AZƏRTAC bildirir ki, Azərbaycan Respublikasının Prezidenti İlham Əliyev tədbirdə iştirak edib.

Burada çıxış edən Prezident İlham Əliyev deyib:

- Mingəçevirdə İstilik Elektrik Stansiyası ulu öndər Heydər Əliyevin təşəbbüsü ilə tikilmişdir. Heydər Əliyev Azərbaycana birinci dəfə rəhbərlik etməyə başlayanda vəziyyəti təhlil edərkən gördü ki, Azərbaycanın energetika sisteminə çox böyük investisiyalar qoyulmalıdır. Bütün məsələlər təhlil olunandan sonra sovet rəhbərliyi qarşısında məsələ qaldırıldı. Onun davamlı və çox məqsədyönlü fəaliyyəti nəticəsində Sovet İttifaqının rəhbərliyi Azərbaycana böyük sərmayənin qoyuluşuna icazə verdi.

Əlbəttə bu, tarixi hadisədir. Çünki o vaxt mərkəzləşdirilmiş fondlardan respublikaya vəsait cəlb etmək çox böyük çətinliklərlə başa gəlirdi. Nəzərə alsaq ki, Heydər Əliyev yeni rəhbər idi və onun dərhal belə bir təşəbbüslə çıxış etməsi sovet rəhbərliyində bir çoxlarını təəccübləndirmişdi. Ancaq bütün bunlara baxmayaraq, onun fəaliyyəti və yorulmaz səyləri nəticəsində 1971-ci ildə bu stansiyanın tikintisi haqqında qərar qəbul edildi, Azərbaycana mərkəzləşdirilmiş fondlardan böyük vəsait qoyulmağa və stansiyanın tikilməsinə başlandı. Ulu Öndər hələ Azərbaycanda rəhbər olan zaman stansiyanın birinci bloku istismara verildi – 1981-ci ildə. Sonra Heydər Əliyev Moskvada Siyasi Büroda fəaliyyətə başlayanda və Nazirlər Sovetinin birinci müavini vəzifəsində çalışanda daim gözü Azərbaycanın üstündə idi. Heydər Əliyev bu stansiyanın tikintisinə xüsusi əhəmiyyət verirdi və onun fəaliyyəti nəticəsində qalan 7 blok da inşa edilmişdi. İndi təsəvvür etmək mümkün deyil ki, əgər bu stansiya o vaxt tikilməsəydi, biz müstəqillik dövründə hansı problemlərlə üzləşə bilərdik. Çünki yenidən qurulandan sonra bu stansiyanın generasiya gücü 2400 meqavatdır.

Təbii ki, ondan sonra, xüsusilə son 16 il ərzində ölkəmizdə 30 elektrik stansiyası tikilmişdir və onların arasında böyük stansiyaları xüsusilə qeyd etmək istərdim – “Cənub” təxminən 800 meqavat, “Səngəçal” 300 meqavatdan çox, “Sumqayıt” 525 meqavat, “Şimal-2” 400 meqavat, ondan əvvəl “Şimal-1” 400 meqavat. Bütün bunlar son illərdə tikilmiş stansiyalardır. Ancaq müstəqilliyimizin ilk illərində Azərbaycan yalnız bu stansiya hesabına yaşayırdı. Yalnız Heydər Əliyevin uzaqgörənliyi və vaxtında atılmış addımların səmərəliliyi nəticəsində Azərbaycan ayaqda dura bilmişdir. Ona görə bu gün Ulu Öndərin abidəsi önündə onun bu xidmətlərini biz xüsusilə qeyd etməliyik.

Hər bir ölkənin energetika sistemi onun döyünən ürəyidir, əsas motorudur. Bu olmasa, heç nə olan deyil. Bu olmasa, heç bir inkişafdan, heç bir investisiya qoyuluşundan söhbət gedə bilməz. Ona görə enerji olmayan yerdə inkişaf yoxdur. Məhz Heydər Əliyevin fəaliyyəti nəticəsində Azərbaycan ağır illərdə, müstəqilliyin ilk illərində ayaqda dayana bildi. Düzdür, energetika sistemimiz köhnəlmişdi, amma yenə də öz istismar müddətini uzada-uzada generasiya davam edirdi. O illərdə biz böyük böhranla üz-üzə idik, bir çox hallarda elektrik enerjisi kəsilirdi, rayonlarda ümumiyyətlə elektrik enerjisi fasilələrlə verilirdi, gündə iki saat, Bakı şəhərində də həmçinin. Ona görə bu stansiyanın xüsusi əhəmiyyəti var. İki il bundan əvvəl burada qəza baş verəndə, əlbəttə, bunun ölkəmizə nə qədər böyük zərbə vurduğunu hər kəs gördü, ölkəmiz zülmətə büründü, qaranlığa qərq oldu, metro dayandı, bütün hərəkət dayandı. Bu qəza yalnız məsuliyyətsizlik, səhlənkarlıq, vicdansızlıq nəticəsində baş vermişdir. O qəzadan sonra mənə verilən məlumatdan və bu stansiyadan çəkilmiş şəkillərdən dəhşətə gəldim, bu qədər vicdansızlıq olarmı?! Ona görə dərhal göstəriş verdim, kadr dəyişikliyi edildi, “Azərenerji”nin rəhbərliyi möhkəmləndirildi, təlimatlar verildi. Göstəriş vermişdim ki, bu İstilik Elektrik Stansiyasının generasiya gücləri qısa müddət ərzində yenidən yaradılmalıdır. O vaxt 800 meqavat generasiya gücü itirilmişdi, - bu stansiya cəmi 1600 meqavatla işləyirdi. Generasiya gücü yavaş-yavaş itirilirdi və belə bir fikir var idi ki, bunu bağlamaq, yaxud da söküb yenidən tikmək lazımdır, təmir etmək mümkün deyil. Bu 2400 meqavat gücü yenidən bərpa etmək neçəyə başa gələr, bunu hamı yaxşı bilir - milyardlarla dollara, milyardlarla. Ona görə mən “Azərenerji”nin bu sahədə fəaliyyətini xüsusi qiymətləndirirəm ki, stansiya cəmi 2 ildən az bir müddətdə yenidən quruldu, səkkiz blokun səkkizi də işlək vəziyyətdədir. 2400 meqavat generasiya gücü bərpa edildi, kanal tikildi, qəza baş verən yarımstansiyalar yenidən quruldu, müasir idarəetmə mərkəzi yaradıldı. Beləliklə, bu stansiyanın ömrü ən azı 20-30 il, bəlkə də 50 il uzadıldı. Bu, bizə nə verəcək? Bizə onu verəcək ki, bundan sonra da enerji təminatı sahəsində heç kimdən asılı olmayacağıq.

Biz 1990-cı illərdə bəzi hallarda xaricdən elektrik enerjisi alırdıq, çatmırdı. İndi isə biz ixrac edirik. Özü də bir ölkəyə yox, 3 ölkəyə elektrik enerjisini ixrac edirik. Bu gün mənə təqdim edilən “Qobu” Elektrik Stansiyasının tikintisi nəticəsində 300 meqavat əlavə güc əldə edəcəyik, ixracı daha da artıracağıq və ölkəmizin artan sənaye potensialını enerji ilə təmin edəcəyik. Əhali artır, sənaye artır, biznes fəaliyyəti artır – bütün bunlar enerji tələb edir. Bizim təbii resurslarımız var – qaz, neft. Stansiya həm qazla, həm mazutla işləyir. Elektrik xətlərimiz yenilənir, generasiya gücləri yaradılır, şəbəkə qurulub, yarımstansiyalar tikilir, bütün qonşu ölkələrlə yüksəkgərginlikli xətlər var. Ona görə bu gün Azərbaycan neft, qaz, yanacaq, elektrik enerjisini hasil edir, istehsal edir və ixrac edir. Yəni, dünyada o qədər də çox ölkə bu dərəcədə çoxşaxəli fəaliyyətə sahib deyil. Bəzi ölkələrdə yanacaq-enerji balansının bir hissəsi mövcuddur, digər hissəsini isə idxal edir, asılıdır. Biz tamamilə müstəqilik və iqtisadi-enerji müstəqilliyi budur. Biz bunu əldə etmişik, Ulu Öndərin ruhu qarşısında vicdanımız təmizdir, onun yolunu davam etdiririk, onun əsərini bərpa etmişik. Burada və bütün başqa sahələrdə onun yolu ilə irəliyə, inkişafa, tərəqqiyə doğru gedirik.

Xahiş edirəm, bütün energetiklərə mənim salamlarımı çatdırın, Mingəçevir sakinlərinə də həmçinin. Mən bu stansiyanın yenidən qurulmasında əməyi keçən hər bir insana təşəkkür edirəm və sizə yeni uğurlar arzulayıram. Sağ olun.

***

AZƏRTAC xəbər verir ki, Azərbaycan Respublikasının Prezidenti İlham Əliyev tədbirdə iştirak edib.

Qeyd edək ki, tikintisinə 1974-cü ildə ulu öndər Heydər Əliyevin təşəbbüsü ilə başlanan “Azərbaycan” İstilik Elektrik Stansiyasının birinci enerji bloku 1981-ci il oktyabrın 20-də, sonuncu - 8-ci blok isə 1990-cı ildə istismara verilib. Öz dövrü üçün nəhəng infrastruktur layihəsi olan və respublikanın energetika sistemində xüsusi əhəmiyyəti ilə seçilən “Azərbaycan” İES elə o vaxtdan ölkənin elektrik enerjisinə tələbatının qarşılanmasında hər zaman birinciliyini qoruyub saxlayıb. Lakin 2018-ci il iyulun 3-də stansiyada baş vermiş qəza nəticəsində ölkənin yarıdan çoxu qaranlıqda qaldı. 330 kilovoltluq yarımstansiyasındakı cərəyan transformatorunda baş verən qəza nəticəsində təxminən min kiloqrama qədər yağ ətrafa axmışdı, yaxınlıqdan keçən elektrotexniki avadanlıqların, eləcə də kabellərin, əsasən də informasiya və avtomatika kabellərinin üzərinə dağılaraq güclü yanğına səbəb olmuşdu. Nəticədə bir-birinin ardınca baş verən qəzalar ölkənin enerji sisteminə ciddi ziyan vurmuşdu.

Araşdırmalar nəticəsində məlum olmuşdu ki, stansiyadakı generatorlarda təsirlənmə sistemləri, soyuducuları köhnəlmiş və istismara tamamilə yararsızdır. Qazanlarda küləkdən mühafizə lövhələri dağılıb, qazan avadanlıqları aşınıb və sıradan çıxıb. Regenerativ hava qızdırıcıları, qaz yolları, kompensatorlar və digər qurğular uzun müddət istismar olunduğundan yararsız vəziyyətə düşüb. Stansiyanın tüstü boruları və konstruksiyaları da aşınmaya məruz qalmışdı, Fasiləsiz Qida Mənbələri demək olar ki, işləmirdi. Maşın zalının konstruksiyası, dam örtüyü və döşəməsi dağılmışdı. Kimyəvi sutəmizləmə qurğusu olduqca köhnəlmişdi, azot və oksigen qurğuları, reagent və yağ təsərrüfatları istismar müddətini iki dəfədən çox başa vurmuşdu. Hidrogen qurğusu uzunmüddətli istismar edildiyindən təhlükə yaradırdı. Hətta Yuxarı Qarabağ kanalının stansiya ərazisindən keçən çıxış su kanalı hissəsinin yamacları dağılmışdı. 330 və 500 kilovoltluq yarımstansiyaların avadanlığı və mühafizə sistemləri öz ömrünü başa vurmuşdu. Bu isə sistem qəzasının olması ehtimalını ən yüksək səviyyəyə çatdırmışdı.

Prezident İlham Əliyev elektromobillə stansiyanın ərazisini gəzib.

Stansiyada yaradılan şərait barədə dövlətimizin başçısına məlumat verən “Azərenerji” Açıq Səhmdar Cəmiyyətinin prezidenti Baba Rzayev bildirib ki, enerji bloklarının texniki su təchizatı Yuxarı Qarabağ kanalı vasitəsilə təmin edilir. Kanalın yamacları və dib hissəsi beton örtüklərlə bərpa olunub, dövran su xətlərinin altındakı dayaqlar əsaslı təmir edilib. Ərazidə yeni mazut çənləri, dövran və mazut nasosları quraşdırılıb. Stansiyanın qaz qəbulu məntəqələri də əsaslı təmir olunub.

İki il ərzində həyata keçirilən proqram çərçivəsində Cənubi Qafqazın ən böyük istilik elektrik stansiyasında bütün parametrlər üzrə tikinti və bərpa işləri sürətlə aparılıb. Əsas diqqət həm də “Azərbaycan” İstilik Elektrik Stansiyasının hər biri ayrıca elektrik stansiyası statusuna malik səkkiz blokunun yenidən qurulmasına yönəlib. Blokların təbii təsirlərdən qorunması və ən əsası da itkilərin azaldılması üçün izolyasiya işləri görülüb. Yenidəqurma proqramı çərçivəsində yararsız metal konstruksiyalar yenilənib, yük məhdudiyyətinə təsir edən regenerativ hava qızdırıcılarının daxili elementləri dəyişdirilib, turbin qurğularında zədələnmiş işçi kürəklər, hidrogen və yağ istilik mübadilə aparatları da təzələnib. Kimya sexi müasir tipli əks-osmos sutəmizləyici texnologiyaya əsasən yenidən qurulub, reagent təsərrüfatı yenilənib, əlavə ehtiyat su çənləri yaradılıb.

Diqqətə çatdırılıb ki, enerji bloklarında sıradan çıxmış elektrik mühərriki və nasos avadanlıqları, istismar və təmir üçün tələb olunan liftlər, ağırtonnajlı yükqaldırıcı kran və mexanizmlərin elementləri, yüksək gərginlikli cərəyan şinləri, güc və nəzarət kabelləri tam yenisi ilə əvəz olunub. Blok və xüsusi sərfiyyat transformatorları da təmir edilib.

Qeyd olunub ki, 2018-ci ildə sistem qəzasının mənbəyi olan 330 və 500 kilovoltluq yarımstansiyalar yenidən qurulub. İstismar müddəti bitmiş və partlayış təhlükəsi olan bütün hava açarları eleqaz tipli açarlarla, cərəyan və gərginlik transformatorları müasir tipli avadanlıqla əvəzlənib. Yarımstansiyaların hər biri üçün yeni idarəetmə binaları tikilib.

İndi “Azərbaycan” İES-in fəaliyyəti yeni tikilən inzibati binadan həyata keçirilir. Burada müxtəlif tədbirlərin keçirilməsi üçün geniş akt zalı yaradılıb. Bütün proseslər yeni quraşdırılan nəhəng monitordan idarə olunur.

Burada stansiyanın idarə olunması ilə bağlı videoçarx nümayiş etdirilib.

Sonra dövlətimizin başçısı “Azərbaycan” İstilik Elektrik Stansiyasını işə salıb.

Prezident İlham Əliyevə yeni tikiləcək “Qobu” Elektrik Stansiyasının layihəsi barədə məlumat verilib.

Dövlətimizin başçısı ulu öndər Heydər Əliyevin abidəsini ziyarət edib.

Prezident İlham Əliyev çıxış edib.

***

“Azərbaycan” İstilik Elektrik Stansiyasının 330 və 500 kilovoltluq açıq paylayıcı qurğuları, 8 enerji bloku, İdarəetmə Dispetçer Mərkəzi, stansiyanın əsas və köməkçi sahələri, bina və qurğuları əsaslı yenidənqurmadan sonra iyunun 25-də istifadəyə verilib.

Azərbaycan Respublikasının Prezidenti İlham Əliyev tədbirdə iştirak edib.

Dövlətimizin başçısına stansiyada yaradılan şərait barədə məlumat verilib.

"İdarələrdə idarə rəhbərləri görəndə ki, onun işçisi maska taxmır, əlbəttə, tədbir görməlidir, dərhal reaksiya verməlidir, müvafiq qurumlara məlumat verməlidir. Əgər belə davam edərsə, mən deyəcəyəm ki, cərimələrin həcmini artırsınlar. Çünki indi böyük imkanlara sahib olan adamlar nə üçün 50 manat, 100 manat cərimə verirlər. O çıxır, maşınına oturur, hara istəyir gedir. Tutaq ki, onu saxladılar, saxlamadılar, onu da hələ bilmək olmur. Çünki hər kəsi saxlamaq da mümkün deyil. Cəriməni verir gedir, sonra istədiyini edir. Ona görə mən tapşırıq vermişəm ki, dövlət orqanları, yerli icra orqanları, hüquq mühafizə orqanları tərəfindən bu məsələyə daha ciddi nəzarət olmalıdır. Çünki bu, milli təhlükəsizlik məsələsidir".

Bu fikirləri Prezident İlham Əliyev Gəncə şəhərində modul tipli xəstəxananın açılışından sonra bir qrup tibb işçisi ilə görüşündə səsləndirib:

Dövlət başçısı bildirib ki, inkişaf etmiş ölkələrdə vəziyyət böhran həddinə çatıb.

"İndi görün inkişaf etmiş ölkələrdə nələr baş verir. Vəziyyət tamamilə böhran həddinə çatıb. O ölkələrin ki, dövlətçilik ənənələri yüzilliklərlə ölçülür və o ölkələrin səhiyyə sistemi dünyada nümunə kimi təqdim olunur, onlar da bacarmırlar, çünki bu, mümkün deyil. Ona görə mənim bu sözlərim hesab edirəm, hər kəs üçün əsas olmalıdır - həm vətəndaşlar üçün, - onlar daha məsuliyyətli olmalıdırlar, - həm də vəzifə tutanlar, dövlət məmurları üçün. Dövlət nəzarəti, ictimai nəzarət, vətəndaşların nizam-intizamı və məsuliyyəti artmalıdır. Əgər biz görsək ki, nizam-intizam bundan sonra da pozulur, onda fikirləşərik, daha hansı təsirli addımlar atılsın ki, bu qaydaları pozanlara qarşı daha ciddi tədbirlər görülsün".

     
Bildiyimiz kimi dünən Ümid Teleradio Yayım Şirkəti Lerik rayon Millət Vəkili haqqında

İyunun 24-də Azərbaycan Respublikasının Prezidenti İlham Əliyev və Birinci vitse-prezident Mehriban Əliyeva Gəncə şəhəri ərazisində Mənzil İnşaatı Dövlət Agentliyi (MİDA) tərəfindən inşa edilən yaşayış kompleksinin tikintisi ilə tanış olublar.

AZƏRTAC xəbər verir ki, dövlətimizin başçısına və Birinci vitse-prezidentə tikinti işlərinin gedişi barədə məlumat verilib.

Azərbaycan Prezidenti İlham Əliyev və birinci xanım Mehriban Əliyeva iyunun 24-də Gəncədə “NB Satınalma və Ticarət” MMC-nin süni mərmər və qranit istehsalı zavodunun açılışında iştirak ediblər.

Dövlət başçısına və birinci xanıma müəssisənin fəaliyyəti barədə məlumat verilib.

İlham Əliyev zavodu işə salıb.

***

İlham Əliyev və Mehriban Əliyeva Gəncə şəhəri ərazisində Mənzil İnşaatı Dövlət Agentliyi (MİDA) tərəfindən inşa edilən yaşayış kompleksinin tikintisi ilə tanış olublar, tikinti işlərinin gedişi barədə məlumat verilib.

Cavid Həsənlinin xəstəliyi 7 yaşından başlayıb və orta təhsilini evdə tamamlayıb. 2016-cı ildə Azərbaycan Dövlət Rəssamlıq Akademiyasına rəngkarlıq ixtisası üzrə qəbul olunub. 3-cü kursda oxuyarkən səhhəti ağırlaşıb və təhsilini yarımçıq qoymaq təhlükəsi ilə üzləşib. Əməliyyat üçün tələb olunan böyük məbləği ödəmək imkanında olmayıb. Heydər Əliyev Fondunun vitse-prezidenti Leyla Əliyevanın dəstəyi ilə bir il ərzində Bakıda müxtəlif xəstəxanalarda 4 dəfə əməliyyat olunub və nəhayət, əlil arabasından xilas olub.

Təhsilini davam etdirmək imkanı qazanan Cavid Həsənli artıq məzun olacaq.

             
Son zamanlar bütün yer kürəsini təşviş içərisində saxlayan, insanların həyatını sözün həqiqi

Son zamanlar sosial şəbəkədə bəzi internet portalları ağına-bozuna baxmadan həqiqəti əks etdirməyən təxribat  və şantaj xarakterli  məlumatlar yaymaqla maraqlarına xidmət etdikləri şəxslərin yanında özlərini doğrultmağa çalışırlar.

Elə internet portalları da var ki, kimlərinsə marağından çıxış edərək, əslində isə  özlərinin şəxsi maraqlarını təmin etmək məqsədilə bir şəxsin üzərində mövzu açmaqla özlərini gündəmdə saxlamaqla və ictimaiyyətdən narazı olan təbəqəni  ətrafına toplamaqla məşğuldurlar. Bu şəbəkə üçün dövlət və xalq məfhumunun əslində heç bir önəmi yoxdur. Məqsəd şəxsi maraqları  təmin etməkdir.  Həmin şəbəkəni izləyənlər isə özlərinin dilə gətirdikləri problemlərin həll olunacağına guman edirlər.  Lakin bu şəbəkənin qurbanına çevrilən təbəqə ağlına belə gətirmir ki, sözügedən şəbəkə onların maraqlarından çıxış edərək yalnız öz şəxsi maraqlarının təmin olunmasına çalışırlar.

Bu bir tarixdir.  Niyyəti saxta olanlar gec-tez öz əməlləri ilə ifşa olunublar !  

Yəni, dildə dövlətə və ölkə Prezidentinə sədaqət nümaiş etdirən bu şəbəkə, əslində  Azərbaycanın dövlətçiliyinə zərbə vurmağa cəhd göstərən saxta müxalifətin yanında  yer tutanlardır.  Sosial şəbəkədə özlərinə efir məkanı quran bu şəbəkələr yayımladıqları süni proqramlarda  ölkə Başçısının ifadələrindən istifadə etməklə maraq dairəsini təmin etmək üçün  yalnız bir şəxsin üzərində manevr edib özünün şəxsi maraqlarını təmin etməyə cəhd göstərirlər.  Hətta bu yolu qət etmək üçün  iftira və şantajdan belə çəkinmirlər.

 Uzun müddətli sükutdan sonra yenidən hərəkətə keçən bəzi internet portalları Lerik rayonunu Milli Məclisdə təmsil edən deputat İqbal Məmmədovu gündəmə gətirdilər.  Bu gündəmin əsas qayəsi deputat İqbal Məmmədovun Milli Məclisdəki məlum çıxışı idi ki, həmin çıxışında deputat seçicilərin istəklərini dilə gətirməklə  rayonda mövcud olan problemlərdən danışaraq görülməli olan işlərə görə vəsait ayrılması barədə hökumətə müraciət ünvanlamışdı.

 Deputatın bu çıxışı ona əks olan məqsədyönlü qüvvələrin ayaq açmasına yol açdı. Bu həmin qüvvələrdir ki, əzəldən Lerik rayonunda mövcud problemlərdən öz şəxsi məqsədləri üçün istifadə ediblər.  Lakin bu qüvvələrin əks təbliğatlarına baxmayaraq ilk gündən bu günə qədər onların ikili münasibət sərgiləməsi səbəbindən əsil məqsədləri  uğursuzluğa düçür olub. Çünki  bu qruplaşmanın ictimia təsir qınağı cüzi narazı olan müxalif yönlü təbəqənin sərhəddindən o tərəfə keçmir. Nə də ki, bu günə qədər dilə gətirdikləri problemlərin həllində bir təsir imkanları olmayıb. Bunun da yeganə səbəbi,  mövcud problemlərə bu  müxalif yönlü qruplaşmanın ictimai maraqlardan deyil, şəxsi maraqlardan yanaşmasıdır.

Ötən gün baş verənlər isə bu qruplaşmanın əsil simasını ortaya qoydu.  Məlum oldu ki, bu qruplaşmanı müdafiə edən yalnız dövlətə radikal münasibətdə olan, Azərbaycan dövlətçiliyinin əleyhinə ölkə xaricində işlər aparan daxili müxalifətin media mənsublarıdır.  Düşünürük ki, artıq bunun başqa bir izaha ehtiyacı yoxdur.

O ki qaldı deputat İqbal Məmmədova, bu gün Lerikin inkişafı üçün Milli Məclisdə aktivliyi ilə seçilən deputatın məlum çıxışı Lerik sakinlərinin maraqlarına xidmət edən bir təşəbbüs idi ki,  bu təşəbbüs tənqid deyil, müdafiə olunmalı idi.  Görünən odur ki, Lerikdə problemlərin həll olunmasını istəməyən əks qüvvələr deputatın təqdirəlayiq bu təşəbbüsünə kölgə salmağa çalışdılar. Lakin onların bu dəfə ki, arzuları da gerçəkləşmədi. Çünki  Azərbaycanın inkişaf strategiyasına radikal münasibət sərgiləyən müxalifətin ölkə ictimaiyyəti arasında nüfuzu sıfra bərabər olduğundan, həmin müxalifətin yanında yer alan məqsədyönlü media şəbəkəsinin ( buna media demək mümkünsə) ölkədəki ictimai təsir imkanları da məhduddur.  Artıq Azərbaycan ictimaiyyəti bu tipdə qruplaşmaların məqsədyönlü fəaliyyətlərini anlayır və onların ikiüzlü media siyasətini Azərbaycan dövlətinə və Xalqına xəyanət kimi qiymətləndirirlər. Bu qruplaşmanın yanında yer alan cüzi narazı müxalif yönlü təbəqənin isə zaman-zaman bu qruplaşmanı tərk etməsi ilə sonuclanmasını görürük. 

Bundan başqa,  yalan və iftiraya əl atan, ölkədə qarmaqarışıqlıq yaratmağa cəhd göstərən, öz şəxsi maraqlarını ictimai maraqlardan üstün tutan  bu şəbəkənin ömrünün çox uzun olmadığını da əminliklə deyə bilərik.

 Ölkə daxilində media müxalifəti formalaşdırmağa cəhd göstərən bu qruplaşmanın, nəinki deputata qarşı, hətta ölkənin sayılıb-seçilən şəxsiyyətlərinə, eyni zamanda dövlət xadimlərinə qarşı  da zaman-zaman yalan və iftiralarının şahidi olmuşuq.

Belə təxribatçı media qruplaşmasının Cəmiyyətdən təcrid olunması da bu günün əsas mövzusu olmalıdır.

Artıq Azərbaycanda radikal iftiraçı media anlayışına son qoymaq vaxtı çatıb.

İnanırıq ki, Dövlətin mühüm strukturları belə qruplaşmalara qarşı qanuna müvafiq qaydada sərt tədbirləri görəcəklər.

"İyunun 18-də Şərq Tərəfdaşlığı ölkələrinin videokonfrans formatında Sammitində Azərbaycan Prezidenti cənab İlham Əliyevin çıxışı, çıxışda ifadə olunmuş mühüm çağırışlar, yaddaqalan təsbitlər, geniş ictimai-siyasi rezonans doğurub"

Bu fikri Musavat.com-a Milli Məclisin Mədəniyyət Komitəsinin sədri Qənirə Paşayeva deyib. O, bildirib ki,  Avropa İttifaqı Şurasının prezidenti Şarl Mişel, Avropa Komissiyasının prezidenti Ursula fon der Lyayen, Avropa Birliyinə üzv dövlətlərin və Şərq Tərəfdaşlığı ölkələrinin dövlət və hökumət başçılarının iştirak və çıxış etdiyi Sammit, istər iştirakçıların tərkibi, istərsə, müzakirə olunan mövzular baxımından mühüm əhəmiyyətə malikdi:

"Azərbaycan Prezidenti İlham Əliyevin çıxışı bir neçə məqam etibarı ilə özünə diqqət tələb edir.
Birincisi, ona görə ki, Sammit qlobal pandemiya dönəmində keçirilir və respublikamız bu ümumdünya probleminə dair qabaqcıl mövqeyə malikdir. Cənab Prezidentin sədri olduğu iki beynəlxalq qurum, məhz Azərbaycan prezidentinin təşəbbüsü ilə pandemiya ilə bağlı video-müzakirələr aparıb, mühüm çıxışlar olub, mövqelər ifadə olunub. Qoşulmama Hərəkatının bu il mayın 4-də “COVID-19”a həsr edilmiş “onlayn Zirvə Görüşü”ndə Avropa Birliyi və Afrika Birliyinin iştirakı xüsusilə qeyd edilməlidir. Dövlətimiz ÜST-ə maliyyə yardımı göstərib, ÜST koronavirusla mübarizədə Azərbaycanı nümunəvi ölkə adlandırıb və s.

Təsadüfi deyil ki, bu məqamları öz çıxışında vurğulayan cənab Prezident, Avropa Birliyinin ali nümayəndəsi cənab Jozep Borelə videomüraciətinə görə bir daha təşəkkürünü bildirdi, ümid etdiyini bildirdi ki, bu, Avropa Birliyi və Qoşulmama Hərəkatı arasında fəal əməkdaşlığın başlanğıcı olacaq.

Əlbəttə, söhbət yalnız pandemiyadan getmir, Şərq Tərəfdaşlığının özünəməxsus ənənəvi müzakirə mövzuları, özəlliklə, adından da göründüyü kimi, tərəfdaşlıq, bununçün sülh və təhlükəsizlik, birgə yaşayış kimi mandat-missiyası vardır. Məhz bu mövzular Azərbaycanın sülhpərvər, multikultral mövqeyinə tam uyğundur. Cənab Prezidentin vurğuladığı kimi, Azərbaycan Şərq Tərəfdaşlığının fəal ölkəsidir. Avropa Birliyi ilə əməkdaşlıq bizim xarici siyasətimizin əsas prioritetlərindəndir. Azərbaycanın Avropa Birliyinin bir çox üzvü ilə ikitərəfli planda da sıx əməkdaşlığı mövcuddur".

Deputat bildirib ki, Azərbaycanın ərazi bütövlüyü uzun illərdir pozulub və zamanında öz havadarlarının hərbi-siyasi dəstəyi ilə işğal siyasətini həyata keçirmiş və bu bədnam siyasəti davam etdirən Ermənistanın Baş naziri Nikol Paşinyanın Azərbaycan Prezidentinin çıxışına replika ilə münasibət bildirmək cəhdi, ona verilən tutarlı cavab diqqət yetirməli olduğumuz ən əsas məqamlardandır:

"Azərbaycan Prezidenti “demokrat libaslı” işğalçı zehniyyətli Paşinyanla qabaqlar da bir neçə dəfə debatda, müzakirələrdə qarşı-qarşıya gəlib və istisnasız olaraq, həmişə onu haqq etdiyi cavablarla susdurub. Aşqabatda, Münhendə və başqa şəhərlərdəki belə hallar yaxşı yadımızdadır. Bu dəfəki Sammit də istisna olmadı və yenə Paşinyan özünü gülünc vəziyyət saldı, tutarlı cavabdan sonra, susmağa məcbur oldu. Paşinyan ənənəvi erməni xisləti ilə yalan deyib, iştirakçıları o yalana inandırmaq və bu yalan üzərindəki “hücum” ilə, özünün, təmsil etdiyi ölkənin işğalçılıq siyasətini ikinci plana keçirmək istəyində idi. Öz diktator, hərbi cani sələflərindən guya “demokrat”lığı ilə fərqlənən Paşinyan, öz replikası, çıxışı və Azərbaycan Prezidentindən aldığı sərrast cavablarla miskin duruma düşməkdən qurtula bilmədi. Bilirsiz, belə hal birinci, ikinci hal olmadığı üçün artıq nə təsadüf, nə tendensiya deyil, bu artıq qanunauyğunluqdur. O qanunauyğunluğun diqtə etdiyi ən əsas məqam ondan ibarətdir ki: dünya birliyi işğalçıya dur deməlidir, bölgədə sülhə, təhlükəsizliyə ən əsas maneə olan işğalçılıq sona yetməlidir, işğalçı hər hansı forma və dərəcədə beynəlxalq dəstək deyil, beynəlxalq qınaq və məsuliyyətə dəvət görməlidir. Bu mənada, yaxın günlərdə, Avropa Parlamenti adından verilmiş, Emənistanın işğal altında tutduğu Azərbaycan torpaqlarında qeyri-qanuni yol çəkməsini, qanunsuz məskumlaşmanı pisləyən, respublikamızın ərazi bütövlüyünü müdafiə edən mühüm Bəyanatı bir daha minnətdarlıqla xatırlatmaq istərdim",-deyə Qənirə Paşayeva bildirib.