 |
 |
“Ölkə əhalisinin 22,8 faizi, yəni 2 milyon 263 min nəfərə qədəri Bakı şəhərində yaşayır”
“Azərbaycanda bələdiyyələrin səlahiyyətləri, onların öz fəaliyyətlərini qurmaları üçün bütün hüquqi normalar qanunvericiliklə müəyyənləşdirilib”.
Deputat, Milli Məclisin Regional məsələlər komitəsinin sədri Arif Rəhimzadə bu fikirləri “Yeni Müsavat”a açıqlamasında bildirib. O qeyd edib ki, bələdiyyələr yarandıqları 20 il müddətində xeyli yol keçiblər: “Bu gün respublikada əhalinin rəğbətini qazanan, özünün müsbət fəaliyyəti ilə fərqlənən bələdiyyələr az deyil. Həqiqətən də müəyyən məsələlərdə bələdiyyələrin icra orqanlarından asılılığı var. Belə halların aradan qaldırılması istiqamətində lazımi iş aparılır. Yerli özünüidarəetmə sisteminin fəaliyyətində olan nöqsanlar Regional məsələlər komitəsi tərəfindən daim qabardılır, vəziyyətin düzəldilməsi üçün müvafiq işlər görülür. Qanunvericiliyə görə, bələdiyyələr ərazilərində mehmanxana, sanatoriya-kurort və turizm xidmətləri göstərən şəxslərdən hər bir şəxs üçün sutkada 1,1 manatdan çox olmayan ödəniş almalıdır. Lakin bu gün qanunvericiliyin bu tələbi heç də həmişə yerinə yetirilmir. Bu, yalnız bir misaldır. Bələdiyyələr bu məsələnin həllində aciz idilər. Bələdiyyələrin fəaliyyətinə inzibati nəzarəti həyata keçirən orqan son vaxtlara kimi hesab edirdi ki, bu kimi məsələlərin həlli onların səlahiyyətlərinə aid deyil, onlar yalnız nəzarət etməlidirlər. Halbuki inzibati nəzarətlə bərabər Bələdiyyələrlə İş Mərkəzi bələdiyyə üzvlərinin və qulluqçularının bilik səviyyəsinin artırılması, onlara metodiki yardım göstərilməsi və digər məsələlərin həlli ilə bağlı yaxşı fəaliyyət göstərir. Uzun mübahisələrdən sonra nəhayət, belə bir yekdil fikrə gəlindi ki, inzibati nəzarətlə bərabər, mərkəz tərəfindən bələdiyyələrin qanuni maraqları və mövqeyi müxtəlif instansiyalarda müdafiə olunmalıdır”.
A.Rəhimzadə təbliğat sahəsində çatışmazlıqların olduğunu da vurğuladı: “Bu gün yerli məsələlərin həllində üzərinə düşən işləri layiqincə yerinə yetirən bir çox bələdiyyələrin müsbət fəaliyyəti barədə cəmiyyətə lazımi məlumatlar verilmir və onların iş təcrübələrinin təbliği və tətbiqi sahəsində iş aparılmır. Bələdiyyələrin yaxşı işi geniş təbliğ olunmaqla əhaliyə çatdırılmalıdır. Bələdiyyə institutunun təbliği ilə bağlı televiziya kanallarının bu sahəyə diqqət yetirməsi Azərbaycanda yerli özünüidarəetmə sisteminin inkişafına köməklik edərdi. Bələdiyyələrin fəaliyyətinin yaxşılaşdırılmasında bələdiyyə-vətəndaş münasibətlərindən də çox şey asılıdır. Gəlin açığını deyək, biz özümüz bələdiyyə qarşısında vəzifələrimizi bilirikmi və ona əməl edirikmi? Bələdiyyədən tələb edəndə bələdiyyə qarşısında vəzifələrimizi də unutmamalıyıq”.
Maraqlıdır, Bakı Böyük Şəhər Bələdiyyəsinin yaradılmasına və merin seçilməsinə nə mane olur?
A.Rəhmizadə: “Bələdiyyə institutunun yaradılmasında əsas məqsəd ondan ibarətdir ki, bələdiyyə öz ərazisi daxilində əhalisinin həyat fəaliyyətinin bilavasitə təmin edilməsi ilə bağlı Azərbaycan Respublikasının Konstitusiyası və qanunları ilə müəyyənləşdirilən yerli əhəmiyyətli məsələləri müstəqil surətdə həll etsin. Bununla da dövlət idarəetmə sistemində əks mərkəzləşmə həyata keçirilsin. Hazırda Bakı şəhərinin 12 rayonunda 53 bələdiyyə fəaliyyət göstərir. Rəsmi statistikaya əsasən, ölkə əhalisinin 22,8 faizi, yəni 2 milyon 263 min nəfərə qədəri Bakı şəhərində yaşayır. Belə bir şəraitdə səlahiyyətlərin böyük bir hissəsinin hazırda Bakı Böyük Şəhər Bələdiyyəsində mərkəzləşdirilməsi düzgün olmazdı. Bakının şəhər, qəsəbə və kənd bələdiyyələri özlərini tam təsdiq etdikdən və yuxarıda qeyd etdiyim kimi, asılılıq girdabından azad olandan sonra Bakı Böyük Şəhər Bələdiyyəsinin yaradılması gündəmə gələ bilər”.
Ekspert İran-Azərbaycan sərhədində insidentlərin intensivləşməsindən danışdı
Son 3 gündə Azərbaycanın İranla sərhədində iki silahlı insident qeydə alınıb. Nəticədə iki nəfər öldürülüb, bir nəfər yaralanıb. Azərbaycanın Dövlət Sərhəd Xidmətinin məlumatına görə, martın 12-də Dövlət Sərhəd Xidmətinin Sərhəd Qoşunlarının “Göytəpə” sərhəd dəstəsinin Yardımlı rayonunun Ostair kəndi yaxınlığında İran ərazisindən Azərbaycan istiqamətində hərəkət edən 6 nəfər silahlı naməlum şəxs Azərbaycanın sərhəd naryadına qarşı odlu silahdan atəş açıb. Atışma nəticəsində sərhəd pozucularından biri aldığı güllə yarasından hadisə yerində ölüb.
Digər sərhəd pozucuları əllərindəki yükləri ataraq geriyə, İrana qaçıb. Əraziyə baxış zamanı 4 ədəd bağlamada külli miqdarda heroin və tiryək növündə narkotik vasitələr, külli miqdarda güclü təsirli psixotrop maddələr, 1 ədəd ov tüfəngi, 6 ədəd ov tüfənginin patronları və gilizlər aşkar olunub. Dövlət Sərhəd Xidmətinin rəisi Elçin Quliyev hadisə yerinə gedib, İranın Muğan sahəsi üzrə sərhəd komissarı ilə ərazidə görüşüb, sərhəd pozucularının axtarışı üzrə birgə tədbirləri müzakirə edib. Martın 10-da isə Dövlət Sərhəd Xidmətinin Sərhəd Qoşunlarının “Horadiz” sərhəd dəstəsinin Fizuli rayonunun Bala Bəhmənli kəndinin yaxınlığındakı sərhəd zastavasının xidməti ərazisində dövlət sərhədinin pozulmasına silahlı cəhd edilib. Atışma zamanı sərhəd naryadının başçısı Səxavət Məmmədov ölüb, sərhəd naryadının üzvü Vidadi Cəbrayılov əlindən güllə yarası alıb. Məlumata görə, dövlət sərhədini pozmağa müvəffəq ola bilməyən sərhəd pozucuları geriyə qaçıb. Hər iki hadisə ilə əlaqədar Azərbaycan Hərbi Prokurorluğunda fakt üzrə cinayət işi başlanılıb. Bundan öncə Azərbaycan-İran sərhədində insident bu il fevralın 11-də baş verib. Azərbaycanın “Göytəpə” sərhəd dəstəsinin Yardımlı rayonunun Buravar kəndi yaxınlığındakı postunun ərazisində sərhədi pozmağa cəhd edən Azərbaycan vətəndaşı Zülfüqar Seyfullayev öldürülüb…
Ümumiyyətlə, Azərbaycan sərhədlərində ən çox silahlı insident İranla sərhəddə qeydə alınır. Rəsmi məlumatların təhlili göstərir ki, son illər Azərbaycana qaçaqmalçılıq yolu ilə gətirilən narkotiklərin əksəriyyəti İran ərazisi vasitəsilə gətirilib. Son illərdə hüquq-mühafizə orqanları İrandan Azərbaycana qaçaqmalçılıq yolu ilə narkotik gətirən onlarla insanı tutub. Yüzlərlə kiloqram müxtəlif növ narkotik götürülüb. Eyni zamanda dövlətə xəyanətdə günahlandırılan bir sıra şəxslərin məhkəməsi zamanı onların İranla sərhədi qanunsuz yolla keçdiyinin istintaqla müəyyən edildiyi bildirilib. İranla sərhəddə 2018-ci il noyabrın 29-da Dövlət Sərhəd Xidmətinin Sərhəd Qoşunlarının “Göytəpə” sərhəd dəstəsinin xidməti ərazisində baş verən silahlı insident zamanı İran vətəndaşı Nəsiri Şəhzad Şekar Azərbaycan sərhədçiləri tərəfindən açılan atəşlə yaralanıb. Məlum olub ki, o, əvvəllər də Azərbaycanın dövlət sərhədini qanunsuz keçib və Azərbaycan sərhədçisini yaralayıb. Bu hadisədən sonra 2018-ci ilin dekabrında İranın təhlükəsizlik naziri Seyid Mahmud Ələvi Bakıda səfərdə olub.
2019-cu il yanvarın 9-da isə Azərbaycan Dövlət Sərhəd Xidmətinin rəisi Elçin Quliyev İranda səfərdə olub. Hər iki səfər zamanı təhlükəsizlik və sərhəd təhlükəsizliyi məsələləri diqqət mərkəzində olub.
Niyə Azərbaycanın sərhədlərində ən çox İranla sərhəddə insidentlər qeydə alınır?
Təhlükəsizlik məsələləri üzrə ekspert İlham İsmayıl deyir ki, sərhəddə baş verənlər həm də dövlətlərarası münasibətlərdən asılıdır: “SSRİ dövründə münasibətlər yumşaq olanda, sərhədlərdə də münasibətlər yumşaq olurdu. Xüsusi iradlar tutulmurdu, pretenziyalar bildirilmirdi. Hətta SSRİ kimi qapalı dövlət də beləydi. Bu və ya digər dövlətlə münasibətlər pis olanda sərhədlər birinci növbədə möhkəmləndirilirdi. Həmin münasibətlərin kəskinləşdiyi dövlətlərdən gələn turistlərə belə xüsusi iradlar bildirilirdi, yerli-yersiz nöqsanlar irəli sürülürdü. Belə addımlar da qarşılıqlı olurdu. Münasibətlər mülayim olanda isə adətən belə şeylər olmurdu. Münasibətlərdəki yumşalma sərhədlərdə də hiss olunurdu”.
Ekspert deyir ki, Paşinyanın İrana səfərindən sonra orada baş verənlər İran-Azərbaycan münasibətlərində soyuqluq yaradıb: “Elə belə də o qədər də isti olmayan münasibətlərdə soyuqluq yaranıb. Burada versiyalardan biri məhz İran-Azərbaycan münasibətlərinin korlanması və ya tərəflərdən birinin bu məsələyə münasibətdə kəskin mövqe tutmasıdır. Ola bilsin ki, sərhəddə baş verənlər sırf qaçaqmalçılıqdır. Belə çıxır ki, əvvəllər qaçaqmalçılığa bir rəvac olub. Sərhəddə yumşalma olub, həmin malların keçməsi, aparılmasına bir növ göz yumulub. Bu, özlüyündə cinayətdir. Amma belə özfəaliyyətlər ola bilir. Heç narkotik qaçaqmalçılığı deyil, başqa bir şeylər daşınıb. Bu mümkündür. Amma münasibət dəyişəndə hər iki tərəfdən sərhəddə xüsusi göstəriş verilir. Rejim sərtləşdirilir. Münasibətlər gərgin olanda qaçaqmalçılığın belə qarşısı alınır, alınanda insident baş verir, ölüm halları da olur”.
İlham İsmayıl deyir ki, təxribat məsələsi kənara qoyulsa belə münasibətlərdəki soyuqluq açıq şəkildə görünür: “Amma təxribat versiyası üzərində də işləmək lazımdır. Müəyyən edilməlidir ki, təxribatdırsa, hansı tərəfin təxribatıdır. Mümkündür ki, bu, İranla Azərbaycanın deyil, 3-cü bir qüvvənin təxribatdır. Həmin qüvvə Azərbaycan-İran münasibətlərinin korlanmasını istəyə bilər. Bu versiyaların hamısı baş verənləri araşdıran orqanların aparacağı təhqiqatdan, ortaya çıxan nəticədən ibarətdir”.
Yaponiyanın baş naziri Şinzo Abe 2021-ci ildə hakimiyyətini başa vuracağını bildirib.
AZƏRTAC xəbər verir ki, Şinzo Abe bununla bağlı fikrini martın 14-də parlamentin yuxarı palatasında büdcə komissiyasının iclası zamanı hakim Liberal Demokratik Partiyanın (LDP) bir sıra nüfuzlu xadimlərinin hökumətin hazırkı başçısının səlahiyyət müddətinin uzadılması barədə çağırışlarını şərh edərkən söyləyib. Baş nazir deyib: “Bu, partiyanın Nizamnaməsinə ziddir. Biz qaydalara əməl etməliyik və hakimiyyətdə olduğum dövrü başa vurarkən mən bütün gücümü bizim siyasətimizdə diqqətəlayiq nəticələrin əldə edilməsinə yönəltmək niyyətindəyəm”.
Xatırladaq ki, LDP-nin baş katibi Toşihiro Nikai və digər yüksək vəzifəli funksionerlər son vaxtlar Şinzo Abeyə 2021-ci ilin sentyabrında keçiriləcək partiya liderinin seçkilərində daha bir imkanın verilməsi çağırışı ilə çıxış ediblər. LDP parlamentdə əksəriyyətə malik olduğuna görə, bu partiyanın sədri həm də hökumətin başçısı seçiləcək.
Hazırda LDP Nizamnaməsi partiyanın liderinə yalnız üç dəfə və doqquz il müddətinə onun sədri seçilmək icazəsi verir. Şinzo Abe 2012-ci ildə partiyanın sədri seçilib.
Erməni əsilli Rusiya vətəndaşlarını israrla Azərbaycana göndərib “siyasi bazarlıq” predmetinə çevirmək istəyənlərin əsas hədəfi; Lavrov-Zaxarova cütlüyünə direktiv haradan gəlir?..
Rusiya XİN növbəti anti-Azərbaycan bəyanatı ilə çıxış edib. Bu dəfə həm də yazılı şəkildə. Sergey Lavrovun idarəsi ölkə vətəndaşlarına Azərbaycana səfər etməyi məsləhət görməyib. Səbəb kimi Azərbaycanın erməni əsilli Rusiya vətəndaşlarına ölkəyə girişə icazə verməməsi göstərilir.
Xəbərdarlıqda bu xüsusda bildirilir ki, Azərbaycan Qarabağ münaqişəsinin həll olunmadığını bildirərək, erməni xalqına birbaşa və dolayı aidiyyəti olan bütün xarici vətəndaşları ölkəyə buraxmır. “Rusiya Federasiyası vətəndaşlarına qarşı etnik mənsubiyyətə görə diskriminasion hərəkətlərin yolverilməzliyi barədə Azərbaycan tərəfinə dəfələrlə etdiyimiz müraciətlərə əhəmiyyət verilmir. Bu səbəblə Rusiya vətəndaşlarına təkidlə tövsiyə edirik ki, Azərbaycan Respublikasına səfər planlaşdırarkən bütün mümkün riskləri nəzərə alsınlar” - bəyanatda vurğulanır.
“Azərbaycanın sərhəd xidməti birbaşa və ya dolayı şəkildə erməni millətinə aidiyyət əlamətləri olan şəxsləri, vətəndaşlığından asılı olmayaraq, ərazisinə buraxmaqdan imtina etməkdə davam edir. Səbəb kimi bu cür şəxslərin təhlükəsizliklərinin təminatının mümkünsüzlüyü göstərilir. Azərbaycan Respublikasına gələn Rusiya Federasiyası vətəndaşlarının etnik əlamətinə görə ayrı-seçkiliyə məruz qalmalarının yolverilməzliyi haqqında Rusiya tərəfinin Azərbaycan tərəfinə dəfələrlə etdiyi müraciətlər cavabsız qalır”, deyə - XİN-in saytında dərc edilmiş bəyanatda bildirilir.
*****
Qeyd edək ki, bundan qabaq da Rusiya XİN-in analoji xəbərdarlıqları olmuşdu - ancaq şifahi formada. Həmin xəbərdarlıqlarla bağlı Azərbaycan XN dərhal bəyanatla çıxış edərək kontur-arqumentlər gətirmiş, belə cəhdləri iki ölkə arasında xoş münasibətlər və strateji tərəfdaşlığın ruhu ilə bir araya sığmadığını vurğulamışdı.
Göründüyü kimi, rəsmi Bakının adekvat reaksiyası və məsələyə prinsipial yanaşması Moskvadakı hansısa dairələri məmnun eləməyib. Buradaca onu da qeyd edək ki, Dağlıq Qarabağ münaqişəsinin həllində qərəzsiz vasitəçiliyə iddia edən Rusiya XİN, ələlxüsus da qurumun mətbuat katibi Mariya Zaxarova mütəmadi şəkildə ermənipərəst mövqe sərgiləyir. Rusiya XİN-in rəsmi nümayəndəsi həmçinin vaxtaşırı Ermənistan tərəfindən Azərbaycan vətəndaşlarının (məsələn, Xankəndi həbsxanasında qanunsuz şəkildə saxlanan Rusiya vətəndaşı Dilqəm Əsgərovun) hüquqlarının pozulmasını qulaqardı edərək, ermənilərə girişə qadağa qoyulduğu üçün Azərbaycan tərəfinin ünvanına tənqidi fikirlər səsləndirir.
Məsələyə münasibət bildirən politoloq Elxan Şahinoğlu bunun təsadüfi olmadığını düşünür. “Rusiyanın yuxarı eşelonlarında verilən qərarlar təsadüfi olmur. Necə ki, son günlər azərbaycanlıların Moskvadakı bazarlarına edilən polis reydləri və Rusiya XİN-in vətəndaşlarına ”Azərbaycana getməyin" xəbərdarlığı təsadüfi deyil", - deyə politoloq vurğulayıb.
*****
Maraqlıdır, görəsən, Rusiya vətəndaşı olan hansısa azərbaycanlı heç nə olmayıbmış kimi Ermənistan ərazisinə buraxılarmı? Ümumiyyətlə, Rusiya vətəndaşı olan azərbaycanlılar müharibə bitmədən özləri üçün Ermənistanı tərcih edərlərmi?
Erməni kökənli Sergey Lavrov-Kalantarova ikinci sualımız: Rusiyanın erməni əsilli vətəndaşları həqiqətənmi Bakıya, Azərbaycana gəlmək üçün əldən gedirlər və onların heç bir pis niyyətləri yoxdur? Məsələn, onların ətrafında bu cür qalmaqallı insidentlər yaratmaqla Moskva ilə Bakı arasında əlaqələrdə, yüksək səviyyədə olan İlham Əliyev -Vladimir Putin münasibətlərində İrəvanın xeyrinə süni gərginlik yaratmaq hədəfi güdülmürmü ki? Üstəlik, bilə-bilə ki, ərazisinin 20%-i erməni işğalı altında olan Azərbaycan bu səfərlərə xüsusi diqqət yönəldəcək və hətta həmin erməniləri qəbul eləsə belə, onların təhlükəsizliyi üçün xüsusi mühafizə tədbirləri görməli olacaq...
Yəqin ki, aşağı-yuxarı biz deyən kimidir. O zaman daha bir sual ortaya çıxır: dünyada tolerant, multikultural dövlət kimi tanınan Azərbaycana qarşı belə demarşlar sırf Rusiya XİN-in, onun ermənipərəst sözçüsü Mariya Zaxarovanın özfəaliyyətidir, yoxsa direktiv lap “yuxarılar”dan gəlir?
*****
Sual açıq qalır. Çünki vurğulandığı kimi, de-fakto Bakı-Moskva münasibətləri xüsusən də qərbyönlü Nikol Paşinyan inqilab hesabına Ermənistanda hakimiyyətə gələndən sonra dinamik inkişafdadır, strateji tərəfdaşlıq xarakteri daşıyır.
Başqa yandan, təxminən 1 həftə öncə Moskvada “Lazerev klubu”nun iclasında Dağlıq Qarabağdakı separatçı rejimin nümayəndəsi Levon Qriqoryanın iştirak eləməsini yada salmaq lazım gəlir. Ermənistanı Rusiyanın hərbi-siyasi orbitində saxlamağı özünün əsas hədəf elan eləmiş bu anti-Azərbaycan qurumun da Kremldən xəbərsiz, təsadüfən özfəaliyyətlə məşğul olduğunu düşünmək çətindir.
Məlumat üçün bildirək ki, “Lazerev klubu”nun sədri Rusiya Dövlət Dumasının MDB ölkələri və həmvətənlərlə iş üzrə Komitəsinin sədr müavini, Azərbaycan XİN-in “qara siyahısı”nda olan bədnam Konstantin Zatulindir. “Xoruzun quyruğu”nu isə aşağıdakı faktdan da görmək olar: qurumun iclasında erməni separatçısının iştirak məsələsi ilə bağlı azərbaycanlı jurnalistin haqlı irad-sualına Mariya Zaxarova özünə xas əda və ənənəvi kobudluqla cavab vermiş, az qala, soydaşımızı günahkar çıxarmışdı. Onu da demişdi ki, guya belə QHT-lərin (“Lazerev klubu” nəzərdə tutulur) Rusiyanın Dağlıq Qarabağ məsələsində rəsmi mövqeyinə və qərəzsiz vasitəçilik missiyasına dəxli yoxdur.
Amma hamı bilir ki, var. Bal kimi var...
Erməni sosial şəbəkələrin istifadəçilərinin qədimliklərini sübut etmək üçün mənə göndərdikləri “Roma imperiyasının xəritəsi” – XX əsrdə hansısa yezuit-rəssam tərəfindən çəkilmiş rəngli şəkildir.
Kult.az xəbər verir ki, bu barədə Feysbuk səhifəsində ukraynalı tədqiqatçı, tarixçi, erməni əsilli məşhur bloger Filip Ekozyants yazıb.
“Erməni qardaşlar, görəsən alimləriniz nə vaxt sizə izah edəcək ki, Roma imperiyasının xəritəsi mövcud deyil? Təklif edirəm ki, kim tərəfindən çəkildiyi bilinməyən xəritələrdən istifadə etməyin, yaxşısı budur, özünüz Roma imperiyasının xəritəsini çəkin və ortasına böyük və aydın şəkildə Ermənistan yazın. Yox, yaxşısı qədim Ermənistan yazın ki, sonradan daha aydın sübut olsun”, – tarixçi bildirib.
“Roma imperiyasının xəritəsi”nin I əsrə aid olmadığı, qazıntılar zamanı tapılmadığı və Herodotun əsərlərindən götürülmədiyi artıq sübuta yetirilmiş faktdır. Bu, müasir dövrdə hazırlanmış xəritədir. Bu cür xəritələr dünyada milyonlarladır. Yüzlərlə kompüter proqramlarından istifadə edən istənilən şəxs analoji xəritələrdən çəkə bilər. Sadəcə axtarış proqramında: “rəsm yaratmaq – vintaj” sözlərini daxil edirsiniz və qədim geosiyasi vəziyyətə baxışınızı qurmağa başlayırsınız.
Ermənilər bu zarafata görünməmiş təntənə ilə yanaşdılar – sanki bu xəritəni az qala Herodot öz əlləri ilə çəkib. Bu xəritəyə toxunmaq, şəklini çəkmək olmaz. Birdən Allah eləməsin, fotokameranın işıqları onu korlayar.
“Piramidaların yaradıcıları” yenidən özlərini çətin vəziyyətə saldılar, ancaq artıq geri addım atmaq üçün çox gecdir. Odur ki, bu “qədim möcüzə”yə baxırlar və hələ də özlərini buludların üzərində hiss edirlər.
Azərbaycan Prezidenti İlham Əliyev "Çıraqqala" abidəsində möhkəmləndirmə, bərpa-konservasiya işlərinin görülməsi ilə bağlı tədbirlər haqqında sərəncam imzalayıb.
Azərtac xəbər verir ki, sərəncamla Şabran rayonunun ərazisində yerləşən, V–VI əsrlərə aid "Çıraqqala" abidəsində möhkəmləndirmə və bərpa-konservasiya işlərinin görülməsi məqsədilə Azərbaycan Respublikası Prezidentinin 2019-cu il 15 yanvar tarixli 890 nömrəli sərəncamı ilə təsdiq edilmiş “Azərbaycan Respublikasının 2019-cu il dövlət büdcəsində digər layihələr üzrə dövlət əsaslı vəsait qoyuluşu (investisiya xərcləri) üçün nəzərdə tutulan vəsaitin bölgüsü”nün 1.67-ci bəndində göstərilmiş məbləğin 2 milyon manatı Azərbaycan Respublikasının Mədəniyyət Nazirliyinə ayrılıb.
Prezident İlham Əliyev Yaradıcılıq ittifaqları və birliklərinin fəaliyyəti ilə bağlı əlavə tədbirlər haqqında sərəncam imzalayıb.
ONA xəbər verir ki, sərəncama əsasən, 2019-cu il dövlət büdcəsində nəzərdə tutulmuş Azərbaycan Respublikası Prezidentinin ehtiyat fondundan Azərbaycan Yazıçılar Birliyinə 800 (səkkiz yüz) min manat, Azərbaycan Bəstəkarlar İttifaqına 650 (altı yüz əlli) min manat, Azərbaycan Rəssamlar İttifaqına 350 (üç yüz əlli) min manat, Azərbaycan Respublikası Kinematoqrafçılar İttifaqına 300 (üç yüz) min manat, Azərbaycan Memarlar İttifaqına 250 (iki yüz əlli) min manat, Azərbaycan Teatr Xadimləri İttifaqına 250 (iki yüz əlli) min manat və Azərbaycan Aşıqlar Birliyinə 250 (iki yüz əlli) min manat ayrılıb.
Maliyyə Nazirliyi bu sərəncamın 1-ci hissəsində göstərilən məbləğdə maliyyələşməni təmin etməli, Nazirlər Kabineti sərəncamdan irəli gələn məsələləri həll etməlidir.
Azərbaycanda fəaliyyət göstərən hərbyönümlü QHT-lər Prezident İlham Əliyevə müraciət edib. Bu barədə Lent.az-a Tərxis Olunmuş Hərbçilərin Gəncləri Maarifləndirmə İctimai Birliyinin sədri Emin Həsənli məlumat verib.
Müraciət müəllifləri Prezidentin son günlərdə müharibə iştirakçılarının, veteranların, şəhid ailələrinin, Çernobil əlillələrinin və məcburi köçkünlərin müavinətlərinin artırılması ilə bağlı verdiyi sərəncamları çox yüksək qiymətləndirdiklərini bildiriblər:
“Sizin rəhbərliyinizlə ölkəmiz hərtərəfli inkişaf edir və sosial siyasət günü-gündən şaxələnərək vətəndaşlarımızın sosial rifahını gücləndirir, gələcəyə inamını da ha da gücləndirir.
Siz hər zaman xalqın, o cümlədən müharibə iştirakçılarının, şəhid ailələrinin, məcburi köçkünlərinin yanında olmusunuz və problemlərini öyrənib aradan qaldırmağa çalışırsınız. Son imzaladığınız sərəncam bütün təbəqələrlə yanaşı müharibə veteranlarının indiyədək narahat edən məsələni həll etdi”.
Həmçinin QHT-lər müraciətlərində ölkə başçıçısının fəaliyyətində uğurlar arzulayıb.
Müraciəti hərbyönümlü 11 QHT rəhbəri imzalayıb.
"ABŞ qoşunlarını Əfqanıstandan çıxarmağa razılıq verib".
“Report” “Fergana.agency”yə istinadən bildirir ki, bunu ABŞ-ın Əfqanıstan məsələləri üzrə xüsusi nümayəndəsi Zalmay Xəlilzad “Twitter” səhifəsində yazıb.
Onun sözlərinə görə, ABŞ nümayəndələri ilə “Taliban” qruplaşmasının təmsilçiləri arasında Qətərin paytaxtı Dohada keçirilən 6 günlük danışıqların sonunda bu barədə razılıq əldə olunub.
Z.Xəlilzad qeyd edib ki, problemin dinc yolla tənzimlənməsi üçün 4 vacib məsələ həllinin tapmalı idi: “Əfqanıstandaxili dialoq, atəşkəs, “Taliban”ın başqa terrorçu təşkilatlarla əməkdaşlığını kəsməsi və ABŞ qoşunlarının çıxarılması. Bu ilin yanvarında keçirilən danışıqlarda biz 4 məsələnin müzakirəsi ilə bağlı razılıq əldə etmişdik. İndi isə biz layihənin iki bəndini razılaşdırdıq”.
O deyib ki, ABŞ qoşunlarının Əfqanıstandan çıxarılıması müddəti və terrorçuluğa qarşı mübarizə tədbirləri barədə rəsmi Vaşinqtonla taliblər arasında əlavə razılşam olacaq. Z.Xəlilzad bildirib ki, növbəti mərhələdə razılşmanın Vaşinqtonda müzakirəsi və başqa tərəfdarlarla məsləhətləşmə aparılacaq.
Görüşün nəticəsi barədə “Taliban” bildirib ki, iki məsələ üzrə yanvarda əldə edilən razılaşmanın Dohada daha geniş müzakirəsi aparılıb.
Əfqanıstan Milli Ordusu Baş Qərargahının yeni rəisi general-leytenant Bismillah Vəziri isə “Taliban” və İŞİD döyüşçülərinin əsir götürülməməsinə dair əmr verib: “Onları əsir götürüb, yedirtmək üçün xalqın artıq vəsaiti yoxdur”.
Prezidentin həyata keçirdiyi uğurlu iqtisadi islahatlar hərtərəfli inkişafı təmin etməkdədir
2018-ci ildə cənab İlham Əliyevin yenidən president seçilməsindən sonra digər sahələrdə olduğu kimi iqtisadi sahədə islahatlara sürətlə davam etməyə başladı. Ölkə başçısı seçkiöncəsi Azərbaycanın qüdrətli ölkəyə çevrilməsi üçün iqtisadi sahədə həyata keçiriləcək vədlərininin icrasına başladı. Bu məqsədlə Azərbaycanın iqtisadi inkişafına nail olmaq üçün strateji yol xəritəsində nəzərdə tutulan bütün proqramların icrası üçün islahatlar həyata keçirilməyə başlandı. İlkin olaraq sahibkarlıq və biznes mühitinin normallaşdırılması istiqamətində ciddi addımlar atıldı. Vergi, gömrük sistemində ciddi islahatlar həyata keçirildi. Yəni vergi və gömrük islahatlarında əsas məqsədi sahibkarların vergi yükünün optimallaşması, vergi bazasının genişləndirilməsi, leqallaşma, rəqəmsallaşma və vergi-gömrük administrasiyası ilə sahibkarların münasibətlərinin daha da sivil səviyyəyə qaldırılmasından ibarətdir.
Məhz bu sahədə həyata keçirilən islahatlar nəticəsində ölkə iqtisadiyyatında gəlirlər xeyli artdı. Bu islahtlar təkcə gömrük və vergi sahəsi ilə bitmədi və digər sahələri də əhatə etmiş oldu.
Nəticə etibarı ilə 2018-ci ildə strateji yol xəritələrinin uğurlu icrası təmin edildi. Kiçik və orta sahibkarlığın meyarlarının yenilənməsi, yaşıl dəhlizin qaydalarının qəbulu, biznesə başlama, lisenziya və icazələr, yoxlamalar, elektrik təchizatı şəbəkələrinə qoşulma, maliyyə mənbələrinə çıxış imkanlarının artırılması, əmlakın qeydiyyatı və xarici ticarət üzrə islahatlar aparıldı, həmçinin yeni sənaye, aqro və texno parklar və sənaye məhəllələri yaradıldı.
Beynəlxalq ictimaiyyət tərəfindən Prezident İlham Əliyevin rəhbərliyilə aparılan iqtisadi islahatlara ən yüksək qiymət Dünya Bankının “Doing Business 2019” hesabatında Azərbaycanın dünyada ən islahatçı ölkə elan edilməsi oldu. 2017-ci il və 2018-ci ilin ilk dörd ayında təkcə “Doing Business” hesabatı üzrə 30-a yaxın normativ hüquqi akt qüvvəyə minməklə 70-dən çox islahat tədbiri həyata keçirilib. “Doing Business 2019” hesabatında Azərbaycan 32 pillə irəliləyərək 190 ölkə arasında 25-ci yerdə qərarlaşmaqla MDB-də lider mövqeyinə yüksəlmiş, BRİCS ölkələrinin hamısını, G20 ölkələrinin isə hər dördündən üçünü üstələmiş oldu.
.jpg "Prezident seçkilərindən 11 ay ötdü — GÖRÜLƏN İŞLƏR, İSLAHATLAR")
Prezident İlham Əliyev tərəfindən aparılan sürətli və uğurlu iqtisadi islahatlar, güclü sosial müdafiə, sahibkarlığın təşviqi, infrastrukturun təkmilləşdirilməsi, makroiqtisadi və ictimai-siyasi sabitlik, həmçinin beynəlxalq arenada mövqelərimizin daha da gücləndirilməsinə xidmət etmiş oldu. Bu islahatlar Azərbaycan iqtisadiyyatının davamlı inkişafı təmin etməklə yanaşı, sahibkarları dövlət siyasətinə cavab olaraq innovativ tətbiqləri genişləndirməklə bərabər sosial məsuliyyəti də gücləndirdi.
2018-ci ildə Azərbaycan iqtisadiyyatı qeyri-neft sektorunda özəl sahibkarlığın iştirakı ilə ticari bölmənin hesabına 1 faiz artıb (o cümlədən, post-neft dövrünün drayverləri - qeyri-neft sənayesi 9 faizdən artıq və kənd təsərrüfatı 5 faizə yaxın böyüyüb). İqtisadi artımda neft sahəsinə nisbətən qeyri-neft sahəsi, dövlət bölməsinə baxanda özəl bölmə və qeyri-ticari sektorla müqayisədə ticari sektor getdikcə lokomotiv rolunu daha çox oynayır. Bir sözlə, iqtisadi artımın kefiyyəti yüksəlir.
Təsadüfi deyil ki, Azərbaycanın qeyri-neft sektoru üzrə ixracında qeyri-neft sənaye məhsullarının (neft-kimya, polad, alüminium, ərzaq, müdafiə sənayesi, elektrik enerjisi və s.) həcmi getdikcə artmaqdadır. Eyni zamanda Azərbaycanın liderliyilə Xəzər sahilindən başlamış (Sumqayıt Kimya Sənaye Parkı başda olmaqla) Gürcüstan üzərindən Türkiyədə Aralıq dənizi sahilinə (Petkim) uzanan nəhəng bir kimya komleksi yaradılıb. Azərbaycan bir sənaye dövləti olaraq regionun təkcə enerji mərkəzi deyil, həm də neft-kimya sənayesi mərkəzinə çevrilməkdədir.
Ölkə başçısının həyata keçirdiyi bu iqtisadi islahatları nəticəsndə Azərbaycan iqtisadiyyatının ixracyönümlülük potensialı daha da artıb. Əgər əvvəllər Azərbaycan daha çox enerji ixrac edən ölkə idisə, bu islahatların həyata keçirilməsi nəticəsində neft-kimya, kənd təsərrüfatı və digər sənaye məhsullarını ixrac edən ölkəyə çevrilməkdədir.
Turizmin inkişafı istiqamətində ölkə başçısı tərəfindən aparılan siyasət bu islahatalara əlavə stimul verməkdədir. Belə ki, turizmin inkişafı məqsədi ilə ASAN vizanın tətbiqi, turizm infrastrukturunun inkişafı, ölkəmizdə mötəbər tədbirlərin təşkili, promo kampaniyası, Dövlət Turizm Agentliyinin yaradılması başda olmaqla institutsional və struktur islahatların birbaşa nəticəsidir. Xidmət ixracında həm də getdikcə böyüyən peyk telekomunikasiya xidmətləri və optik peyk xidmətlərini xüsusi vurğulamaq lazımdır ki, bu da Prezident İlham Əliyevin rəhbərliyilə Azərbaycanda uğurla inkişaf etdirilən kosmik sənayenin hesabına mümkün olub.
Nəticə etibarı ilə iqtisadi islahatlar hesabına 2018-ci ildə ixracın həcmi isə təxminən 30 faiz artıb. Qeyri-neft ixracının artımı qeyri-neft sektorunun artımını üstələməklə iqtisadiyyatın ixracyönümlülüyünü təmin edib.
Onu da qeyd etmək lazımdır ki, burada Azexport, ticarət nümayəndəlikləri, ticarət evləri, ixrac subsidiyaları və digər mexanizmlər qeyri-neft ixracının artımında mühüm rol oynayıb.
Dövlət başçısı tərəfindən məqsədyönlü iqtisadi, struktur, idarəetmənin optimallaşdırılması və effektivliyi istiqamətində həyata keçirilən islahatlar ölkə vətəndaşının daha yaxşı yaşamı ilə yanaşı, həm də ölkənin iqtisadi qüdrətini təmin etməklə, onun təhlükəsizliyinin, sabitliyinin təmin olunmasına gətirib çıxarıb. Bu islahatlar hesabına ölkənin gəlirləri kifayət qədər artıb və uğurla həyata keçirilən islahatların məntiqi davamı olaraq ölkə başçısı vətəndaşın sosial müdafiəsinin gücləndirilməsi, onun rifah halının yaxşılaşdırılması, cəmiyyəti narahat edən müxtəlif sosial problemlərin həlli istiqamətində islahatlar aparmasına şərait yaradıb. Ona görə də hər bir həyata keçirilən islahatın məntiqi davamına uyğun olaraq sosial sahədə islahatlar həyata keçirilir. Biz bunun son aylarda həyata keçirilən genişmiqyaslı islahatları nümunə kimi göstərə bilərik.
Azərbaycan prezidentinin söylədiyi kimi 2019-cu ilin birinci ayının sosial-iqtisadi göstəriciləri deməyə əsas verir ki, aparılan islahatlar öz gözəl nəticələrini verir. 2018-ci il dərin iqtisadi islahatlar ili olmuşdur, xüsusilə prezident seçkilərindən sonra islahatların yeni mərhələsinə təkan verilmişdir. 2017-ci il isə iqtisadi sabitləşmə ili idi. Biz 2017-ci ildə iqtisadi sabitliklə bağlı çox önəmli addımlar atmışıq. Bu, bizə imkan verdi ki, 2018-ci ildə çox ciddi islahatlara başlayaq və islahatlar özünü göstərir. Əgər bu ilin yanvar ayının yekunlarına nəzər salsaq görərik ki, iqtisadi artım, yəni, ümumi daxili məhsulun artımı təxminən 3 faiz təşkil edir. Son 2-3 il ərzində bu, ən yüksək göstəricidir və onu göstərir ki, 2019-cu ildə Azərbaycanda iqtisadi artım yüksək templərlə təmin ediləcək və davam etdiriləcək.