TƏBİB-in yoluxucu xəstəliklər üzrə işçi qrupunun rəhbəri, infeksion xəstəliklər üzrə uzman həkim Vasif Əliyevin "Qafqazinfo"ya müsahibəsi

- Azərbaycanda xüsusi karantin rejiminin başa çatmasına 4 gün qalıb. Sizcə, biz ölkə olaraq karantindən necə çıxmalıyıq?

- Azərbaycanda vəziyyət stabildir. Bizdə silsiləli artım müşahidə olunmur. Bir ara 104, 105 yoluxma halı oldu. Sonradan isə 50,60,40 civarında yoluxma halı davam etdi. Mən hesab edirəm ki, aprelin 20-dən sonra karantindən çıxmaq tez ola bilər. Bu məsələ Operativ Qərargahla da dəqiqləşdiriləcək. Ola bilər ki, müddət uzadılsın. Çünki bu dəqiqə karantindən çıxmaq yoluxma hallarının da olduğunu nəzərə alanda fikrimcə, tezdir. Belə olsa, təkrar ikinci bir dalğanı yaşaya bilərik. Bu vaxtı ən azı ayın sonuna kimi uzadıb gedişata görə qərar vermək lazımdır. Ani, düşünmədən addım atmaq sonradan bizə baha başa gələr.

- Ötən gün brifinqdə TƏBİB-in İdarə Heyətinin sədri Ramin Bayramlı bildirdi ki, Operativ Qərargaha təqdim etmək üçün yeni qaydalar üzərində işləyirlər. Sizin bu qaydalardan məlumatınız varmı? Proses necə tənzimlənəcək?

- Qaydalar üzərində işlənilir. Amma bu qaydaları dövlətə təqdim etmədən danışmaq hələ tezdir. Bu qaydalar tam işləndikdən və dövlət tərəfindən qəbul edildikdən sonra ictimaiyyətə açıqlana bilər.

- Bu sahənin mütəxəssisi kimi, necə hesab edirsiniz, karantin qaydaları nə zamandan sonra yumşaldılmalıdır?

- Yoluxma hallarının təkcə bizdə yox, eyni zamanda, dünyada da gedişatına baxmaq lazımdır. Yəni xəstəliyə səbəb olan virusun yoluxma qabiliyyətinin zəifləməsinə, xəstəlik keçirmiş insanlarda yüngül formada seyr etməsi və.s kimi hallara baxılmalıdır. Təbii ki bu, bir çox səbəblərdən asılıdır. Məsələ havaların istiləşməsi ilə bağlı deyil. Görsək ki, yoluxma hallarında azalma var və xəstəliyi keçirən insanlar daha yüngül formada bunu keçirirlər və belə vəziyyət dünya ölkələrində də baş verir, o zaman qaydalar mütəmadi şəkildə yüngülləşdirilə bilər.

- Belə fikir səsləndirilir ki, 1 il ərzində bu virus məsələsi gündəmdə olacaq. Bu nə dərəcədə əsaslıdır?

- Bunlar xəstəliyin gedişatına bağlı olan məqamlardır. Heç kim bilmir ki, xəstəlik bundan sonra hansı formada seyr edəcək və ya nə zaman bitəcək. Bu sadəcə təxminlərdir. Çünki hər bir ölkə keçirmiş olduğu pandemiyanı təkrar ikinci bir dalğa ilə də keçirə bilər. Yoluxmayan insanlarda da bir qığılcım yarana bilər. Yəqin ilin sonuna kimi bəzi məhdudiyyətlər ola bilər. Bu da dediyim kimi, xəstəliyin gedişatına bağlıdır. Xəstəlik yüngül formaya keçərsə ictimai iaşə obyektlərə və insanların kütləvi toplandığı yerlərə, ictimai nəqliyyata bəzi məhdudiyyətlər qoyula bilər.

- Bizimlə qonşu olan ölkələrdə vəziyyət ürəkaçan deyil. Məsələyə yəqin bu kontekstdən də baxılmalıdır...

- Amerikadakı, Avropadakı vəziyyəti görürsünüz. İranda proses davam edir. Türkiyə hələ deyərdim ki, xəstəliyin pik nöqtəsini keçməyib. Orada, eləcə də İranda hər gün 90-100 civarında insan vəfat edir. Hələ ki belə aktiv bir vəziyyət olduğu halda, karantin rejiminin bitməsi ilə bağlı vəziyyət düşünürəm ki, doğru deyil. Yəqin ki, karantin rejiminin uzadılması daha məntiqli olar.

- Son olaraq, bizdə bu xəstəliyin pik həddinin gəlib keçdiyini demək olarmı?

- Ola bilər ki, 104, 105 nəfərin yoluxması halı olanda pik səviyyəsinə doğru keçdiyimizi deyə bilərdik. Amma yenə də bunu konkret demək olmaz. Çünki bunu həftələrlə müşahidə etmək lazımdır. Aprelin sonuna kimi tam fərqli gedişat ola bilər. Ola bilər may ayında tam fərqli gedişat olsun. Əgər yoluxma artmağa doğru gedərsə, pik səviyyəsinin hələ də irəlidə olduğunu düşünmək olar. Hələ ki, konkret pik səviyyəsini keçib keçməməyimizlə bağlı bir şey demək olmaz. 

Bununla bağlı "Dövlət vergi orqanlarında xidmət haqqında Əsasnamə”yə 69.1-ci maddənin əlavə edilməsi təklif olunur.

Sənədin 73-cü maddəsinə əsasən, vergi orqanlarının vəzifəli şəxslərinin vəzifə maaşlarına bu orqanlarda xidmət illərinə görə aşağıda göstərilən miqdarda əlavələr müəyyən edilir:

1 ildən 5 ilədək – 21 manat miqdarında, 5 ildən 10 ilədək – 24 manat miqdarında, 10 ildən 15 ilədək – 27 manat miqdarında, 15 ildən 20 ilədək – 30 manat miqdarında, 20 ildən 25 ilədək – 39 manat miqdarında, 25 ildən 30 ilədək – 45 manat miqdarında, 30 ildən yuxarı – 60 manat miqdarında.  

Qanun layihəsində isə bildirilir ki, vergi orqanlarının vəzifəli şəxslərinə xidmətin ikinci ilindən başlayaraq, vergi orqanlarında xidmət illərinə görə hər ay aşağıda göstərilən məbləğdə əlavə haqq ödənilir:

1 ildən 5 ilədək - vəzifə maaşının 5 faizi məbləğində,

5 ildən 10 ilədək - vəzifə maaşının 10 faizi məbləğində

10 ildən 15 ilədək - vəzifə maaşının 20 faizi məbləğində;

15 ildən yuxarı - vəzifə maaşının 30 faizi məbləğində.

Qanun layihəsi Milli Məclisdə təsdiqlənəcəyi təqdirdə 2020-ci il yanvarın 1-dən hesablanmaqla tətbiq edilməyə başlanılacaq.

"Report" xəbər verir ki, bunu Ümumdünya Səhiyyə Təşkilatının Azərbaycandakı nümayəndələrinin rəhbəri Hande Harmancı REACT-C19 layihəsinin təqdimatında deyib.

O hesab edir ki, təxmini olaraq 1 il müddətinə bu virus gündəmdən çıxmayacaq: "Tədricən, zamanla problem öz həllini tapa bilər. Bu o demək deyil ki, 1 il boyunca evdən çıxmaq olmaz. Təbii ki, bu belə deyil".

ÜST rəsmisi əlavə edib ki, virus bu gün həm isti, həm də soyuq ölkələrdə yayılıb.

Bu gün hər kəsi Bakı Metropoliteninin fəaliyyətinə nə zaman başlayacağı sualı düşündürür.

"Bakı Metropoliteni"nin mətbuat xidməti vəzifəsini icra edən Bəxtiyar Məmmədov bilidirib ki, bununla bağlı hələlik heç nə deyilməyib:

"Operativ Qəragahla sıx işləyirik. Bu barədə bizə hər hansı bir qərar bildirilməyib. Metro ilə bağlı hər hansı bir qərar verilsə, onu Operativ Qərargah elan edəcək" //Sonxeber.az

Bu barədə  Baş Dövlət Yol Polisi İdarəsindən (BDYPİ) məlumat verilib.

Ümumilikdə 01.04.2020-ci il tarixindən bu günədək respublikanın, o cümlədən paytaxtın avtomobil yollarında xüsusi karantin rejiminin pozulmasına görə 22859 hərəkət iştirakçısı inzibati məsuliyyətə cəlb edilib.

Oxu.az xəbər verir ki, tədbirdə ÜST-ün Azərbaycan Nümayəndəliyinin rəhbəri Hande Harmancı, TƏBİB-in İdarə Heyətinin sədri Ramin Bayramlı, Heydər Əliyev Fondunun Beynəlxalq Əlaqələr departamentinin sədri Soltan Məmmədov, REACT-C19 layihəsinin sahə koordinatoru Hamza Zeytunoğlu iştirak edirlər.

Bu barədə “Azəristiliktəchizat”dan  verilən məlumatda qeyd olunub. 

Bildirilib ki, xüsusi karantin dövründə sosial təcrid tədbirləri ilə əlaqədar vətəndaşların evdə qaldıqları müddətdə vacib məsələlərdən biri də onların zəruri kommunal xidmətlərlə təmin edilməsindən ibarətdir.

Bununla əlaqədar Nazirlər Kabinetinin göstərişinə əsasən, Energetika Nazirliyi və “Azəristiliktəchizat” ASC-yə hava proqnozu ilə bağlı Ekologiya və Təbii Sərvətlər Nazirliyinin məlumatlarının təhlil edilərək, istilik mövsümünün müddəti ilə bağlı təkliflərin hazırlanması tapşırılıb, müvafiq araşdırmalar aparılaraq, Nazirlər Kabinetinə zəruri məlumatlar təqdim edilib.

Bununla bağlı Baş nazirin tapşırığı ilə ölkə ərazisində istilik mövsümü aprel ayının 25-dək uzadılması məqsədəuyğun hesab edilib. 

Oxu.az" xəbər verir ki, bu barədə Prezident İlham Əliyev sərəncam imzalayıb.

Sərəncama əsasən, Vüqar Kərimov Ekologiya və Təbii Sərvətlər nazirinin müavini təyin edilib. 

O, bundan əvvəl ETSN-nin Aparat rəhbəri vəzifəsində çalışıb.

Məlumatı qurumun mətbuat katibi İradə İbrahimova Oxu.Az-a təsdiqləyib.

İcra hakimiyyəti işsiz sakinlərə müraciət edərək elan paylaşıb: 

"Abşeron rayonunda dezinfeksiya, təmizlik işlərinin görülməsi, 65 yaşdan yuxarı tənha şəxslərə sosial xidmətlərin göstərilməsi (ərzaq, dərman alınması və s.) və digər işlər üzrə aylıq əmək haqqı 250 manat olmaqla 2 ay müddətinə haqqı ödənilən ictimai iş yerləri yaradılmışdır.

İşə qəbulla bağlı Abşeron rayon İcra hakimiyyətində (012) 342 11 16 nömrəli qaynar xətt yaradılmışdır (məsul şəxs - baş məsləhətçi Fariz Əliyev).

Tələb olunan sənədlər:

1) Şəxsiyyət vəsiqəsinin surəti
2) Yaşayış yerindən arayış
3) Müvəqqəti 2 aylıq işlə təmin olunmaqla bağlı ərizə

İşləmək istəyənlər qeyd olunan sənədləri yaşadıqları ərazilər üzrə inzibati ərazi dairəsi üzrə nümayəndəliyə və ya Mənzil Təsərrüfatı İstehsalat İstismarı Təmiri Sahəsinə təqdim etsinlər".

Qeyd edək ki, qanunverilciliyə uyğun olaraq 190 manat birdəfəlik ödənişi əldə edə bilməyən vətəndaşlar da bu iş imkanlarından istifadə edə bilərlər.