyi və inkişafı üçün mühüm əhəmiyyət kəsb edir.
Bir sözlə, Prezident İlham Əliyev çıxışında Azərbaycanın regional və beynəlxalq siyasətindəki mövqeyini və məqsədlərini aydın, əhatəli şəkildə təqdim etdi.
“Bir ay əvvəl alçanın bir kilosunun qiyməti 600 manat idi.
"Hal-hazırda İran-Azərbaycan münasibətləri, əsasəndə İkinci Qarabağ müharibəsinin bitməsindən sonra xeyli inkişaf etməkdədir.
“Ermənistanın pozucu hərəkətləri sistemli xarakter alıb.
Məşhur MəmmədovMilli Məclisin deputatı
Bakı şəhərində keçirilən Cənub Qaz Dəhlizi Məşvərət Şurasının nazirlərin 11-ci və Yaşıl Enerji Məşvərət Şurasının nazirlərin 3-cü iclası Prezident İlham Əliyevin enerji siyasəti və beynəlxalq əməkdaşlıqla bağlı bir sıra mühüm mesajlar verməsi ilə yadda qaldı. Bu tədbirlərdə ölkə başçısı həmçinin Azərbaycanın enerji təhlükəsizliyi sahəsindəki lider rolunu, yaşıl enerjiyə olan marağını və Avropa ilə enerji sahəsindəki strateji əməkdaşlığı gücləndirmək üçün atılan addımları geniş şəkildə müzakirə etdi. Ölkə rəhbərinin çıxışları həm regional, həm də qlobal enerji təhlükəsizliyi məsələlərində Azərbaycanının mühüm rolunu bir daha vurğuladı.
Cənub Qaz Dəhlizi Azərbaycanın enerji təhlükəsizliyi sahəsindəki ən böyük uğurlu layihəsidir. Prezident İlham Əliyev qeyd etdi ki, bu layihə artıq 11-ci dəfədir ki, Bakıda müzakirə olunur. Cənub Qaz Dəhlizi, Avropa ilə enerji əlaqələrini möhkəmləndirən və Azərbaycanı Avropanın təbii qaz təchizatında vacib tərəfdaşa çevirən mühüm bir layihədir. Hazırda bu layihə ilə bağlı müzakirələrə qatılan ölkə və şirkətlərin sayının artması əməkdaşlığın genişlənməsini göstərir. Həmçinin, Prezident bu toplantılarda qeyd etdi ki, hər dəfə yeni tərəfdaşlar, investorlar və iştirakçılar bu layihəyə qoşulurlar, bu isə əməkdaşlığın daha da möhkəmləndiyini nümayiş etdirir.
Prezident İlham Əliyev çıxışında vurğuladı ki, enerji təhlükəsizliyi yalnız əməkdaşlıq yolu ilə təmin oluna bilər. Bu baxımdan, Azərbaycanın enerji layihələri beynəlxalq əməkdaşlıq və qarşılıqlı faydalılıq prinsiplərinə əsaslanır. "Enerji təhlükəsizliyi əməkdaşlıq olmadan mümkün olmazdı" - deyən Prezident, istehsalçı ölkələr, tranzit ölkələr və istehlakçılar arasında həssas balansın təmin olunmasının vacibliyini qeyd etdi. Azərbaycan, bu məsələdə bütün tərəflərlə qarşılıqlı hörmət və etimad əsasında əlaqələr qurmuşdur. Bu əməkdaşlıq həm regional, həm də qlobal səviyyədə enerji təchizatının təhlükəsizliyini təmin edir.
Azərbaycan uzun illər ərzində etibarlı bir enerji tərəfdaşı olub və bundan sonra da belə qalmağı hədəfləyir. Prezident İlham Əliyev Avropa Komissiyasının yüksək rütbəli nümayəndələrinin də dediyi kimi, Azərbaycanın qaz təchizatında etibarlı və strateji tərəfdaş olduğunu vurğuladı. Hazırda Azərbaycanın təbii qazı 12 ölkəyə ixrac olunur və bunların 10-u Avropa ölkəsidir. Avropa ölkələrinin qazpaylama şəbəkələrinin yaradılmasında iştirak edən Azərbaycan, təbii qaz şəbəkələrinin genişlənməsinə də töhfə verir. Bu istiqamətdə davam edən işlər Azərbaycanın Avropadakı qaz təchizatını genişləndirməyə və daha çox ölkəyə təbii qaz ixrac etməyə imkan verir.
Ölkə başçısının qeyd etdiyi kimi, Azərbaycan və Avropa Komissiyası energetika sahəsində strateji tərəfdaşlıqla bağlı memoranduma imza atdıqdan sonra Avropaya qaz təchizatımız təxminən 60 faiz artdı.
Bu memorandum Avropa Komissiyasının Prezidenti və tərəfimdən 2022-ci ilin ortasında imzalandı. Avropaya qaz təchizatımız 2021-ci ildə təxminən 8 milyard kubmetr idi. Ötən il demək olar ki, 13 milyard kubmetr oldu. Yəni, bu, ümumi ixracatımızın təxminən yarısından çoxdur. Bu, 25 milyard kubmetrdir və bundan sonra da artacaq. Bu gün həmin həcm artıq kifayət qədər çoxdur. Yeni yataqları əlavə etmək və mövcud qaz yataqlarında hasilatı artırmaq planlarımızı nəzərə alaraq, birmənalı olaraq istehlakçılarımıza daha çox qaz verəcəyik. Bir sözlə, təsəvvür edə bilərik ki, əgər bizə daha çox təbii qaza qənaət etmək imkanı verən yaşıl enerji gündəliyini əlavə etsək, Azərbaycan enerji təhlükəsizliyi baxımından tərəfdaşları üçün daha mühüm rol oynayacaq.
Cənub Qaz Dəhlizi layihəsinin uğurlu icrası, onun boru kəməri sistemlərinin genişləndirilməsini zəruri edir. Ölkə başçısı qeyd etdi ki, bu layihə artıq tam gücü ilə işləyir və daha da inkişaf etdirilməlidir. Cənub Qaz Dəhlizinin üç əsas hissəsi - Cənubi Qafqaz Boru Kəməri, TANAP və TAP artıq tam şəkildə fəaliyyət göstərir. Lakin gələcəkdə bu infrastrukturun genişləndirilməsi üçün əlavə sərmayələrə ehtiyac var. Bu mövzuda beynəlxalq maliyyə təsisatları ilə əməkdaşlıq vacibdir. Prezident, eyni zamanda, beynəlxalq maliyyə qurumlarının neft və qaz layihələrinin maliyyələşdirilməsi ilə bağlı mövqelərini yenidən gözdən keçirmələrinin vacibliyini bildirdi.
Azərbaycan daha çox neft və qaz yataqlarını istismar etməyi hədəfləyir. "Şahdəniz", "Abşeron" və "Azəri-Çıraq-Günəşli" kimi nəhəng yataqlar artıq dünya enerji bazarında mühüm rol oynayır. Bu yataqlar, həmçinin bir çox ölkələrin enerji təhlükəsizliyini təmin edir. Azərbaycan bu yataqların istismarını davam etdirəcək və yeni yataqlar üzərində də işlər aparacaq. Prezident bu layihələrin maliyyələşdirilməsinin, həmçinin boru kəmərlərinin tikilməsinin beynəlxalq əməkdaşlıq vasitəsilə həyata keçirildiyini qeyd etdi.
Yaşıl enerji sahəsində də böyük uğurlar əldə edən Azərbaycan, yaşıl enerji ilə ənənəvi enerjinin paralel inkişafını təmin etməyi hədəfləyir. Prezident İlham Əliyev COP29-da verdiyi mesajı xatırladaraq qeyd etdi ki, faydalı qazıntıları zəngin olan ölkələr yaşıl enerji layihələrinə sərmayə qoymalı və bu sahə də dəstəklənməlidir. Yaşıl enerji üzrə atılan addımlar ölkənin daxili enerji istehsalına olan tələbatı azaldacaq. Nəticədə qaz ixracı üçün daha çox sərbəst resurs ayırmağa imkan yaranacaq. Azərbaycanın bərpa olunan enerji sahəsindəki ambisiyaları 2030-cu ilədək 6.5 giqavatlıq enerji potensialı yaratmaqdır.
Prezident İlham Əliyevin beynəlxalq tribunalarda çıxışları Azərbaycanın enerji siyasətinin beynəlxalq səviyyədə necə mühüm əhəmiyyət kəsb etdiyini bir daha nümayiş etdirir. Cənub Qaz Dəhlizi, yeni neft və qaz yataqlarının istismarı və yaşıl enerji sahəsindəki addımlar Azərbaycanın qlobal enerji təhlükəsizliyinə verdiyi töhfələri gücləndirir. Enerji təhlükəsizliyi məsələsi, beynəlxalq əməkdaşlıq və qarşılıqlı etimad ilə təmin edilə bilər. Cənab Prezidentin dediyi kimi: "Yalnız əməkdaşlıqla enerji təhlükəsizliyini təmin etmək mümkündür."
“Qafqazinfo”nun əldə etdiyi məlumata görə, məşhur tikinti maqnatından şikayət edən iş adamı “Proqress 2016” MTK-nın rəhbəri Emil Səməndərovdur.
E.Səməndərov bir müddət əvvəl həbs edilib. Amma hələ ki, barəsində yekun məhkəmə qərarı yoxdur.
Səməndərovun vəkili Asim Abbasovun sözlərinə görə, Şərurlu İsfəndiyar müsahibələrindən birində müvəkkilini dələduz kimi təqdim edib. Həmin cümlə konkret olaraq aşağıdakı kimi deyilib: “Mən sizə deyim ki, “Proqress” MTK-nın rəhbəri Emil insanları, nə qədər adamları aldadıb, hazırda cəzasını çəkir”.
Fotoda: Emil Səməndərov
Vəkil hesab edir ki, İ.Axundov bu hərəkəti ilə barəsində qanunu qüvvəyə minmiş hökm olmayan şəxsin şərəf və ləyaqətini alçaltmış olub. Buna görə də İsfəndiyar Axundov barəsində Cinayət Məcəlləsinin 147.2-ci (böhtan) və 148-ci (təhqir) maddələri üzrə xüsusi ittiham qaydasında şikayət edilib. Xüsusi ittihamçı İ.Axundovun qeyd olunan maddələrin sanksiyası həddində azadlıqdan məhrum edilməsini istəyir.
Şikayəti Binəqədi Rayon Məhkəməsinin hakimi Vüsal Tağıyev araşdıracaq. İclas aprelin 8-i keçiriləcək.
Qeyd edək ki, təhqir və böhtan maddələrinin saksiyasında 3 ilə kimi azadlıqdan məhrumetmə, şərti cəzalandırılma, cərimə və islah işləri cəzası nəzərdə tutulur.
Xatırladaq ki, Şərurlu İsfəndiyar son günlər verdiyi müsahibələrindən birində dediyi sözlərlə gündəmə düşüb. Belə ki, tikinti maqnatı “Hərfləri tanımıram, yazı yaza bilmirəm. Mən oturmuşam, çoban. Amma alimlər işləyir, pullar da gəlir” kimi fikirləri ilə sosial şəbəkələrdə müzakirələrə yol açıb.
Məşhur Məmmədov,
Millət vəkili
2016-cı ilin Aprel döyüşləri Azərbaycan tarixində mühüm hərbi və siyasi hadisələrdən biri kimi yadda qalmışdır. Dördgünlük müharibə kimi də tanınan bu döyüşlər 2-5 aprel tarixlərində baş vermiş və Azərbaycan Ordusunun qətiyyətli qələbəsi ilə nəticələnmişdir.
Aprel döyüşlərinin əsas səbəbi Ermənistan silahlı qüvvələrinin təxribatları və atəşkəs rejimini pozması olmuşdur. 1994-cü ildə Bişkek protokolu əsasında atəşkəs əldə edilsə də, Ermənistan ordusu bu illər ərzində davamlı şəkildə Azərbaycanın mülki əhalisini və hərbi mövqelərini atəşə tutmuşdur. 2016-cı ilin mart ayının sonlarında və aprel ayının əvvəlində düşmənin hücumları xüsusilə intensivləşmişdi. Azərbaycan Ordusu bu təxribatlara cavab olaraq əks-hücum əməliyyatı həyata keçirdi.
Döyüşlər Azərbaycan Ordusunun qələbəsi ilə nəticələndi. Aprel döyüşləri zamanı Azərbaycan Silahlı Qüvvələri strateji əhəmiyyətə malik Tərtər rayonunun Talış kəndi ətrafındakı yüksəkliklər, Cəbrayıl rayonunun Lələtəpə yüksəkliyi və Cocuq Mərcanlı, Goranboy rayonunun Gülüstan kəndi və Tərtər rayonunun Madagiz kəndi istiqamətində bəzi mövqelər düşməndən azad olundu. Bununla da cinayətkar erməni rəhbərlərinin keçilməz erməni səngərləri haqqında mifi alt-üst edildi.
Bu qələbə ordumuzun döyüş qabiliyyətini və hərbi hazırlığını bir daha sübut etdi.
Nəticə etibarilə, Aprel döyüşləri Ermənistanın işğalçılıq siyasətinin iflasa uğradığını göstərdi. Döyüşlərdən sonra Azərbaycan diplomatik cəbhədə də üstünlük əldə etdi və beynəlxalq ictimaiyyətin diqqətini Qarabağ münaqişəsinə bir daha yönəltdi.
Bu hadisə Azərbaycanın 2020-ci ildə keçirdiyi Vətən müharibəsinin başlanğıcı hesab edilə bilər, çünki həmin döyüşlər xalqın və ordunun ruh yüksəkliyini artırdı, hərbi strategiyanın inkişafına təkan verdi və düşmənin müdafiəsinin zəif nöqtələrini müəyyənləşdirdi.
Aprel döyüşləri Azərbaycan xalqının birliyini və ordusunun gücünü nümayiş etdirməklə yanaşı, regiondakı geosiyasi vəziyyətə də ciddi təsir etdi. 2020-ci ildəki 44 günlük Vətən Müharibəsinin zəfərlə başa çatması məhz 2016-cı ilin uğurlarının davamı kimi qiymətləndirilə bilər.
Daha dəqiq ifadə etsək, Aprel döyüşləri Zəfər qələbəsinin təməlini qoydu.
Allah şəhidlərimizə rəhmət eləsin, ailələrinə səbr versin!Qazilərimizə və döyüşçülərimizə cansağlığı arzulayıram!
Məşhur Məmmədov
Milli Məclisin deputatı
Azərbaycan Respublikasının Prezidenti İlham Əliyevin Almaniya Federativ Respublikasının Prezidenti Frank-Valter Ştaynmayerin Azərbaycana səfəri zamanı mətbuata verdiyi bəyanat, ikitərəfli münasibətlərin yeni mərhələyə qədəm qoyduğunun bariz nümunəsidir. Bu səfər Azərbaycan-Almaniya əlaqələrinin dərinləşməsinə və yeni əməkdaşlıq istiqamətlərinin müəyyən edilməsinə stimul verəcək.
Azərbaycan və Almaniya arasında iqtisadi əməkdaşlıq son dövrlərdə dinamik şəkildə inkişaf edir. 2024-cü ilin ilk iki ayında ticarət dövriyyəsinin üç dəfə artması, xüsusilə xam neft ixracının həcminin yüksəlməsi, bu əlaqələrin möhkəmləndiyini göstərir. Prezident İlham Əliyevin bəyanatında vurğulandığı kimi, gələcəkdə ticarət dövriyyəsinin daha da şaxələndirilməsi nəzərdə tutulur. Xüsusilə bərpaolunan enerji sahəsində əməkdaşlıq böyük perspektivlər vəd edir. Bu sahədə Almaniya şirkətləri ilə tərəfdaşlıq mühüm əhəmiyyət kəsb edir.
Hər iki ölkə rəhbərinin çıxışı, verdikləri bəyanatlar göstərir ki, bu səfər Azərbaycan-Almaniya əlaqələrində yeni əməkdaşlıq səhifəsi açacaq.
Cənab Prezident İlham Əliyev qeyd etdi ki, həm təkbətək görüşdə söhbət əsnasında, həm də nümayəndə heyətlərinin iştirakı ilə aparılan danışıqlarda Almaniya-Azərbaycan əlaqələrinin gələcək inkişafı müzakirə edilmişdir: "Mən tam əminəm ki, bu səfər bizim əlaqələrimizə yeni müsbət təkan verəcəkdir. İqtisadi sahədə əldə edilmiş nəticələr bizi təbii olaraq ruhlandırır. Çünki bu ilin yanvar-fevral aylarında bizim ticarət dövriyyəmiz təxminən üç dəfə artıb. Bunun əsas səbəbi Azərbaycandan Almaniyaya ixrac edilən xam neftin həcminin artması olmuşdur. Ona görə biz hesab edirik ki, gələcək illərdə öz ticarət dövriyyəmizin şaxələndirilməsi ilə bağlı daha fəal addımlar atmalıyıq, xüsusilə bərpaolunan enerji sahəsində - harada ki, Almaniya şirkətlərinin çox böyük təcrübəsi var, Azərbaycanın da çox böyük proqramı, planları var. Biz xarici investorların sərmayəsi hesabına 2030-cu ilə qədər bərpaolunan enerji növlərinin istehsal gücünü 6 giqavata çatdırmaq fikrindəyik və bu, tam realdır, bunun bir hissəsi Avropaya ixrac ediləcəkdir".
Çıxışında Azərbaycanın yüksək peşəkarlıqla evsahibliyi etdiyi COP29-u xatırladan ölkə rəhbərinin qeyd etdiyi kimi, Azərbaycanın COP29 beynəlxalq iqlim konfransına ev sahibliyi etməsi ölkənin qlobal iqlim gündəliyindəki rolunu möhkəmləndirdi. 197 ölkədən 77 mindən çox nümayəndənin qatıldığı konfransda Azərbaycan və Almaniya arasında ekoloji sahədə əməkdaşlıq məsələləri müzakirə olundu. Ermənistanın bu beynəlxalq tədbirdə iştirak etməməsi, regional əməkdaşlıq perspektivlərinə mənfi təsir göstərmə cəhdləri fiaskoya uğradı.
Azərbaycanın sülh və sabitlik siyasəti çoxlarına nümunədir, o cümlədən qonşu dövlətlərə.
Prezident İlham Əliyevin bəyanatında Azərbaycanın 30 il ərzində erməni işğalından əziyyət çəkməsi, beynəlxalq təşkilatların bu münaqişəyə ciddi müdaxilə etməməsi və ölkəmizin öz gücü ilə ədaləti bərpa etməsi xüsusi vurğulandı. Qarabağ Zəfəri regionda sülh prosesini sürətləndirdi və bu gün Azərbaycan-Ermənistan münasibətləri daha konstruktiv müstəviyə keçməkdədir.
Almaniya ilə aparılan müzakirələr zamanı bu məsələnin də önə çəkilməsi, ikitərəfli münasibətlərin təkcə iqtisadi deyil, həm də siyasi müstəvidə inkişaf etdiyini göstərir.
Almaniya 1992-ci ildən bəri Azərbaycanın müstəqilliyini tanıyır və iki ölkə arasında diplomatik münasibətlər həmin ildən etibarən davam edir. 77 hüquqi sənədin imzalanması, yüksək səviyyəli işçi qrupların formalaşdırılması və dövlət başçılarının mütəmadi səfərləri əlaqələrin strateji mahiyyət daşıdığını sübut edir. Azərbaycan və Almaniya arasında yüksək səviyyəli siyasi dialoq və iqtisadi əməkdaşlıq bu münasibətlərin gələcək inkişafı üçün əsaslı zəmin yaradır.
Almaniya Prezidentinin Azərbaycana səfəri və Prezident İlham Əliyevin bəyanatı göstərir ki, iki ölkə arasındakı münasibətlər təkcə iqtisadi və diplomatik sahədə deyil, həm də enerji, ekoloji və təhlükəsizlik sahələrində yeni mərhələyə qədəm qoyur. Bu strateji əməkdaşlıq həm Azərbaycanın, həm də Almaniyanın maraqlarına xidmət edir və regionda sabitliyin və tərəqqinin möhkəmlənməsinə töhfə verir.
Azərbaycanın paytaxtı Bakı şəhəri daim inkişaf edir və müasir infrastruktur layihələri ilə yenilənir. Bununla yanaşı, şəhərin ekoloji vəziyyətinin qorunması və abadlaşdırılması da xüsusi əhəmiyyət daşıyır. Bakı Şəhər İcra Hakimiyyəti Yaşıllaşdırma Təsərrüfatı Birliyi məhz bu məqsədlə fəaliyyət göstərən mühüm qurumlardan biridir. Bu qurumun uğurlu idarəçiliyi və görülən işlərin keyfiyyəti isə direktoru Mirdamət Seyidovun rəhbərliyi altında həyata keçirilən genişmiqyaslı layihələr sayəsində mümkün olur.
Mirdamət Seyidov öz işinə məsuliyyətlə yanaşan, şəhərin yaşıllaşdırılması və ekoloji tarazlığının qorunması üçün yorulmadan çalışan peşəkar rəhbərlərdən biridir. Onun rəhbərliyi ilə paytaxtın müxtəlif ərazilərində geniş abadlıq və yaşıllaşdırma işləri həyata keçirilir, yeni parklar salınır, mövcud yaşıllıqlar qorunur və müasir landşaft dizaynı ilə şəhərin siması daha da gözəlləşdirilir.
Bakı şəhərində ağacəkmə aksiyalarının təşkili, mövcud yaşıllıqların suvarılması və baxımı, ekoloji vəziyyətin yaxşılaşdırılması istiqamətində bir çox mühüm addımlar atılır. Bütün bu işlər Mirdamət Seyidovun rəhbərliyi altında həyata keçirilərək paytaxt sakinlərinə daha yaşıl və sağlam mühit təqdim edir.
Yaşıl Bakı – Sağlam Nəsil
Bakı şəhərində son illərdə həyata keçirilən abadlıq və yaşıllaşdırma layihələri əhalinin həyat keyfiyyətini artırmaqla yanaşı, şəhərin ekoloji mühitini də yaxşılaşdırır. Mirdamət Seyidovun rəhbərlik etdiyi Yaşıllaşdırma Təsərrüfatı Birliyi tərəfindən həyata keçirilən işlər çərçivəsində yeni ağaclar əkilir, mövcud park və bağlar yenilənir, küçələr və yollar boyunca yaşıllıqlar artırılır.
Xüsusilə paytaxtın yeni yaşayış massivlərində və sənaye ərazilərində həyata keçirilən yaşıllaşdırma işləri, havanın keyfiyyətinin yaxşılaşmasına, şəhərin daha gözəl və ekoloji baxımdan sağlam olmasına töhfə verir. Bu, şəhər əhalisinin rifahı və sağlamlığı üçün böyük əhəmiyyət daşıyan bir faktordur.
Mirdamət Seyidov yaşıllıqların qorunmasına və artırılmasına xüsusi diqqət yetirir, Bakı şəhərinin dünya səviyyəsində ekoloji cəhətdən daha yaşıl və abad şəhərlərdən biri olması üçün əlindən gələni edir. Onun rəhbərliyi altında şəhərdə həyata keçirilən abadlıq və yaşıllaşdırma işləri Bakının ekoloji baxımdan müasir tələblərə uyğunlaşmasına böyük töhfə verir.
Prezident İlham Əliyevin ekoloji siyasətinə dəstək
Azərbaycan Respublikasının Prezidenti İlham Əliyevin ölkədə ekoloji vəziyyətin yaxşılaşdırılması, yaşıllıqların artırılması və ətraf mühitin qorunması istiqamətində həyata keçirdiyi siyasət Bakı şəhərində də uğurla icra olunur. Mirdamət Seyidovun rəhbərlik etdiyi qurum bu siyasətə tam uyğun şəkildə fəaliyyət göstərir və ölkə başçısının ekoloji sahədə qarşıya qoyduğu məqsədlərin həyata keçirilməsində mühüm rol oynayır.
Bakı şəhərində yaşıllıqların artırılması, ekoloji mühitin yaxşılaşdırılması və şəhərin daha abad hala gətirilməsi üçün görülən işlər paytaxt sakinlərinin rifahına xidmət edir. Bu işlərin uğurla həyata keçirilməsində Mirdamət Seyidovun idarəçilik bacarığı və ekologiyaya olan xüsusi diqqəti mühüm rol oynayır.
Onun rəhbərliyi ilə görülən işlər Bakı şəhərinin ekoloji tarazlığını qoruyur, gələcək nəsillər üçün daha yaşıl və gözəl bir mühit yaradır. Bu isə Mirdamət Seyidovun paytaxtın abadlaşdırılması və inkişafına verdiyi mühüm töhfələrin ən bariz nümunəsidir.
Azərbaycanın inkişaf edən iqtisadiyyatı və sənayesi peşəkar kadr potensialının gücləndirilməsini zəruri edir. Bu sahədə gənclərin peşə təhsilinə marağını artırmaq, onların bilikli və bacarıqlı mütəxəssis kimi yetişməsinə şərait yaratmaq üçün çalışan dəyərli ziyalılardan biri də Sənaye və Texnologiyalar üzrə Gəncə Dövlət Peşə Təhsil Mərkəzinin direktoru Şahin Məhərrəmovdur.
Peşəkarlıq və Təcrübənin Timsalı
Uzun illərin təcrübəsinə, zəngin biliyə və dərin təşkilatçılıq bacarığına malik olan Şahin Məhərrəmov, rəhbərlik etdiyi mərkəzdə peşə təhsilinin inkişafı üçün əzmlə çalışır. O, daim yeniliklərə açıq, müasir tələblərə cavab verən bir idarəçi kimi, sənayenin və texnologiyanın inkişaf tempinə uyğun olaraq gəncləri peşəkar kadr kimi formalaşdırır.
Şahin müəllimin məqsədi ölkəmizin sənaye sahəsinə bilikli, bacarıqlı və müasir texnologiyaları mənimsəmiş gənclər yetişdirmək, Azərbaycanın iqtisadi gücünün artmasına öz töhfəsini verməkdir. Onun rəhbərliyi altında mərkəzdə bir çox layihələr həyata keçirilir, tələbələrin bilik və bacarıqları artırılır, istehsalata inteqrasiya prosesi gücləndirilir.
Şəhid Ailələrinə və Qazilərə Hər Zaman Dəstək
Şahin Məhərrəmov dövlətinə və millətinə bağlı ziyalı kimi şəhid ailələrinə, qazilərimizə xüsusi diqqət və qayğı ilə yanaşır. O, Vətən müharibəsində canlarını qurban vermiş qəhrəmanların əziz xatirəsini daim uca tutur, onların ailələrinə dəstək olmağı özünə mənəvi borc bilir.
Ramazan Ayında Xeyirxahlıq Nümunəsi
Müqəddəs Ramazan ayında aztəminatlı ailələrə yardım göstərmək, onların sevincinə şərik olmaq Şahin müəllimin həyat fəlsəfəsinə çevrilib. O, həm özü, həm də rəhbərlik etdiyi kollektivlə birlikdə yardımlaşma aksiyalarında fəal iştirak edir, imkansız ailələrə ərzaq yardımları, maddi dəstək göstərir.
Torpaq Çərşənbəsi və Baharın Gəlişi Münasibətilə Təbrik
Torpaq Çərşənbəsi və Novruz Bayramı münasibətilə Şahin Məhərrəmov xalqımızı səmimi qəlbdən təbrik edərək bildirir ki, bu bayramlar milli birliyimizin, dirçəlişimizin və bərəkətin rəmzidir. O, hər kəsə sağlamlıq, bol ruzi və firavan həyat arzulayır, torpağımızın daim bərəkətli olmasını diləyir.
Dövlətə və Prezident İlham Əliyevin Siyasətinə Sadiqlik
Şahin Məhərrəmov ölkə başçısı cənab İlham Əliyevin rəhbərliyi ilə həyata keçirilən sosial-iqtisadi islahatları, təhsilə və gəncliyə göstərilən qayğını yüksək qiymətləndirir. O, inanır ki, dövlətimizin bu dəstəyi ilə peşə təhsili sahəsində daha böyük nailiyyətlər qazanılacaq, Azərbaycan gəncliyi ölkəmizin inkişafına töhfə verən peşəkar kadrlara çevriləcək.
Sonda
Sənaye və Texnologiyalar üzrə Gəncə Dövlət Peşə Təhsil Mərkəzinin direktoru Şahin Məhərrəmov peşə təhsilinin inkişafı, gənc nəslin gələcəyinə xidmət edən dəyərli ziyalı və bacarıqlı rəhbərdir. Onun fəaliyyəti həm Gəncə şəhərində, həm də ümumilikdə ölkəmizdə peşə təhsilinin yüksəlişinə xidmət edir.
Allah xalqımıza firavanlıq, dövlətimizə əmin-amanlıq bəxş etsin! Elmə, təhsilə və gəncliyə xidmət edən Şahin müəllim kimi ziyalılarımız daim var olsun!