 |
 |
Müdriklər demişkən, “xalq üçün, vətən üçün yaşanan ömür əsl insan ömrüdür”. Belə insanların ömrü çətin, mənalı və şərəfli olur, başı həmişə el içində uca olur. Onlar öz xoşbəxtliyini, səadətini, varlığını vətənə, xalqa ləyaqətlə xidmətdə görür. Belə insanlar öz xalqının, millətinin mənəvi siması, genefondudur desək səhv etmərik. Tam məsuliyyət və qürurla deyə bilərik ki, belə insanlardan biri də sözün həqiqi mənasında, gözəl insan, Şəki şəhər Karvansaray mehmanxana kompleksinin rəhbəri Hacı Şahin Hüseynovdur.
Şəki şəhər Karvansaray mehmanxana kompleksinin rəhbəri Hacı Şahin Hüseynov Ulu Öndər Heydər Əliyevin siyasi kursuna daim sadiqdir. Heç bir təmanna güdmədən, tutduğu vəzifədən asılı olmayaraq, vəzifədə olub-olmamasından asılı olmayaraq prezident İlham Əliyevə, dövlətə və dövlətçiliyimizə sabit, stabil, sadiq adamdır.
Hacı Şahin Hüseynov bütün işləri yüksək professionallıqla və böyük operativliklə icra edir! Bunun sirri onun Şəki şəhər Karvansaray mehmanxana kompleksinin rəhbəri kimi çoxsahəli professional olmasıyla, dövlətçiliyimizin və prezidentimizin yüksək reytinqini hər şeydən uca tutmasıyla bağlıdır!
Ona etibar edilən bütün işlərdə Hacı Şahin Hüseynov özünü doğruldub. Bizdə hörmətli Hacı Şahin Hüseynovu dövlətimizə, xalqımıza şərəfli xidmətində yeni-yeni uğurlar başarılar diləyirik.
Şəki şəhər Karvansaray mehmanxana kompleksinin rəhbəri Hacı Şahin Hüseynov - "Hörmətli həmvətənlər!
18 Oktyabr Milli Müstəqillik günü münasibəti ilə hamınızı təbrik edir, Sizə uzun ömür can sağlığı arzulayıram.
Müstəqilliyinin ilk illərində ölkəmiz xeyli çətinliklərlə üzləşdi. 1993-cü ildə xalqın təkidli tələbi ilə Azərbaycanda ikinci dəfə hakimiyyətə qayıdan ulu öndər Heydər Əliyev ölkəmizin müstəqilliyinin əbədi və dönməz etdi. Dövlət müstəqilliyi haqqında Konstitusiya Aktı 1991-ci il oktyabrın 18-də qəbul edilsə də, əslində Azərbaycan özünün əsl müstəqilliyini ümummilli lider Heydər Əliyevin hakimiyyətə qayıdışından sonra əldə etdi. Məhz Ümummilli Liderin zəngin siyasi təcrübəsi, yüksək idarəçilik bacarığı, Vətənə olan tükənməz sevgisi Azərbaycanın dövlət müstəqilliyini təhlükədən qurtardı. Ulu Öndər ölkədə xaos və anarxiyanı, cəmiyyətdə hökm sürən iqtisadi, siyasi və mənəvi psixoloji gərginliyi aradan qaldırdı. Müstəqil Azərbaycan Respublikası möhkəm əsaslar üzərində yeni inkişaf xəttini tutdu. Azərbaycanı müsəlman Şərqində ilk demokratik respublika olan Xalq Cümhuriyyətinin varisi elan edən ümummilli lider Heydər Əliyev müstəqilliyi qorumaq onu əldə etməkdən qat-qat çətindir məntiqi ilə nəhəng dövlət quruculuğu işlərinə başladı. Ulu Öndərin yorulmaz səyləri nəticəsində qısa müddətdə Azərbaycanın səsi ən nüfuzlu beynəlxalq təşkilatların kürsüsündən gəldi. Müstəqilliyin əvəzsiz bir nemət olduğunu və xalqın tarixi taleyində çox önəmli rol oynadığını böyük qürur hissi ilə bəyan edən Heydər Əliyev Azərbaycanın müstəqilliyini əbədi və dönməz etdi. Əsl müstəqillik isə öz sərvətlərinin tam sahibi olmaqdır. 1994-cü il sentyabrın 20-də Heydər Əliyevin müəllifi olduğu nəhəng neft müqaviləsi - “Əsrin kontraktı” imzalandı. Bununla da Azərbaycan ilk dəfə olaraq öz sərvətlərinin sahibi kimi çıxış etdi. Dünyanın aparıcı dövlətlərinin ən qabaqcıl şirkətlərinin bu kontraktda iştirakı isə ölkəmizin regionda əhəmiyyətini və nüfuzunu artırdı. Azərbaycan iri regional layihələr, Avropa və bütövlükdə dünya enerji təhlükəsizliyi sisteminə qoşuldu. 1993-cü ildən başlayaraq dövlət müstəqilliyinin möhkəmləndirilməsi istiqamətində görülən işlər və atılan məqsədyönlü addımlar Azərbaycanın bugünkü uğurları üçün ən etibarlı təməl oldu. Bir sözlə, əgər Azərbaycanın müstəqilliyi tarixi zərurətdən irəli gələn hadisə idisə, bu müstəqilliyin əbədiliyi və dönməzliyi ümummilli lider Heydər Əliyevin adı və bağlıdır.
Ulu Öndərin müstəqilliyimizin qorunub saxlanması və möhkəmləndirilməsi istiqamətində yorulmaz səyləri bu gün onun layiqli davamçısı Prezident İlham Əliyev tərəfindən davam etdirilir. Ümummilli Liderin çoxşaxəli fəaliyyətinin nəticələrinə arxalanaraq, Prezident İlham Əliyevin rəhbərliyi ilə Azərbaycan siyasi, iqtisadi, sosial və hərbi sahələrdə nəzərəçarpan tərəqqi əldə edib. Azərbaycan yerləşdiyi bölgədə baş verən strateji, siyasi və iqtisadi proseslərin gedişinə təsir göstərməyə qadir olan ölkəyə çevrilib. Azərbaycan özünün siyasi və iqtisadi qüdrəti, strateji mövqeyi, zəngin təbii ehtiyatlarından xarici siyasət prioritetlərinin təmin olunmasında məharətlə istifadə edir. Milli maraqlara uyğun olaraq beynəlxalq birliyin əksər üzvləri ilə qarşılıqlı faydalı əməkdaşlıq həyata keçirilir. Dövlətimizin başçısının həyata keçirdiyi uğurlu inkişaf strategiyası nəticəsində ölkə iqtisadiyyatı özünün inkişaf sürətinə görə dünyada ən yüksək yerlərdə durur.
Beləliklə, vaxtilə ulu öndər Heydər Əliyev tərəfindən qorunub saxlanılan müstəqilliyimiz bu gün Prezident İlham Əliyevin rəhbərliyi ilə daha da möhkəmləndirilir və onun əbədiliyi təmin edilir. Bütün bunlar bir daha deməyə əsas verir ki, Azərbaycanın müstəqilliyi əbədi və dönməzdir.
DAHA ÇOX XƏBƏRLƏR:
Fizulidə baş həkimin işdən çıxarılması işçiləri “ayağa qaldırdı», polis xəstəxananı mühasirəyə aldı.
Yəqin ki, məqaləni oxuyan hər kəs mövzunun hansı səbəbdən belə bir başlıq adı altında yazıldığı anlamına xüsusi diqqət yetirəcək və gündəlik gözü önündə baş verənləri bir daha yada salacaq. Diqqət ayrılası məqam o olacaq ki, bu gün də yaşadığımız ictimai həyatın ayrı-ayrı sahələrində saysız-hesabsız problemlər, bənzəri olmayan olaylar yaşanmaqdadır. Bilib eşitdiyimiz həqiqət isə ondan ibarətdir ki, hələ bir neçə il bundan əvvəl də, səhiyyəmizdə yaşananlar daha çox ictimai müzakirələrə səbəb olurdu. Tam əksəriyyət o halın varlığını ittiham edirdi ki, nədən qəbul olunmuş qanunlar kağız üzərində qalır, vətəndaşlara verilmiş imtiyazlar, bir çox təminolunmalar boş-boş vədlərdən başqa bir şey olmur. Bütün bunlar qalsın bir yana, bir neçə gün bundan əvvəl Fizuli səhiyyəsində baş verən növbəti olay haqda məlumatları əldə etdikcə, sanki şoka deyil, birbaşa “şökə” düşməli olduq. Buna səbəb olan amillərdən biri də, Fizuli Rayon Diaqnostika Mərkəzinin fəaliyyətə başladığı ilk gündən, adı çəkilən səhiyyə müəssisəsində baş həkim vəzifəsini daşıyan Məmmədov Cümşüd Məmməd oğlunun, təqribən üç-dörd gün bundan əvvəl heç bir əsas olmadan daşıdığı vəzifəsindən uzaqlaşdırılması oldu. Məsələnin düşündürücü və müzakirələrə səbəb olan tərəfi odur ki, müəssisədə çalışan 215 nəfər əməkdaşın tam əksəriyyəti, bu şəxsin işdən çıxarılmasına kəskin etirazlarını ifadə etsələr də, nədənsə həmin şəxslərin etirazlarına bir kimsə məhəl qoymur. Onu da bildirək ki, 63 yaşlı Cümşüd Məmmədov Fizuli rayonunun Yuxarı Əbdürrəhmanlı kənd sakinidir və bu kənd erməni quldurları tərəfindən işğal olunarkən, bu şəxsin atası, qardaşı döyüş əməliyyatlarının gedişi zamanı şəhid olurlar. Yəni, sabiq baş həkim şəhid ailəsinin üzvüdür.
Bir faktı da qeyd edək ki, hal-hazırda Fizuli Rayon Mərkəzi Xəstəxanasında baş həkim vəzifəsini Natiq Şükürov adlı şəxs daşıyır və işdən çıxarılmış Diaqnostika Mərkəzinin baş həkimi vəzifəsinə, bu şəxsin qardaşı oğlu Şaiq Şükürov təyin olunub. Belə bir təyinatın verilməsinə qəti etirazlarını ifadə edən əməkdaşlar bildirirlər ki, “Cümşüd Məmmədov baş həkim olarkən neçə-neçə imkansız şəxsləri öz vəsaiti hesabına əməliyyat etdirib, müəssisədə çalışan şəxslərin hər birinə dayaq olub, son vaxtlar isə, “Fizuli Futbol Komandası”nı maliyyələşdirirdi. Bu şəxs iki ay idi ki, Fizuli RİH-nin başçısı Alı Alıyevə “haqq-hesab” çatdıra bilmədiyindən, o, Cümşüd Məmmədovun daşıdığı vəzifəsindən uzaqlaşdırılmasına nail ola bildi”. İddialara görə sabiq baş həkim hər ay icra başçısına 2 (iki) min manat “haqq-hesab” verirmiş.
Yaşanan olaylarla bağlı belə bir iddialar da səslənir ki, Diaqnostika Mərkəzinə yeni baş həkim təyin olunan Şaiq Şükürov, hər ay icra başçısına 5 (beş) min manat “haqq-hesab” verəcəyi haqda üzərinə öhdəlik götürdüyündən, RİH-nin başçısı bu yöndə addımını atır. Elə ki, 11 oktyabr 2019-cu il tarixdə, saat təqribən 10:30-da adı çəkilən səhiyyə müəssisəsində çalışan kollektiv üzvlərindən çoxu, verilmiş təyinata etiraz əlaməti olaraq Diaqnostika Mərkəzinin önünə çıxıb öz iradələrini ortaya qoydular, o halda ərazini polis əməkdaşları sanki “üzük qaşıtək” mühasirəyə aldılar.
Əldə etdiyimiz bəzi məlumatlara görə, Diaqnostika Mərkəzinə yeni təyin olunan baş həkimi kollektiv üzvlərinə Səhiyyə Nazirliyinin Anar adlı əməkdaşı və Fizuli Rayon Polis Şöbəsinin rəis müavini İsa müllim təqdim edirlər. İddialara görə Şaiq Şükürovla bağlı təyinatın verilməsi məsələsini, adı çəkilən şəxsin əmisi, hansı ki, hal-hazırda Fizuli MRX-da baş həkim vəzifəsini daşıyan Natiq Şükürov, Səhiyyə Nazirliyi Tibbi yardımın təşkili şöbəsinin müdiri Gülmirzə adlı şəxslə həll edir. Belə bir olayların varlığı onu göstərir ki, MRX-nın baş həkimi RİH-nin başçısı ilə əlbir olub müəyyən addımlarını atdığından, hər iki şəxsin işbirliyi rayonda korrupsiya hallarının “çiçəklənməsinə” yollar açır.
Söylənilənlərə görə, bu gün Natiq Şükürov Fizuli səhiyyəsini tam şəkildə özünün təsir dairəsində saxlayır. Məsələn, hal-hazırda bu şəxsin həyat yoldaşı Rəbiyyə xanımın MRX-nın kadrlar şöbəsində məsul vəzifədə çalışdığı bildirilir. Natiq Şükürovun qardaşı oğlu Şəfa Şükürov, rayonun Zoobcuq qəsəbəsindəki MRX-nın poliklinika şöbəsinə rəhbərlik edir. Başqa bir qardaşının oğlu Şaiq Şükürov isə, Fizuli Rayon Diaqnostika Mərkəzinə verilmiş təyinatına qədər, Horadiz Şəhər Xəstəxanasında baş həkim vəzifəsini daşıyırdı. Redaksiyamıza daxil olan ilginc məlumatlara görə, Natiq Şükürovun baş həkim olduğu MRX-nın qarşısındakı torpaq sahəsi, hələ bir müddət bundan öncə hansısa şəxsə satılır və həmin yerdə kommersiya məqsədilə obyekt inşa olunmaqdadır. Səslənən iddialarda o da bildirilir ki, uzun illər ərzində baş həkim vəzifəsini daşıyan bu şəxsin Böyük Bəhmənli kəndində eni-uzunu bilinməyən ölçüdə “parnik”i var və onun həmin “parnik”ə külli miqdarda vəsait qoyduğu da söylənilir. O halda sual oluna bilər ki, görəsən icra başçısı vəzifəsini daşıyan bu şəxsin aylıq maaşı nə qədərdir ki, o, belə bir əmlaka malik olur. Hətta bəzi iddialarda o da vurğulanır ki, Alı Alıyev külli miqdarda daşınan və daşınmaz əmlaklara da sahibdir. Yəqin ki, bu yöndə aparacağımız araşdırmalar, icra başçısı ilə bağlı bir çox mətləbləri də aşkara çıxarmağa imkan verəcək.
Redaksiyamıza bu yöndə baş verən olaylardan başqa, hər kəsin daha çox müzakirə etdiyi və ciddi söz-söhbətə səbəb olan olaylar haqda da məlumatlar daxil olub. Məsələn, əldə etdiyimiz məlumatlarda bildirilir ki, hər həftənin ikinci günü Fizuli RİH-i başçısının qəbul günüdür. Elə ki, hansısa şəxs üz-üzə qaldığı problemin həlli məqsədilə Alı Alıyevin qəbulunda olur, o halda icra başçısı həmin şəxsin probleminin həll olunması yöndə söz verir. Verilmiş vəddən sonra həftələr keçsə də, həmin şəxsin problemi həll olunmur ki, olunmur. Belə olan halda həmin şəxs təkrar icra başçısının qəbul günü qəbulunda olmaq istəsə də, icra başçısı heç bir halda həmin şəxsi qəbul etmir. Belə bir səbəb üzündəndir ki, Fizuli rayonunda həftənin ikinci günü hər kəsin yaddaşına “Aldatma günü” kimi həkk olunub. Müəyyən iddialara görə, bu gün Alı Alıyev Fizuli rayonunda ən imkanlı şəxs hesab olunur. Məsələn, adicə bu şəxsin rayon ərazisində 15 min hektar torpaq sahəsinə sahib olduğu da bildirlir.
Bütün bunlar onu göstərir ki, hal-hazırda rayon rəhbərliyinin öz maraqlarının həlli məqsədilə atdığı addımlar, sakinlər arasında kütləvi narazılıq hissinin baş qaldırmasına səbəb olan halların varlığıdır. Etimal etmək olar ki, şəhid ailəsinin üzvü olan və bir neçə gün bundan əvvələ qədər Fizuli Rayon Diaqnostika Mərkəzində baş həkim vəzifəsini daşıyan 63 yaşlı Cümşüd Məmmədovun heç bir əsas olmadan daşıdığı vəzifəsindən uzaqlaşdırılması, adı çəkilən səhiyyə müəssisəsində çalışan 215 nəfər şəxsin tam əksəriyyətinin, dövlət-hakimiyyət orqanlarından narazı salınmaları yöndə atılmış məqsədli addımdır. Hətta, o haqda da düşünmək olar ki, ölkəmizin indiki həssas anlarında belə bir addımların atılması müxalif düşərgədə duranlara verilmiş “pərdəarxası” dəstəyin müəyyən formasıdır. Ona görə də düşünürük ki, məqalənin dərcindən sonra aidiyyəti qurumlar yaşanan olayların araşdırılması yöndə müəyyən addımlarını atıb, bəzi gizlinlərin ortaya çıxarılmasına nail ola biləcəklər. Məqalədə adı çəkilən hər kəsin mövqeyini dinləyə bilərik.
Mövzu diqqətimizdədir.
Bu yaxınlarda Qazax rayonunda olduq. Rayonda aparılan səliqə - sahman , nizam- intizam , tikinti –quruculuq işləri göz oxşayır. İcra başçısı Rəcəb Babaşovun və komandasının səmərəli işlədiyini , dövlətimizə , dövlətçiliyimizə ləyaqətlə xidmət etdiyinin , ölkə rəhbəri Cənab İlham Əliyevin sərəncam və tapşırıqlarını ən yüksək səviyyədə yerinə yetirdiklərinin bir daha şahidi olduq. Həqiqətən də , respublikamızın qərb qapısının etibarlı əllərdə olduğuna əmin olduq.
Lakin tam təsadüf nəticəsində yolumuz Bala Çaylı kəndinə düşdü. Daha doğrusu kənd qəbirstanlığının yanında keçməli olduq. Qəbirstanlıq kəndin kənarında yerləşir. Məsələ harda yerləşməsində deyil. Sadəcə gördüyümüz mənzərə bizdə dəhşət yaratdı.
Bu dəhşəti isə sözlə ifadə etməkdə belə çətinlik çəkirəm. Qəbirstanlığın ətrafı demək olar ki, zibilliklə əhatə olunub. Kəndin bütün zibilləri bura atılır. Zibillikdən böyük təpəciklər yaranıb.
Bu işin mənəvi tərəfi hər kəsə aiddir. Yəni inanmıram ki , o kənddə elə bir ev tapıla ki , orda uyuyanı olmasın. Keçmişinə , ata – babasına , ölüsünə hörmət qoymamaq heç bir vicdana , şərəf və ləyaqətə sığası deyil.
Sıravi insanları qoyaq bir tərəfə . Bəs bu ərazilərə birbaşa cavabdeh olan qurumlar , kənd bələdiyyəsi , İcra hakimiyyəti , Ekologiya və Təbii Sərvətlər Nazirliyinin rayon üzrə nümyəndəsi hara baxır?.Bu boyda rəzalətdən xəbərləri yoxdur? Yoxdur-söyləmək heç ağlabatan deyil . Bəs onda bu biabırçılığa , bu hörmətsizliyə niyə son qoyulmur?
Məsələylə bağlı kənd bələdiyyəsi ilə əlaqə saxlamağa çalışsaq da heç bir nəticə əldə edə bilmədik.
Bala Çaylı kəndində olan böyük problem bununla bitmir.Elə qəbirstanlığın yanından keçən Coğaz çayının başına gətirilən oyunlar , çayın məcrasının dəyişdirilməsi , onun üzərində gedən proseslər isə başqa bir yazının materialıdır.
Növbəti saylarımızda bu məsələyə geniş toxunacağıq.
Müşfiq Kişiyev.
Prezident İlham Əliyev Yevlax rayon İcra Hakimiyyətinin başçısı Qoca Səmədovun 3-cü dərəcəli “Vətənə xidmətə görə” ordeni ilə təltif edilməsi haqqında sərəncam imzalayıb.
Bu gün Aşqabadda Azərbaycan Prezidenti İlham Əliyevin Türkmənistan Prezidenti Qurbanqulu Berdiməhəmmədov ilə görüşü olub.
"Qafqazinfo" xəbər verir ki, İlham Əliyevi salamlayan Qurbanqulu Berdiməhəmmədov deyib:
-İlham Heydər oğlu, icazə verin Sizi Türkmənistanda, Aşqabadda salamlayım və bizim dəvətimizi qəbul edib MDB Dövlət Başçıları Şurasının iclasında iştirak etmək üçün gəldiyinizə görə Sizə dərin təşəkkürümü bildirim. Düşünürəm ki, xalqlarımızın rifahı naminə tərəfdaşlığın səmərəliliyini artırmaq üçün yaxşı imkanımız olacaq. Sizi bir daha salamlayıram. Xoş gəlmisiniz!
Prezident İlham Əliyev deyib:
-Sağ olun, hörmətli Qurbanqulu Məlikquluyeviç. Dəvət üçün sağ olun. Göstərilən qonaqpərvərliyə görə sağ olun. Qardaş Türkmənistan torpağına gəlməyə həmişə şadıq. Mənim keçənilki səfərimi, sizinlə görüşümü və imzaladığımız sənədləri xatırlayıram. Düşünürəm ki, o vaxt biz rekord göstərdik, 20-dən çox sənəd imzaladıq. Bu, iki qonşu ölkə arasında münasibətlərin xarakterini və ruhunu əks etdirir. Əlbəttə, MDB dövlət başçılarının sabahkı Zirvə Görüşü çoxtərəfli əməkdaşlığın daha da möhkəmlənməsi üçün böyük əhəmiyyət kəsb edir. Bu mühüm beynəlxalq tədbirin gözəl təşkil edilməsi münasibətilə Sizi təbrik etmək, Sizə, qardaş Türkmənistan xalqına ən xoş arzularımı bildirmək, yeni zəfərlər, qələbələr diləmək istərdim.
Prezident Qurbanqulu Berdiməhəmmədov:
- Sağ olun, İlham Heydər oğlu. Mən, həmçinin Xəzəryanı ölkələrin Birinci İqtisadi Forumuna verdiyiniz dəstəyə və onun işində fəal iştirak etdiyinizə görə Sizə dərin təşəkkürümü bildirmək istərdim. Siz bilirsiniz ki, forum sərgi ilə də müşayiət olundu. Sizin ölkənizin demək olar ki, hamının diqqətini cəlb edən yaxşı stendi var idi. Siz bu forumun keçirilməsində də böyük rol oynamısınız. Ona görə, icazə verin bu həssas diqqətə və yaxşı iştiraka görə Sizə təşəkkürümü bildirim. Bu, bizim ortaq təşəbbüsümüz idi, ümumiyyətlə, ideya genişdir. Sizə açıq deməliyəm, orada iki ölkə fəal iştirak edib – Türkmənistan və Azərbaycan. Əsas diqqət məhz tranzit-nəqliyyat dəhlizləri məsələlərinə ayrılmışdı. Beləliklə, icazə verin bir daha Sizə təşəkkürümü bildirim.
Prezident İlham Əliyev: Çox sağ olun.
Goranboy rayon təhsil şöbəsinin müdiri Səxavət Məmmədov - Məlumdur ki, təhsil cəmiyyətin inkişafını, hərtərəfli tərəqqisini şərtləndirən başlıca amillərin ən əsasını təşkil edir. Hələ o zamanlar təhsili millətin gələcəyi adlandıran ümumilli lider Heydər Əliyev, təhsilimizin gələcəyini onun keyfiyyətinin yüksəldilməsində və müasir texnologiyaların bu sahəyə geniş tətbiqində görürdü. Cənab Prezident İlham Əliyev də öz çıxışlarının birində qeyd etmişdir ki, “Təhsilin yüksək intellektual bacarığa malik insan kapitalı formalaşdırmaqda və güclü iqtisadiyyat qurmaqda oynadığı rol bu gün daha aktualdır. Bizim məqsədimiz elmi inkişafla milli inkişafın ümumi səviyyəsi arasında əlaqə yaratmaq və elm, ali təhsil və iqtisadiyyat arasında hormoniyanı təmin etməkdir.” Cənab Prezidentin belə fikirləri milli təhsilimizə, bütövlükdə isə Azərbaycanın müasirləşməsi və dünyanın inkişaf etmiş ölkələri sırasına çıxmasına hədəflənmiş konservativ baxışdır.
Son illər Goranboy rayonunun təhsil sistemində normativ-hüquqi bazasının yaradılması, müasir texnologiyaların tətbiqi imkanlarına görə məzmunca təhsilin yeniləşdirilməsi və təkmilləşdirilməsi, həmçinin idarəçilikdə demokratik dəyərlərin daim ön plana çəkilməsi və beynəlxalq əlaqələrin genişləndirilməsi kimi vacib məsələlərə həssas yanaşma tendensiyaları artmaqdadır.
Zəngin maarifçilik ənənələrinə malik olan Goranboy rayonunda təhsil 2019-cu ildə daha da inkişaf etmiş, uğurları artmışdır. Məktəblərin maddi-texniki bazasının möhkəmləndirilməsi, yeni texnologiyaların tətbiqi və ümumilikdə təhsildə müasir standartlara uyğunlaşdırılma istiqamətində tədbirlər davamlı olaraq həyata keçirilmişdir. İl ərzində keçirilən respublika, zona və rayon səviyyəli tədbirlərdə, bilik yarışlarında, fənn olimpiadalarında, müxtəlif müsabiqələrdə, həmçinin idman yarışlarında şagirdlərimiz yüksək uğurlar qazanmışlar.
Goranboy rayonun nümunəsində regionların kompleks inkişafını hədəfləyən bütün növ fəaliyyətlərin əsas məqsədi, ümumilikdə respublikamızın sosial iqtisadi vəziyyətini günü-gündən inkişaf etdirmək, onu yüksək təhsilə, elmə və iqtisadi göstəricilərə malik qüdrətli bir məmmləkətə çevirməkdir. Azərbaycanı sevən, onun uğurlu sabahlarını düşünən rayon təhsil şöbəsinin müdiri olaraq doğma Goranboyumuzun gözəlləşən simasında ölkəmizdəki inkişafı görmək mənə yalnız qürur verir. Bütün bunlara görə, hər zaman xalqının yanında olan, ulu öndərin milli ideyalarını layiqincə davam etdirən Prezidentimə minnətdaram.
Şər və Böhtan yazanlara tutarlı cavab - Goranboy rayon təhsil şöbəsinin müdiri Səxavət Məmmədov haqqında jurnalistlərin ağlına nə gəldi onu da qələmi ələ alır
HƏQİQƏTƏ UYĞUN YAZILAR DƏRC EDİN. YOXSA ŞANTAJ XARAKTERLİ YAZILARDAN ƏL ÇƏKİN.......
Mən isə çalışacam ki, bəziləri kimi eşitdiklərimə yox, gördüklərimə əsaslanım, eşitdiklərimdən vaz keçim. Özünə jurnalist deyən hər kəs də gərək belə etsin. Gördüklərini, müşahidə etdiklərini yazsın: “Etibarlı mənbə”yə etibar etməsin. Əsas məqsədə keçmədən onu qeyd etmək istərdim ki, sosial şəbəkələrdə sayt, portal, informasiya agentliyi adına çirkli yuva quran bir sıra jurnalistikaya ləkələr gətirənlər Goranboy rayon təhsil şöbəsində, ümumilikdə ölkəmizdə müsbət bir şey görmürlər. Guya "Goranboy sakini Mehriban xanım Əliyevaya müraciət etdi:”Goranboy rayon təhsilində vəziyyət çox acınacaqlıdır.”". Çünki onlar mənəvi kordular. Divin canı şüşədə olan kimi, onların təsisçiləri, baş redaktorları və bütün əməkdaşlarının canı da şərdə, böhtanda, iftirada, mənəviyyatsızlıqda, satqınlıqda, goreşənəlikdə, ayaq altı qazımaqda, maddi hərislikdədir.
Onlar yerlərə inkişafı, yüksəlişi, hər bir bölgənin hərtəfli tərəqqəsini görmək üçün getmirlər. Bəzən də xeyirxah, tərəfdaş cildinə girib, əncir yarpağı boyda qəzetində boğazdan yuxarı sözlərdən ibarət dərc etdiyi bir yazını götürüb əvəzini almağa rayonlara cumurlar. Burada M.F.Axundzadənin “Hacı qara” komediyası.
Mətləbi deyəsən bir az uzatdım. Obyektiv oxuculardan üzr istəyirəm. Məqsədə gəlirəm. Goranboy rayon təhsil şöbəsinin müdiri Səxavət Məmmədovun fəaliyyətinə kölgə salmaq istəyənlərin mənəviyyatı, keçmişi, bu günü kölgəlidir, əxlaqı ləkəlidir. Rəhbərliyin tutduğu yol isə çox aydın və düzdür. Məramı, məqsədi cənab Prezidentin sərəncam, tapşırıq, göstəriş və tövsiyələrini məsuliyyətlə icra etməklə rayon əhalisinə xidmət göstərməkdir. Nəticələr isə göz qabağındadır .
Müşfiq Kişiyev
Salyan rayon İcra Hakimiyətinin başçısı Sevindik Hətəmov rayonun Qırx Çıraq qəsəbəsində əhali ilə görüş keçirmişdir.
Azərbaycan iqtisadiyyatının güclənməsi, eyni zamanda ölkə başçısının respublikanın hər bir ərazisinin abadlaşmasına yaxından göstərdiyi diqqət və qayğının nəticəsidir ki, Salyan rayonu da ilbəil gözəlləşir, sürətlə inkişaf edir. Rayon ərazisindəki küçə və xiyabanların yenidən qurulması, yeni istirahət parklarının salınması, müasir tələblərə cavab verən inzibati binalar, təhsil, səhiyyə müəssisələrinin inşa edilməsi bunun bariz sübutudur. Qeyd edək ki, mədəniyyət obyektlərinin yeniləşdirilməsi də xüsusi diqqətdə saxlanılır, gənc nəslin sağlam böyüməsini təmin etmək və bu sahəyə marağı artırmaq məqsədi ilə rayon ərazisində hər cür şəraiti olan idman mərkəzi də yaradılıb.
Görünən odur ki, rayon rəhbərliyi qarşıya qoyulan vəzifələrin yerinə yetirilməsi üçün işgüzar mühitin formalaşmasına nail olub. Belə ki, Sevindik Hətəmov Salyan Rayon İcra Hakimiyyətinin başçısı təyin edildikdən sonra bu rayonda sözün həqiqi mənasında bir sıçrayış, tərəqqi hiss olunmağa başladı. Elə ilk gündən rayonda böyük abadlıq, quruculuq işlərinə start verildi. Yollar genişləndirildi, gözəl binaların tikintisinə başlanıldı. Bu hələ görülən işlərin ilk mərhələsi idi. Regionun digər rayonları kimi, Salyanda da yeni iş yerləri açılır, əhalinin məşğulluq səviyyəsi, sosial rifahı artır. Salyan rayonuna kimin yolu düşürsə, sözün əsl mənasında, burada gördüklərinə heyran olur. Çünki rayon mərkəzi gündən-günə dəyişilir. Burada yeni istirahət mərkəzləri yaradılır, müasir memarlıq üslubunda tikilmiş binalar göz oxşayır. İnfrastuktur yenilənir, əhalinin məişət şəraiti yaxşılaşır, mavi yanacaq, içməli su, elektrik enerjisi sarıdan əvvəllər mövcud olan problemlər sürətlə aradan qaldırılır. Beləliklə, ölkəmizin iqtisadi qüdrətinin artması, Azərbaycanın hər bir yerində müşahidə olunan davamlı inkişaf Salyan rayonunda da aydın hiss olunur. Rayonda əhəmiyyətli infrastruktur və sosial layihələr həyata keçirilib, geniş abadlıq-quruculuq işləri davam etdirilib, bütün istiqamətlərdə uğurlar əldə olunub, insanların rifahı daha da yaxşılaşıb.
Rayon sakinləri də bildirirlər ki, Salyanın Azərbaycanın ən gözəl şəhərlərindən birinə çevrilməsində icra başçısı Sevindik Hətəmovun əməyi böyükdür. O, rayonda aparılan abadlıq-quruculuq işlərini özünün xüsusi diqqət mərkəzində saxlayır. Məhz buna görə də ölkə başçısının tapşırığı ilə Salyanda həyata keçirilən infrastruktur layihələrin yeni mərhələsi başlayıb. Bu mərhələdə çoxmərtəbəli yaşayış evləri, park və xiyabanlar yenidən qurulur, yollar təmir edilib asfaltlanır. Rayonun əlverişli coğrafi mövqeyi, zəngin təbiəti və burada olan çoxlu sayda tarixi mədəniyyət abidələri Salyanda turizmin inkişafı üçün potensial imkanlar yaradır. Salyan rayonunun ərazisində gələcəkdə ekoturizm də inkişaf etdiriləcək. Belə ki, rayonda ekoturizmin inkişaf etdirilməsi üçün Şirvan Milli Parkı, Şır-şır bulağı, İstisu, palçıq vulkanları, Qızılqaz gölü kimi turizim obyektləri var. Salyan ərazisində mövcud olan palçıq vulkanları və termal su mənbələri rayonda müalicəvi turizmin inkişafı üçün də böyük imkanlar yaradır. Bu da Salyanın regionun turizm mərkəzlərindən birinə çevriləcəyini göstərir. Ümumiyyətlə, Salyandakı tarixi əhəmiyyət daşıyan abidələr də ona xüsusi, müdrik bir görkəm verir.
Söz yox ki, əhalinin rifahının yaxşılaşdırılması, habelə onların problem və təkliflərinin öyrənilməsi məqsədi ilə vətəndaşlarla birbaşa ünsiyyət vasitəsi kimi yerlərdə qəbulların müstəsna əhəmiyyəti var. Odur ki, vətəndaşların müraciətlərində verilmiş təkliflərin heç biri Salyan Rayon İcra Hakimiyyətinin nəzərindən qaçmır, öyrənilir və araşdırılaraq baxılır. Bir sözlə, bu məsələ Salyan rayonunda daim diqqət mərkəzindədir. Buna görədir ki, vaxtilə iş dalınca Salyandan başqa yerlərə üz tutub gedənlər indi bura qayıdanda abadlığa, gözəlliyə, yeniliyə heyran olduqlarını, az qala rayonu tanımadıqlarını bildirirlər. Çünki bu gün Salyan Sevindik Hətəmovun rəhbərliyi dövründə özünün tərəqqisində böyük nailiyyətlərə imza atıb, keyfiyyətcə yeni inkişaf mərhələsinə qədəm qoyub. Bir sözlə, Salyanda həyata keçirilən yenidənqurma, abadlıq və bərpa işləri uğurların miqyasını artırır. Bu isə rayon sakinlərinin Salyan rəhbərliyi ilə birgə əməyinin bəhrəsinin gələcəkdə də çox olacağını göstərir. Şübhəsiz, həyata keçirilən işlərə baxmayaraq, rayonda həlli vacib olan məsələlər hələ çoxdur. Lakin ümid edirik ki, rayon rəhbərliyi bütün çətinliklərin öhdəsindən layiqincə gələcək və Salyan əhalisinin sosial-rifahı daha da yaxşılaşacaq. Xülasə, ölkə başçısının tapşırıqlarına dərhal əməl edən və bu zaman nöqsana yol verməyən, üzərinə düşən işin məsuliyyətini dərk edən Sevindik Hətəmovun gərgin əməyi nəticəsində bu gün Salyan rayonu sürətli inkişaf baxımından digər rayonlardan heç də geri qalmır. Son aylar ərzində rayonda həm təhsil, həm səhiyyə, həm iqtisadiyyat, həm də digər sahələr üzrə ciddi nailiyyətlərə imzanın atılması bunun bariz sübutudur. Bütün bunlar həmçinin, onu göstərir ki, inamla gələcəyə, tərəqqiyə doğru irəliləyən Salyan rayonu regionun mərkəzinə çevrilməkdədir.
Lənkəranın Osakücə kəndində səyyar qəbul-görüş****************
Rayonda hər bir vətəndaşın probleminə diqqətlə yanaşılır, onların həlli istiqamətində icraçı şəxslərə konkret tapşırıqlar verilir
Lənkəran şəhər icra başçısı Taleh Qaraşov hər bir vətəndaşın probleminə diqqətlə yanaşır, ilk növbədə müraciətlərin yaranması səbəblərinin aradan qaldırılması üçün ciddi tədbirlər həyata keçirir. Müraciət edən hər bir vətəndaş qrafikə uyğun olaraq Lənkəran şəhər İcra Hakimiyyətində qəbul olunur, onların qaldırdıqları problemlərin həlli istiqamətində icraçı şəxslərə konkret tapşırıqlar verilir, icra barədə vətəndaşlara rəsmi cavablar göndərilir. Vətəndaşların qəbulu bütün iş günlərində, habelə şənbə və bayram günlərində də aparılır. Aparatın özündə və yerlərdə keçirilən səyyar qəbullar zamanı qaldırılan məsələlər müsbət həll olunur, müvafiq izahatlar verilir, icrada olan müraciətlər isə nəzarətdə saxlanılır. Ötən il olduğu kimi, bu il də əhalinin sosial müdafiəsi, aztəminatlı ailələrə qayğı göstərilməsi diqqətdə saxlanılan ən vacib məsələlərdən biri olub, yaxın yaşayış məntəqələrinin hamısında əmək haqlarının, pensiya və müavinətlərin ödənişi plastik kartlarla keçirilib. Rayon İcra Hakimiyyəti tərəfindən Böyük Vətən müharibəsi iştirakçısı və veteranına, şəhid ailələrinə, Qarabağ müharibəsi əlillərinə, Çernobıl əlillərinə və sosial müdafiəsi zəif olan digər əhali təbəqəsinə ərzaq və pul yardımı göstərilir. Bundan əlavə, sosial vəziyyəti ağır olan insanlara fərdi ev tikmələri üçün sement, mişar daşı və digər tikinti materialları verilib. Bu qəbildən olan insanlar daim rayon İcra Hakimiyyətinin və aidiyyəti təşkilatların diqqətindədir. Qeyd edək ki, Dövlət Sosial Müdafiə Fondunun Lənkəran şəhər şöbəsində proqnoz tapşırıqlara vaxtında əməl olunub. Belə ki, şöbənin kollektivi vətəndaşların müraciətlərinə çox həssas yanaşır, onları maraqlandıran məsələlərlə pensiyanın yenidən hesablanmasının bir sıra hüquqi aspektləri, stajla bağlı, digər məsələlərlə bağlı sorğularını cavablandırır, həllinə nail olurlar. Şöbənin səlahiyyətlərinə aid olmayan müraciətlər edən vətəndaşlara isə hüquqi və digər mümkün köməkliklərin edilməsi üçün həmin müraciətlər müvafiq orqanlara göndərilir.
Qarşıda görüləsi işlər çoxdur. Lənkəranlılar ilin sonunadək qazanılan uğurları artıracaqlarına, sosial-iqtisadi göstəriciləri daha da yüksəldəcəklərinə əmindirlər.
Dünən “Qafqazinfo” “Yeni Müsavat”a istinadən “İndi Lənkəranın nə xanlığı qalıb, nə də mirvariliyi...” başlıqlı materialı dərc edib. Lənkəran şəhər İcra Hakimiyyəti həmin yazıda əks olunan problemlərə cavab verib:
"05 oktyabr 2019-cu il tarixdə saytınızda yayımlanmış reportajla bağlı bildiririk ki, yazıda qeyd olunanlar reallığı əks etdirmir.
Belə ki, 2003-2018-ci illər ərzində Lənkəran rayonunda 31249-u daimi olmaqla 47528 yeni iş yeri açılmış, cari ildə ödənişli əsaslarla 1120 müvəqqəti yeni iş yeri yaradılmışdır. Əhalinin həyat şəraitini yaxşılaşdırmaq məqsədilə son illərdə Lənkəran şəhərinin yeni salınmış məhəllələri, rayonun kənd və qəsəbələri sürətlə qazlaşdırılıb. Artıq rayonda qazlaşdırma 95 faizə çatdırılıb. Rayonun çətin təbii şəraitə malik ucqar dağ kəndlərinə də qaz xəttləri çəkilir. 17 yaşayış məntəqəsinin elektrik təsərrüfatı yenidən qurulmuş, 2 məntəqədə işlər davam etdirilir.
Şəhərdə əhalinin, xüsusilə gənclərin istirahəti və asuda vaxtlarını səmərəli keçirmələri üçün geniş imkanlar yaradılıb. Heydər Əliyev xatirə parkı, Əsgər Əliyev adına park, Həzi Aslanov parkı, Azərbaycanlıların soyqırımı parkı, Əfqanıstanda həlak olmuş lənkəranlıların şərəfinə salınmış park yenidən qurularaq daha da genişləndirilib, müasir işıqlandırıcılarla və oturacaqlarla təchiz edilib.
Heydər Əliyev Mərkəzi, Beynəlxalq Hava Limanı, Olimpiya İdman Kompleksi, “Lənkəran İstisu Sağlamlıq” Mərkəzi, Regional Müalicə-Diaqnostika Mərkəzi, Uşaq Sağlamlıq, Əlillərin Reabilitasiya və Gənclər mərkəzləri, Bayraq Meydanı, əlil və şəhid ailələri üçün 90 mənzilli 3, evləri qəzalı vəziyyətdə olan sakinlər üçün 80 mənzilli 3 yaşayış binası tikilmiş, Lənkəran Dövlət Dram Teatrının, 350 çarpayılıq Rayon Mərkəzi Xəstəxanasının, Şəhər Mədəniyyət Mərkəzinin, Tarix-Diyarşünaslıq Muzeyinin binaları əsaslı təmir olunmuş, 110/35/10 kv-luq Lənkəran-2 elektrik yarımstansiyası istismara verilmiş, 17 otel, 10 istirahət mərkəzi, 5 çay, 2 konserv, 3 düyü emalı müəssisəsi yaradılmış, xalçaçılıq müəssisəsi, Lənkəran Dövlət Universiteti üçün əlavə 2 tədris korpusu və yataqxana binası tikilib istifadəyə verilmiş, istehsal gücü ildə 18 min ton olan yeni qənnadı məhsulları fabrikinin tikintisi davam etdirilir.
Lənkəran şəhərinə və şəhərətrafı kəndlərə ilk dəfə olaraq dünya standartlarına cavab verən içməli su xətləri çəkilib. Son illərdə rayonda 7 mühüm sosial-iqtisadi əhəmiyyətli yol layihəsi icra olunub, 65 yaşayış məntəqəsini Lənkəran şəhəri ilə birləşdirən, yüz minlərlə vətəndaşın gündəlik olaraq istifadə etdiyi, ümumi uzunluğu 200 km-dək olan yol sahəsi başdanbaşa asfaltlanıbdır. Əvvəllər Lənkəran şəhərinə bir neçə saata gələn ucqar dağ kəndlərinin sakinləri bu gün artıq həmin yolu dəqiqələr hesabına gəlirlər. Eyni zamanda Lənkəran şəhərinin 20 küçəsi tamamilə asfaltlanıb. Şəhərin bütün magistral küçələrində və şəhərətrafı magistral yollarda ən müasir işıqlandırıcılar quraşdırılıb. O cümlədən qəzetin iddia etdiyi şəhərin mikrorayon ərazisi də işıqlandırılır. Şəhərdə çoxmənzilli yaşayış binalarında bərkitmə-gücləndirmə tədbirləri görülüb, 262 çoxmənzilli yaşayış binasının dam örtükləri tamamilə dəyişdirilib, fasadları yenilənib. Ötən 15 il ərzində rayonda 44 məktəb tikilib istifadəyə verilmiş, 4 məktəb əsaslı təmir olunub, o cümlədən cari dərs ilində rayonda 6 məktəb tikilib istifadəyə verilib. Hazırda 5 məktəbin tikintisi, 1 məktəbin əsaslı təmiri davam etdirilir. Yaxın günlərdə isə daha bir müasir tipli məktəbin tikintisinə başlanacaqdır.
Aqrar sahədə məhsul istehsalı durmadan artır. 100 hektarlarla yeni çay, sitrus plantasiyaları və çəltik sahələri salınmışdır. Lənkəran rayonu son bir neçə ildir ki, yerli budcəsini öz daxili gəlirləri hesabına formalaşdıraraq dövlətdən dotasiya almadan sosial-iqtisadi həyatını tənzimləyir. Dotasiya almadan yaşayan rayonda inkişaf necə olmaya bilər? Lənkəranın sosial-iqtisadi inkişafı barədə kiçik bir yazıda geniş və ətraflı məlumat verməyin mümkünsüzlüyünü nəzərə alaraq bu inkişafı görmək arzusunda olan istənilən mətbuat nümayəndəsinə bunları ətrafı öyrənməyi və nəzərə almağı tövsiyyə edirik".
Daxili İşlər naziri, general-polkovnik Vilayət Eyvazov Göygöl rayon Polis Şöbəsinin Dövlət yol polisi bölməsinin rəisi Mais Məmmədovu vəzifəsindən azad edib.
“Qafqazinfo”nun məlumatına görə, hələlik bu vəzifəyə təyinat yoxdur.
Qeyd edək ki, M. Məmmədov iki ilə yaxın idi ki, bölmənin rəisi vəzifəsini icra edirdi.