“BUTA” körpələr evi - uşaq bagçası fidan balalarımızla birgə Xocalı faciəsinin 28 - ci ildönümünü ilə bağlı "Ana Harayı" abidəsini və 1992 ci ilin Martın 3 - də ANA VƏTƏN partiyasının sədri, V çağırış Millət Vəkili Fəzail Ağamalının Şəhidlər Xiyabanında dəfn etdirdiyi
2 azyaşlı naməlum (birinin adı sonradan məlum oldu) körpələrimizin məzarını ziyarət etdi.

Qan donduran Xocalı soyqırımı qurbanlarının xatirəsini ehtiramla yad etmək və erməni faşistləri tərəfindən insanlığa qarşı bu cinayəti törədən düşmənimizin və onun havadarlarının kim olduğunu böyüyən Azərbaycan nəslinə aşılamaq bizim müqəddəs borcumuzdur.

Xocalı soyqırımı Azərbaycan Xalqının Qan yaddaşıdır! Xocalı faciəsi zamanı vəfat edən bütün soydaşlarımıza ALLAHDAN rəhmət diləyirik! AMİN!
“BUTA” körpələr evi - uşaq bağçasının rəhbəri Günay Ağamalı.

 

Azərbaycan Prezidenti İlham Əliyev və Birinci vitse-prezident Mehriban Əliyeva Bakının Xətai rayonunda Xocalı soyqırımı qurbanlarının xatirəsinə ucaldılmış “Ana harayı” abidəsini ziyarət edib.

“Haber Global”ın məlumatına görə, abidənin ətrafında fəxri qarovul dəstəsi və tər çiçəklər düzülüb.

Prezident İlham Əliyev Xocalı soyqırımı abidəsinin önünə əklil qoyub, faciə qurbanlarının xatirəsini ehtiramla yad edib.

Xaçmaz Rayon İcra Hakimiyyətinin başçısı Elnur Rzayev Çarxı kəndində səyyar görüş keçirib

Xaçmaz Rayon İcra Hakimiyyətinin başçısı Elnur Rzayev Çarxı kəndində səyyar görüş keçirib. Görüşdə rayonun hüquq-mühafizə orqanlarının, səhiyyə, təhsil, mədəniyyət, müəssisə rəhbərləri və kənd sakinləri iştirak edib.

Görüşdə rayon rəhbəri bildirdi ki, Azərbaycan Respublikasının Prezidenti cənab İlham Əliyevin regionların sosial-iqtisadi inkişafına göstərdiyi diqqət və qayğı nəticəsində respublikamızda müasir infrastruktur, istehsal və emal müəssisələri yaradılır, yeni iş yerləri açılır. İlk növbədə, əhalinin sosial rifah halının daha da yaxşılaşdırılmasına yönəlmiş bu tədbirlər bir daha təsdiqləyir ki, dövlət başçısının həyata keçirdiyi siyasətin mərkəzində Azərbaycan vətəndaşı dayanır.

Ünvanlı dövlət sosial yardım, məktəb binalarının təmir edilməsi, içməli və suvarma suyu problemi, köhnəlmiş elektrik dirəklərinin yeniləri ilə əvəz olunması kimi məsələlər müraciətlərin əsasını təşkil edib.

Sakinlər tərəfindən qaldırılan məsələlərin bəziləri yerindəcə həll olunub, müəyyən vaxt tələb edən digər məsələlərin həlli istiqamətində isə müvafiq tapşırıqlar verilib.

Daha sonra İcra başçısı ərazidə yerləşən sosial təyinatlı obyektlərə gedərək oradakı vəziyyətlə  tanış olub.

Xaçmazda 2019-cu ilin sosial-iqtisadi inkişafının yekunlarına və qarşıda duran vəzifələrə həsr olunmuş hesabat yığıncağı keçirilib

Xaçmaz Rayon İcra Hakimiyyəti başçısının 2019-cu ilin yekunlarına həsr olunmuş hesabat yığıncağı keçirilib. Tədbir ilk öncə ulu öndər Heydər Əliyevin abidəsi önünə gül dəstələrinin qoyulması ilə başlanıb. Hesabat yığıncağında Xaçmaz Rayon İcra Hakimiyyətinin başçısı Elnur Rzayev, Prezident Administrasiyasının Ərazi-təşkilat məsələləri şöbəsinin sektor müdiri Habil Əzənmədov, rayonun hüquq mühafizə orqanlarının, idarə, müəssisə və təşkilat rəhbərləri iştirak ediblər. Sonra Xaçmaz Rayon İcra Hakimiyyətinin başçısı Elnur Rzayev ötən dövrdə görülmüş işlər barədə məruzə edərək bildirib ki, möhtərəm Prezidentimiz cənab İlham Əliyevin düşünülmüş siyasəti nəticəsində rayonda yerli istehsalın artırılması, ərzaq bolluğunun yaradılması istiqamətində ciddi addımlar atılmışdır. Belə ki, ötən dövr ərzində görülmüş işlər nəticəsində rayonda ümumdaxili məhsulun həcmində artım müşahidə olunmuş, kənd təsərrüfatı məhsullarının istehsalında  ixrac payı yüksəlmiş, adambaşına düşən məhsul buraxılışının artımı isə əhalinin gəlirlərinin artmasını şərtləndirmişdir. Bundan əlavə, rayonda bir çox  sahələr üzrə infrastruktur layihələr də uğurla icra edilib. On iki min nəfər əhalinin yaşadığı  12 yaşayış məntəqəsini birləşdirən Xaçmaz-Niyazoba-Əbilyataq-Qarğalıq avtomobil yolu təmir edilmiş, yeni modul məktəblər  istifadəyə verilmiş və bir çox mühüm layihələr həyata keçirilmişdir. 

Sonra Quba-Xaçmaz Regional Bölməsinin müdiri Mətləb Cəfərov, Xaçmaz Rayon Mərkəzi Xəstəxanası Publik Hüquqi Şəxsinin direktoru Səyyaf Tağıyev və Dövlət Sosial Müdafiə Fondunun Xaçmaz Rayon Şöbəsinin müdiri Ceyhun Həmidov görülmüş işlər barədə hesabat xarakterli çıxışlar ediblər. Daha sonra Prezident Administrasiyasının məsul əməkdaşı Habil Əzənmədov çıxış edərək, ötən dövrdə əldə olunmuş uğurlar barədə geniş məlumat verib. Sonda Şura İclasının qərar layihəsi və Prezident İlham Əliyevə yığıncaq iştirakçıları adından müraciətin oxunmasından sonra Xaçmaz Rayon İcra Hakimiyyətinin başçısı Elnur Rzayev və Prezident Administrasiyasının Ərazi-təşkilat məsələləri şöbəsinin sektor müdiri Habil Əzənmədov  Azərbaycan Respublikasının Prezidentinin 2019-cu il 25 dekabr tarixli 1725 nömrəli Sərəncamı ilə 3-cü dərəcəli «Əmək» ordeni ilə təltif edilmiş İsayev Qalib Baləhməd oğluna ordeni təqdim ediblər.

 

 

Müdriklər demişkən, "xalq üçün, vətən üçün yaşanan ömür əsl insan ömrüdür". Belə insanların ömrü çətin, mənalı və şərəfli olur, başı həmişə el içində uca olur. Onlar öz xoşbəxtliyini, səadətini, varlığını vətənə, xalqa ləyaqətlə xidmətdə görür. Belə insanlar öz xalqının, millətinin mənəvi siması, genefondudur desək səhv etmərik. Tam məsuliyyət və qürurla deyə bilərik ki, belə insanlardan biri də sözün həqiqi mənasında, gözəl insan, Xaçmaz Rayon İcra Hakimiyyətinin başçısı Elnur Rzayevdir.

Xaçmaz Rayon İcra Hakimiyyətinin başçısı Elnur Rzayev peşəkarlığı və qayğıkeşliyi ilə seçilən insandır.
Şərəfli vəzifəyə yiyələnən Elnur Rzayev bu işin müqəddəsliyini qoruyub saxlayır. Elnur Rzayev kömək etdiyi hər kəsin rəğbətini qazanan insanlardandır.

Sorğu apardıq ağız dolusu Elnur Rzayevdən danışdılar yaxşı ki, Elnur Rzayev Xaçmaz Rayon İcra Hakimiyyətinin başçısı təyin olunub… Elnur Rzayev öz isguzarlığı ilə tanınır və seçilir….

Elnur Rzayev Ulu Öndər Heydər Əliyevin siyasi kursuna daim sadiqdir. Heç bir təmanna güdmədən, tutduğu vəzifədən asılı olmayaraq, vəzifədə olub-olmamasından asılı olmayaraq prezident İlham Əliyevə, dövlətə və dövlətçiliyimizə sabit, stabil, sadiq adamdır.

Azərbaycan sürətli inkişaf yolundadır. Bunun əyani sübutu ölkəmizin iqtisadiyyatının inkişafı, əhalinin maddi rifah halının yüksək həddə çatması, xarici sərmayənin total şəkildə məmləkətimizə axını, habelə regionların davamlı və analoqu olmayan hədd yüksəlməsidir. Aydın məsələdir ki, bütün bunlar Ulu Öndər Heydər Əliyevin miras qoydugu və onun layiqli davamçısı Cənab Prezident İlham Əliyevin uğurlu daxili və xarici siyasətin məntiqi nəticəsidir.

Respublikamızın hər yerində olduğu kimi, ölkəmizin şimal qapısı sayılan Xaçmaz rayonunun ictimai-siyasi, sosial-iqtisadi, mədəni həyatında da böyük inkişaf baş verib. Azərbaycanın bölgələrinin, o cümlədən Xaçmaz rayonunun tərəqqiyə qovuşmasının əsasında ulu öndər Heydər Əliyevin müəyyənləşdirdiyi inkişaf strategiyasının Prezident İlham Əliyev tərəfindən uğurla davam etdirilməsi dayanır. Regionların sosial-iqtisadi inkişafı Dövlət proqramları bölgələrdə həyat səviyyəsinin daha da yaxşılaşmasında mühüm rol oynayıb.

Xülasə, ölkə başçısının tapşırıqlarına dərhal əməl edən və bu zaman nöqsana yol verməyən, üzərinə düşən işin məsuliyyətini dərk edən Xaçmaz Rayon İcra Hakimiyyətinin başçısı Elnur Rzayevin gərgin əməyi nəticəsində bu gün Xaçmaz rayonu sürətli inkişaf baxımından digər rayonlardan heç də geri qalmır. Son zamanlarda rayonda həm pambıqçılıq, həm təhsil, həm səhiyyə, həm iqtisadiyyat, həm də digər sahələr üzrə ciddi nailiyyətlərə imzanın atılması bunun bariz sübutudur. Bütün bunlar həmçinin, onu göstərir ki, inamla gələcəyə, tərəqqiyə doğru irəliləyən Xaçmaz rayonu regionun mərkəzinə çevrilməkdədir.

Bizdə hörmətli Xaçmaz Rayon İcra Hakimiyyətinin başçısı Elnur Rzayevə dövlətimizə, xalqımıza şərəfli xidmətində yeni-yeni uğurlar başarılar diləyirik.

     
Ana Vətən Partiyasının sədri Fəzail Ağamalı Qazax rayonunun Ermənistanla sərhədində şəhid olan İbrahim Vəliyevlə bağlı başsağlığı verib.

Müşfiq Kişiyev

Bu gün Abşeron Rayon İcra Hakimiyyətinin başçısı İradə xanım Gülməmmədovanın, rayonun Görədil kəndində sakinlərlə səyyar qəbul-görüşü keçirildi.

Keçirilən görüşdə icra başçısı ilə birlikdə rayonun hüquq-mühafizə orqanlarının, səhiyyə, təhsil, mədəniyyət və digər xidmət təşkilatlarının rəhbərləri, həmçinin kənd sakinləri də iştirak edirdilər. Keçirilən görüş zamanı xanım İcra başçısı görülən işlərdən, yeniliklərdən, sakinləri maraqlandıran bir çox məsələlərdən danışdı və hər kəsi də səmimi dinlədi. O, onu da qeyd etdi ki, “Bu gün rayonun digər kənd və qəsəbələri kimi, Görədil kəndinə məxsus problemlər də tərəfimizdən diqqətdə saxlanılır və həlli istiqamətində müəyyən addımlar atılır. Düzdür, bu kəndə məxsus müəyyən problemlərinin olması haqda lazımi məlumatlarımız var. Ona görə də, hər an sizin problemlərinizi diqqətdə saxlayırıq və həlli istiqamətində lazımi addımlarımızı da atırıq”.



İşgüzar şəraitdə keçirilən görüş zamanı kənd sakinləri elektrik enerjisi, su və mavi qaz təminatı sahəsində heç bir problemin olmadığını bildirsələr də, kəndarası yollarda müəyyən problemlərin olduğunu, sakinlər arasında bəzi şəxslərin işsiz olduqlarını bildirdilər. Onu da qeyd edək ki, İcra başçısı sakinlərə məxsus problemləri dinlədikdən sonra, onların həlli istiqamətində aidiyyatı üzrə lazımi tapşırığını verdi. Bəzi problemlər isə, yerindəcə həllini tapdı. Belə bir səbəblər üzündən də, Görədil kənd sakinləri rayon rəhbərliyinin fəaliyyətindən razılıq edib, İradə xanım Gülməmmədovaya öz təşəkkürlərini bildirirlər. Bu da onu söyləməyə əsas verir ki, xanım İcra başçısı ölkə rəhbəri cənab İlham Əliyevin vermiş olduğu tövsiyyə və tapşırıqları əsas tutub, daim sakinlərin yanında olur, onların dərd və problemlərini dinləyib, həlli istiqamətində lazımi tapşırıqlarını da verir.



Əlavə olaraq onu da qeyd edək ki, xanım İcra başçısı Abşeronun kənd və qəsəbələrində yaşayan əhali ilə mütəmədi görüşlər keçirir ki, bu da artıq ənənə şəkilini alıb. Keçirilən görüşlərdə İradə xanım Gülməmmədovanın şəxsən özü yerlərdə ortaya çıxan problemləri öyrənir və həlli istiqamətində lazımi addımlarını atır. Məsələn, Görədil kəndində keçirilən görüş zamanı icra başçısı onu da vurğuladı ki, “Siz sakinlərin fasiləsiz təbii qazla, elektrik enerjisi və su ilə təmin olunmağınız həyata keçirilsə də, digər işlərin həlli istiqamətində də davamlı addımlar atılmaqdadır”. İcra başçısının iştirakı ilə keçirilən səyyar qəbul-görüşüdə Abşeron RİH başçısının Görədil kənd inzibati ərazi dairəsi üzrə nümayəndəsi Əli Hümbətov, Görədil bələdiyyəsinin sədri İlqar Məmmədov hesabat xarakterli çıxış etdilər və gördükləri iş, həyata keçirilən abadlıq-quruculuq tədbirləri və qarşıda duran vəzifələr barəsində məlumat verdilər. Görüşün sonunda kənd sakinləri də çıxış edərək İcra başçısının kənd və qəsəbələrdə keçirdiyi səyyar görüşlərin çox böyük əhəmiyyət daşıdığını, həmçinin sakinlər tərəfindən irəli sürülən müəyyən təkliflərin, əksər problemlərin həll olunmasına kömək olunduğunu da bildirdilər.