Neftin qiymətinin son günlər kəskin ucuzlaşması dollara da tələbatı artırıb.

Hətta dolların kursunun dəyişəcəyi ilə bağlı fikirlər də dolaşır .

Turkustan.info-nun əməkdaşı bu gün səhər saatlarında bir neçə banka gedərək vəziyyətlə maraqlanıb. Banklardakı real mənzərə dollara tələbatın çox olduğunu təsdiqləyib.

Kapital Bankın Cəfər Cabbarlı filialına, Günay Bankın 2 saylı filialına və Muğan Bankın Zivərbəy Əhmədbəyov küçəsində yerləşən filialına baş çəkdik. Kapital Banka girən hər kəsə elə qapıdaca “Dollar istəyirsizsə, qurtarıb” deyilirdi:

“Dollar istəyirsizsə, yoxdur. Ola bilər ki, günortadan sonra gələcək. Çox güman ki, dolların kursu dəyişəcək. Hələlik 20 min dollara qədər satışa icazə verilib. Hər halda Mərkəzi Bank yeni kurs müəyyən edərsə, günortadan sonra açıqlanacaq. Səhərdən hamı dollar istəyir”.

Kapital Bankın sönmüş valyuta mübadiləsi lövhəsi də (nağd xarici valyutanın manata nisbətən alış və satış məzənnəsi üzrə məlumatları göstərən xüsusi elektron lövhə) dollar kursu barəsində “məlumatsız” idi.

Günay Bankın əməkdaşı da satışda dollar olmadığını dedi: “Dolların hamısı səhər satılıb qurtarıb. Hələlik dolların kursu dəyişməyib. Dollar olsa da, günortadan sonra olacaq. Əgər Mərkəzi Bank tərəfindən yeni alış və satış kursu müəyyən olunarsa, elan ediləcək”.

Muğan Bankda da eyni sözlərlə qarşılaşdıq: “Dollar qurtarıb. Günortadan sonra gəlməsini gözləyirik. Səhər tezdən hamı gəlib dollar alırdı. Dolların kursu hələlik dəyişməyib. Əgər günortadan sonra dəyişərsə, yeni kursla satılacaq”.   /Cebhe.info/

Bu barədə Türkiyənin Ticarət Nazirliyindən məlumat verilib.

Nazirlik qeyd edib ki, 2020-ci ilin fevral ayında Türkiyədən Azərbaycana avtomobillərin tədarükü də 2019-cu ilin fevral ayına nisbətən 31.03 faiz artaraq 6.152 milyon dollar təşkil edib.

Qeyd edək ki, 2020-ci ilin yanvar-fevral aylarında Türkiyədən dünya bazarlarına avtomobil ixracı 4.923 milyard dollar təşkil edərək keçən ilin eyni dövrü ilə müqayisədə 1 faiz artıb.

Türkiyədən avtomobil ixracı yanvar-fevral aylarında ölkənin ümumi ixracatının 16,7 faizini təşkil edir.

2020-ci ilin fevral ayında Türkiyə dünya bazarlarına 2.522 milyard dollar dəyərində avtomobil ixrac edib ki, bu da 2019-cu ilin eyni dövrü ilə müqayisədə 0,9 faiz azdır.

2020-ci ilin fevral ayında Türkiyədən avtomobil ixracı ölkənin ümumi ixracatının 17,2 faizini təşkil edib.

Son 12 ayda (fevral 2019-fevral 2020) Türkiyə 30,638 milyard dollar dəyərində avtomobillər ixrac edib.

Ümumdünya Səhiyyə Təşkilatının tövsiyələrini və digər dövlətlərin təcrübələrini nəzərə alaraq, koronavirus riskinin yayılması ilə əlaqədar 29 fevral 2020-ci il tarixindən etibarən iki həftəlik müvəqqəti dövr ərzində Azərbaycan Respublikası və İran İslam Respublikası arasında dövlət sərhədlərinin məhdudlaşdırıcı rejim əsasında bağlanması barədə qərar qəbul olunub.

Azərbaycanın iqtisadi tərəfdaşı olan, xüsusilə cənub zonasının bir çox ərzaq ehtiyatlarının təmin olunduğu İranla sərhədlərin bağlanması ölkəmizdə ərzaq təhlükəsizliyini gündəmə gətirir.

Məsələ ilə bağlı Modern.az-a danışan Milli Məclisin iqtisadçı deputatı Vahid Əhmədov bildirib ki, koronavirus ümumilikdə dünya iqtisadiyyatına mənfi təsir edir:

“Azərbaycan da bu baxımdan istisna deyil. Gec də olsa İranla sərhədlərimizin bağlanması virusun yayılmasının qarşısını aldı. Bu qərar vaxtında verilsəydi, daha yaxşı olardı, viruslu xəstələr ölkəmizə daxil olmazdı. Amma indiki məqamda bağlanıb və buna görə ərzaq təhlükəsizliyilə bağlı ciddi problem yaşanacağını düşünmürəm”.

İqtisadçı deputat qeyd edib ki, əgər hər hansı ərzaq təhlükəsi ehtimalı olsaydı, cənab Prezident bununla bağlı dərhal addım atardı:

“Ümumiyyətlə, ərzaq təhlükəsizliyi ən ciddi məsələlərdən biridir. Biz də İran və digər dövlətlərdən bir çox ərzaq məhsulları idxal edirik. Amma indiki məqamda Azəraycanda kifayət qədər taxıl, ərzaq ehtiyatları var, mağazalarda da bolluqdur. Bu baxımdan qısamüddətli dövr üçün hansısa problem gözlənilmir. Belə bir təhlükə hiss olunsaydı, cənab Prezident əlahiddə tədbirlərlə bağlı göstəriş verərdi.

Ümid edək ki, koronavirus təhlükəsi tez bir zamanda sovuşacaq. Düşünürəm ki, dünyanın əksər dövlətlərində bu virus yayıldığından sərhədlər nə qədər bağlı qalsa, qorunsa, o qədər yaxşı olar”.

V.Əhmədov möhtəkilərin fürsətdən istifadə edib bahalaşmaya getməsini pisləyib:

“Bizdə bəzi fürsətcillər var ki, xüsusi günlərdə, bayramlarda, yaxud indiki situasiyadakı kimi heç bir iqtisadi əsası olmadan bahalaşmaya gedirlər. Ümid edirəm ki, aidiyyatı qurumlar, hüquq müfahizə orqanları məsələyə diqqəti artıracaqlar. Məndə olan məlumata görə, ölkə başçısının xüsusi tapşırğından sonra dövlət qurumları bahalaşamaya qarşı birgə iş aparır”.

Azərbaycan Respublikasının Prezidenti İlham Əliyev açılışda iştirak edib.

“Azərişıq” Açıq Səhmdar Cəmiyyətinin sədri Vüqar Əhmədov dövlətimizin başçısına yarımstansiya haqqında məlumat verib.

Prezident İlham Əliyev yarımstansiyanı işə salıb.

Sonda xatirə şəkli çəkdirilib.