 |
 |
Xırdalan şəhərində yerləşən “Abşeron City” yaşayış kompleksi vətəndaşları incitməkdə davam edir. Şirkət üzərinə götürdüyü öhdəlikləri yerinə yetirmir, bu azmış kimi, hələ müştəriləri də borclu çıxarır.
Belə ki, 2017-ci ilin noyabr ayında şirkətin Xırdalan şəhərində yerləşən ofisinə müraciət etdim. Mənzil qiyməti ilə bağlı razılığa gəldikdən sonra binanın təhvil veriləcəyi vaxtı soruşdum.
Şirkət nümayəndəsi bildirdi ki, 2018-ci ilin may ayında bina artıq hazır olacaq və təmirə başlaya biləcəyik.
İyun, iyul, avqust… Artıq bir il keçib, lakin bina hələ də hazır deyil. Şirkət isə bildirir ki, bu normaldır və onları başa düşməyimi xahiş edirlər.
Özləri isə müştərini dinləmək belə istəmirlər, onların problemlərinə biganə yanaşırlar.
Bu gün – yəni 23 may tarixində “Abşeron City” müştəri barədə fikirləşmədiyini, müştəriyə yalnız pul kimi baxdığını bir daha sübut etdi.
Belə ki, 2018-ci ilin noyabr ayında “Abşeron City” öz evimdə təmirə başlamaq üçün əvvəlcə sayğacların pulunu ödəməyimi tələb edib. Müəyyən olunmuş məbləğ ödənilib. Lakin sayğaclar hələ də yoxdur.
Bu gün şirkət mənzilin işığını kəsib və bildirir ki, müvəqqəti sayğac alıb qoymalıyıq.
Niyə? Müqavilədə belə bir bənd var? Və əgər sayğacın pulunu altı ay əvvəl almısınızsa, niyə indiyə qədər quraşdırmamısınız?
Şirkətlə əlaqə saxlayanda bir katibəni irəli verirlər. Elə bir şəxs ki, “Abşeron City”də şirkətin adından danışmağa heç bir səlahiyyəti yoxdur.
“Elektrik Dünyamin deyir ki, bu belə olmalıdır”, – həmin katibə qeyd edir.
Bir şirkət ki, elektrik Dünyamin ümidinə qalıb, ondan nə gözləmək olar ki?!
“Abşeron City”nin rəsmi nümayəndələri isə müştəri ilə danışmaqdan belə imtina edirlər. Onları heç dinləmək istəmirlər.
“Müştəri əsas pul gətirsin”. Yəqin şirkətin devizi də belədir.
Qayıdaq əsas mövzuya. Söhbət zamanı katibə bildirdi ki, şirkətdə hazırda heç kim yoxdur:
“Ofisdə bu dəqiqə heç kim yoxdur, ancaq mənə deyirlər ki, sayğaclar hazır deyil, buna görə müvəqqəti sayğac qoyulmalıdır”.
Bu arada, sual yaranır ki, niyə iş vaxtı şirkətdə heç kim yoxdur? “Abşeron City”nin işlərini katibə və elektrik həll edir? Niyə “Abşeron City” müştəriləri bu qədər incidir?
Suallar çoxdur, lakin onlar cavabsızdır.
Çünki mənzillərini satanda mələk cildinə girən şirkət nümayəndələri bu gün qeybə çəkiliblər. Ola bilər ki, özləri də səhv mövqedə olduqlarını anlayıb, müştəri ilə danışmağa xəcalət çəkirlər. Təbii ki, bu variant mənim nikbinliyimdən qaynaqlanır.
Ümumiyyətlə bir şirkətdə səlahiyyətli şəxsin, müştərini dinləyəcək birinin olmaması isə mənim işıqsız qalmağımdan daha acınacaqlı vəziyyətdir.
Hər halda, nəticə etibarilə məsələ həll olunmamış qalır, müştəri çıxılmaz vəziyyətdədir, əlavə xərc çəkərək müvəqqəti sayğac qoymaq məcburiyyətindədir…
///oxu.az
Azərbaycanda əksər tanınmış və iri şirkətlərin adının hansısa məmur-oliqarxla, yaxud nazirlə əlaqələndirilməsinə artıq çoxdan adət etmişik. Ona da adət etmişik ki, ölkədə keçirilən tenderlərin böyük hissəsinin qalibi də məhz belə şirkətlər olur.
“Marja”nın yaydığı xəbərdə deyilir ki, “Azərbaycan Respublikasında uyğun qiymətə mənzil təminatının inkişafına dair Strateji Yol Xəritəsi” ilə müəyyən edilən tədbirlər planına uyğun olaraq, Azərbaycan Respublikasının Mənzil İnşaatı Dövlət Agentliyi(MİDA) dövlət-özəl tərəfdaşlığı layihələrini davam etdirir.
Agentlikdən verilən son məlumatda bildirilir ki, dövlət tərəfindən maliyyələşmənin minimuma endirilməsi və özəl tikinti-investisiya şirkətlərinin əməkdaşlığa cəlb edilməsi məqsədilə keçirilmiş investisiya müsabiqəsinin qalibi “AS Tikinti” MMC (www.asgroup.az) Bakı şəhəri, Yasamal rayonu, Xarici dairəvi avtomobil yolunun kənarında 15,4 ha ərazidə 6 ədəd çoxmənzilli yaşayış binasının tikintisi üçün investisiya qoyuluşunu reallaşdıracaqdır. Bu binaların tikintisi üçün investisiyanın ümumi həcminin 20 milyon manata yaxın təşkil edəcəyi nəzərdə tutulur.
Müsabiqənin qalibi olan investor “MİDA” MMC-nin sifarişi ilə hazırlanmış və müvafiq qaydada dövlət ekspertizasından keçirilmiş layihə-smeta sənədlərinə uyğun olaraq tikintini aparmaq, tikinti işlərinin gedişi zamanı kompleksin ərazisində olan mühəndis-kommunikasiya sistemindən və müvafiq infrastrukturdan yararlanmaq imkanını əldə edir.
Müsabiqə şərtlərinə əsasən, investor tərəfindən inşa olunacaq 6 binada (2-si 12 mərtəbəli, 4-ü 9 mərtəbəli) yerləşən mənzillərdən 100-ü (6-sı 1 otaqlı, 36-sı 2 otaqlı, 58-i isə 3 otaqlı) Mənzil İnşaatı Dövlət Agentliyinin sərəncamına veriləcək və “Güzəştli mənzil” elektron sistemi vasitəsilə satışa çıxarılaraq güzəştlə mənzil əldə etmək hüququ olan şəxslərə təklif olunacaq. Qalan mənzillər investor tərəfindən onları bazar qiymətləri ilə almaqda maraqlı olan şəxslərə satılacaq.
“AS Tikinti” MMC Yasamal rayonu, Xarici dairəvi avtomobil yolunun kənarında 15,4 ha ərazidə çoxmənzilli yaşayış binalarının tikintisi üçün investisiya qoyuluşunu həyata keçirəcək ikinci investordur.
Bundan öncə “Kristal Abşeron MTK” 12 ədəd çoxmənzilli yaşayış binasının tikintisi üçün keçirilən investisiya müsabiqəsinin qalibi olub.
“AS Tikinti” MMC haqqlnda apardığımız kiçik araşdırma göstərdi ki, mətbuatda “AS Group”a daxil olan bu şirkətin Gənclər və İdman naziri Azad Rəhimovun oğlu Arif Rəhomova aid olduğuna dair məlumatlar dərc edilib. Nazirin Londonda yaşayan oğlu “AS Group” şirkətlər qrupunu 2003-cü ildə qurub. Şirkətlər qrupu dövlət və özəl sektorda kompleks layihələr həyata keçirir. Buna infrastruktur layihələrinin həyata keçirilməsi, mülki, inzibatı və sənaye obyektlərinin tikintisi daxildir. Şirkət eyni zamanda çınqıl, qum, armokarkas, beton və beton məhsullarının, dəmir-beton məmulatlarının iri istehsalçısıdır. “AS Group”-a “AS İnşaat”, “AS Tikinti”, “AS Georgia”, “AZBesix”, “Alkoholl”, “AS AGRO KO” törəmə şirkətlər daxildir.
“AS İnşaat”a gəldikdə isə, Şahin Mövsumov adlı şəxsin rəhbərlik etdiyi şirkət Bakıda 4 böyük yaşayış kompleksi tikib. Onlar “Renessans Palace”, “Dirsi”, “Park Residence”, “Villa Siena”-dır.
Daha bir maraqlı məlumat isə A.Rəhimovun şirkətinin Kiyev şəhərinin meri, boksçu Vitali Klçikoya 5 otaqlı mənzil hədiyyə etməsilə bağlıdır. Mətbuatda dərc edilən məlumatlara görə, Bakıya son səfərində V.Kliçkoya Arif Rəhimov tərəfindən “Renessans Palace”da 5 otaqlı mənzil hədiyyə edilib. Deyilənə görə, Kiyev merindən Ukraynanın tikinti bazarına girmək üçün yardım istənilib.
Onu da qeyd edək ki, MİDA-nın investisiya müsabiqəsinin digər qalibi “Kristal Abşeron MTK”-nın deputat Ağalar Vəliyevə aid olduğu iddia edilir./azpolitika.info/
Azərbaycanda rayon (şəhər) məhkəmələrinin inzibati xətalar haqqında baxdığı işlərin dairəsi genişləndirilir.
Milli.Az Trend-ə istinadən xəbər verir ki, bununla bağlı İnzibati Xətalar Məcəlləsinə dəyişikliklər edilir.
Bu dəyişikliklə bələdiyyələrlə bağlı məsuliyyətin müəyyən edilməsi yerli məhkəmələrin səlahiyyətinə daxil edilir.
Məcəllənin hazırda mövcud olan variantına əsasən, çoxmənzilli binanın idarəetmə üsulunun seçilməsi məsələsinin həlli üçün həmin binanın yerləşdiyi ərazinin bələdiyyəsi tərəfindən Mənzil Məcəlləsi ilə müəyyən olunmuş qaydada tədbirlərin görülməməsinə görə cərimə tətbiq edilir. Bunun üçün vəzifəli şəxslər 300 manatdan 500 manatadək cərimələnirlər.
Təklif edilən dəyişikliyə görə isə bələdiyyənin həmin tədbirlərin görülməməsinə görə inzibati məsuliyyətinin müəyyən edilməsi rayon (şəhər) məhkəmələrinin səlahiyyətinə aid edilir.
Uşağın anadan olmasına görə birdəfəlik müavinəti almaq üçün hansı sənədlər lazımdır?
Milli.Az qafqazinfo-ya istinadən xəbər verir ki, bu zaman aşağıdakı sənədlərin toplanması vacibdir:
Yaşayış yerindən ailə tərkibi barədə arayış:
Uşağın doğumu haqqında arayış:
Doğum haqqında şəhadətnamə:
Valideynlərin və uşağın şəxsiyyət vəsiqələri:
Nikah haqqında şəhadətnamə:
Xatırladaq ki, fevral ayından uşağın anadan olmasına görə sosial müavinətin məbləği artırılaraq 200 manat olub.
Ekologiya və Təbii Sərvətlər Nazirliyi Bakıda balıqların kütləvi şəkildə ölməsi məsələsinə münasibət bildirib.
Milli.Az xəbər verir ki, Qurumun Su Hövzələrinin Bioloji Resurslarının Artırılması və Mühafizəsi Departamentinin direktor əvəzi Mehman Axundov oxu.az-ın sorğusuna cavab olaraq bildirib ki, Pirşağı gölünün yaxınlığında bu cür hadisə ilk deyil:
"Ümumiyyətlə, bu gölə çoxlu çirklənmiş su axıdılır. Mehdiabaddan Pirşağıya doğru uzanan kanala "İkinci sovxoz" adlanan təsərrüfat ərazisindən də kanalizasiya suları tökülür. Həmçinin, Pirşağı gölünün yaxınlığından Abşeron Suvarma Kanalı keçir və orada təmir işlər aparılan zaman da çirkab suları gölə yönəldilib.
Adıçəkilən kanalla gələn balıqlar suvarma kanalı təmirə bağlanan zaman həmin göldə qalır və orada olan çirkab sularının tərkibindəki maddələr onları öldürür. Ərazidə, əsasən, sazan və külmə balığı olur".
Mehman Axundov bildirib ki, yayılan video barədə aparılan araşdırmaya görə, burada gölün səviyyəsi yarım metrdən də aşağı düşüb və çirkab qatılığı artıb:
"Laboratoriya analizlərinə görə, oksigenin həll olunmuş miqdarı da aşağı düşür. Ərazidə yaşayış evləri var, amma kanalizasiya sistemi tam yoxdur və çirkli sular gölə axıdılır. Nəticədə, bu vəziyyət yaranır. Əsasən, yay aylarında havanın temperaturu qalxır, su səviyyəsi aşağı düşür. Nəticədə bu cür mənzərə yaranıb".
Dənizkənarı Bulvar İdarəsinin mətbuat xidmətinin rəhbəri Günay Yelmarqızı saytımıza hadisəni təsdiq edib:
"Bir müddət əvvəl bulvar ərazisində dənizə atılan tor aşkarlanıb. İdarənin mühafizə xidməti vətəndaşların köməyilə həmin toru dənizdən çıxarıb və müvafiq orqanlara bu barədə məlumat verilib".
Qeyd edək ki, ötən gün Bakı Bulvarında dənizə tor atılaraq balıq tutulduğu, idarə və vətəndaşlar buna əngəl olduqdan sonra isə qəzəbli ovçuların dənizə zəhər ataraq balıqları tələf etdiyini əks etdirdiyi iddia olunan kadrlar yayılmışdı.
"Pensiya stajı uyğun gəlməyən vətəndaşlar yanlız 67 yaşı tamam olan zaman sosial müavinət alacaq”.
Azxeber.com xəbər verir ki, bunu iqtisadçı Vüqar Bayramov qeyd edib.
O, vurğulayıb ki, yeni qayda pensiya yaşına çatmış əksər vətəndaşların pensiya almasına mane olacaq:
"Dəyişikliyə əsasən, vətəndaşın ötən ilin ikinci yarısınadək fərdi hesabında hər hansı bir vəsait olubsa, o 25 illik stajla pensiyaya çıxır. Bu yaxşıdır, amma heç də bütün yaşlı insanlarımızın pensiya almasına imkan vermir. Çünki elə vətəndaşlarımız var ki, onların 2006-cı ilədək 25 deyil, məsələn 22 il iş stajı olub və 2006-cı ildən sonra yığımı da olmayıb. Qaydalara əsasən, belə vətəndaşlarımızın əmək pensiyası almaq hüquqları yoxdur”.
İqtisadçı hesab edir ki, "Pensiya Amnistiyası”nın verilməsinə ehtiyac var:
"Pensiya verilməsi ilə bağlı son zamanlar çoxlu sayda müraciətlər müşahidə olunur. Vətəndaş 2006-cı ilədək hətta 24 il işləyib, amma sonradan əmək müqaviləsi olmadığı üçün yığım edə bilməyib və indi pensiya yaşı çatsa da pensiya ala bilmir. Yalnız 67 yaşı tamam olan zaman sosial müavinət alacaq. Bu isə minimum əmək pensiyası ilə müqayisədə kiçik məbləğdir. Bütün bu müraciətləri nəzərə alaraq, "Pensiya Amnistiyası”nın verilməsini təklif edirik. Yəni, əgər vətəndaşın 2006-cı ilədək müəyyən iş ştajı olubsa və hətta 2006-cı ildən sonra onun fərdi hesabında heç bir yığım olmayıbsa, onun pensiya yaşı çatan zaman minimum pensiya məbləği ilə təmin olunmasına ehtiyac var. Bu yaş qrupunda olan insanların sosial təminata daha çox ehtiyacının olduğunu nəzərə aldıqda belə amnistiyanın verilməsi çox vacibdir”.
Qeyd edək ki, bu il prezident İlham Əliyev "Əmək pensiyaları haqqında” qanuna dəyişikliyi təsdiq edib. Dəyişiklik 2006-cı ilədək pensiyaya çıxan şəxslərə şamil olunub. 2006-cı ilin əvvəlindən 2018-ci il iyulun 1-dək fərdi hesabında toplanan məbləğdən asılı olmayaraq, pensiya kapitalı qeydə alınıbsa, 2006-cı ilədək 25 il sosial sığorta stajı hesablanır.
"Əmək pensiyaları haqqında” qanuna edilən dəyişikliklə bağlı daha ətraflı burada tanış ola bilərsiniz.
Əmək və Əhalinin Sosial Müdafiəsi Nazirliyinin Pensiya siyasəti və fərdi uçota nəzarət şöbəsinin müdiri Çingiz Əliyev vəzifəsindən kənarlaşdırılıb.
FED.az xəbər verir ki, Əmək və Əhalinin Sosial Müdafiəsi naziri Sahil Babayevin müvafiq əmri ilə, Abbasbəyli Mustafa Aslan oğlu Pensiya siyasəti və fərdi uçota nəzarət şöbəsinin müdiri təyin olunub.
Qeyd edək ki, bu ilin yanvar ayının 21-də Mustafa Abbasbəyli Azərbaycanın Əmək və Əhalinin Sosial müdafiəsi nazirinin müşaviri təyin edilmişdi.
"O zaman Bakı-Tbilisi-Ceyhan neft kəmərinin çəkilməsinin qarşısını almağa çalışan ölkələr var idi".
Milli.Az Trend-ə istinadən xəbər verir ki, bunu "Azərbaycanda enerji təhlükəsizliyi" mövzusunda keçirilən "dəyirmi masa"da çıxış edən Milli Məclisin sədr müavini Valeh Ələsgərov deyib.
V.Ələsgərov bildirib ki, bəzi ölkələr bu layihənin qarşısını almaq üçün 100 milyonlarla pul xərcləyirdi: "Dünya Bankının bu layihəni maliyyələşdirməsi vacib idi. Heydər Əliyev şəxsən Dünya Bankının rəhbərlərinə bu layihəni təqdim etdi. Ulu öndərin nüfuzu sayəsində bu layihə həyata keçdi".
Sədr müavininin sözlərinə görə, bu gün Azərbaycan artıq özünü beynəlxalq arenada təsdiq edib:
"Azərbaycanda həmrəylik, iqtidar-xalq birliyi olmasaydı, bu işləri həyata keçirmək mümkün olmazdı".
"Yaxın vaxtlarda Akademik Zərifə Əliyeva adına Milli Oftalmologiya Mərkəzinin (MOM) Şəki filialı da fəaliyyətə başlayacaq".
M4 Bakı-Şamaxı-Yevlax avtomobil yolunun 13-cü km-də (Hökməlin dairəsinin yanı) yerüstü piyada keçidinin tikintisi işləri həyata keçirilir. Piyada keçidinin tikintisini tamamlamaq üçün metal aşırım hissəsinin quraşdırılması tələb olunur.
Azərbaycan Avtomobil Yolları Dövlət Agentliyindən Milli.Az-a verilən məlumata görə, bu səbəbdən də magistralın sözügedən hissəsində 26 may tarixində səhər saat 05:00-dan 09:00-a kimi hərəkət məhdudlaşdırılacaq.
Alternativ olaraq sürücülər şəhər mərkəzinə Hökməli qəsəbəsinin daxili yolundan və Bakı-Sumqayıt şosesindən istifadə edərək gələ bilərlər.
Sürücülərdən göstərilən saatlarda alternativ yollardan istifadə etmələrini xahiş edilir.